1 Yoon 3:21 - Yomgkom

²¹ Nangkodmia, nub niindem aom-bed ukum kandanuub deekee ande yedmaubban keraneen kuu God ye kurumbon aom kuu arudkonomombed doberenub,

1 Yoon 3:21 ပူးပေါင်းရင်းမြစ်များ

Yook 101:2

Ne kuu ongme kaadkereni ambarakmoon kii ande dedmoniyiibban ye kerekmen yaambed dobaraniin. Komo aron arimbed ne yaa mananeeb? Nambiwoom dobaraniin kuu ne niindem aom ma aadikmiyiibbanbed dobaraniin.

Romdan 14:22

Kowe, komo inamen kuyaa kuu yiibbed inamen amun ande meene anam andiiwe Godbed ee yimin andoon kumban kuristendan yenambed awinaubban inamen arewa andimaib kuu, yiibka God ye arinambo arimbed kuye inamen kuu ben amuknime. Karub kanembed God yaa meenene inamen amun ande karekmiyiibban kerekore kuye inamen awinoon kumbed ambarakmaan ma andindo kuu Godbed amun kerunoon.

1 Korindan 4:4

Ne inamen awini ye kiwaan kuu yorokmo, ma aadikmiyiibban, kumban kwamune keraan kuu God ye indob arimbed ambarakmiyiibban keri yemanban. Anam kuu wengyundawi ye karub kuu Yariman Yesu kii.

2 Korindan 1:12

Kwane, nubbed kerengkande dakmuub kuu kei, nub komo kamuwen ye kiwaan korokbendoon kuu, okad kiri doburuweniib yiib yoom doburuweniib kuu inamen karadmoyiib aadidmiyiibban ye inameniib God yaambed meneboon kumbed ambangke doburuwen, anamaa, yiib yoom doburuwen kuu kwamunemo kuda. Kwanuwen kuu okad kiri ye meeni kangdom ye kerekmen yaambedban, Godbed kabamoon kondoon ye mimyob dowaken ye kerekmen yaambed kui.

Efesusdan 3:12

Yesu yaayiib ye yaa anam andiyiib kumbed God yaa kuu arudkonoyiib kangdommo wananuub kuu yimin.

1 Timoti 2:8

Ne dowaken kuu karub korem dingki kankoone kurikuri kerimaib kuu noriniibban wengbiriyiibban inamen karadmo yaambed kwamimamime.

Hibrudan 10:22

Id ayoob keye dowad kumbed nub kuu aadidmiyiibban ye inamenbed anam ande kerebkarawiibban arudkonomo kerenub God ye dia menem, nub niindem aom kuu ye umkanbed engkeremab kiradme bunaboon kumbed, ambarakme karak kanduwen kuu nub meeni dobiri inamen kiwaan yaa arekore, nub id kuu ok karadmombed ogendoon kowe.

Hibrudan 4:16

Kwani kowe, nub kuu kabamoon kondoon ye mimyob dowaken ye God dibere oonimbon ari dibeen yaa kuu kerebkarawiibban arudkonomo wene nandem. Kwananuub kumbed dabab menebaneen kuu nub yaa awandi dowad mimyob keende kakman are nonondandi kandenub, kabamoon kondoon ye mimyob dowaken wedmanuub.

1 Yoon 2:28

Ee, ne danaya, kibireb kee ye niindem aom doriib kuu kwane dobe-rembirime. Kwananuub kumbed ye mananeen kuu karakiibbaniiwa uniyiibbaniiwa aromkonoyiibbed ye arinambo ari dobaranuub.

1 Yoon 2:7

Ee, nangkodmia, kwanime ye weng kee kurin yeman andowoon yirimbed kowoon kumbed wongkaan, yeeb yemanban. Kuye weng kuu yiib kwane wengambiriwen.

1 Yoon 3:2

Ee angkodmia, nub kuu God ye meed, kumban nub kuu komo kera-nuub kuu ma korokbindo, mogeed. Kumban nub nubkaadkeruwen kuu ye mananeen yaron yaambed, nub kwang-kon ye areb keranuub, amborom kuu ye anam wedmenanuub kowe.

1 Yoon 3:20

Kwane, nub niindem aombed ukum kandanuub deekee ande yedmanuub kuu weng kuyaa ika meenime, ambo-rom kuu God kuu darewoob, nub meeni arebban, ye kuu inameniib kumka-miib korem kuu ye yekaadmo kowe.

1 Yoon 4:17

Kee kwananuub kumbed mimyob dowaken nub aom kuu dembaneen. Kwananeen kumbed yembed wengyun-dandi aron keranuun ari kuu nub kuu arudkonomo keranuub, amborom kuu okad kiri kee nub kuu ye areb keruwen kowe.

1 Yoon 5:14

Kwane, God ye arinambo ari arudkonoyiib mananuub ye kiwaan kuu kei, God ye inamen yaambed ye yaa kaamonenanuub kuu ye kuu wengambaraneen ande meenem.