1 Yoon 3:12 - Yomgkom

¹² Kein areb keraib, ye kuu awad arewa ye kerekmen yaa kerene, yeka ye daman kuman ayoon. Komo dowad ye daman kuu kuman ayoon? Kwanoon amborom kuu ye komo komo kamoon kuu arewa kumban ye daman komo komo kamoon kuu yorokmo kowe.

1 Yoon 3:12 ပူးပေါင်းရင်းမြစ်များ

Andowoon 4:25

Amaanbed, Adam yoom ye wonong yoom dangiiwe karub dana maa wooniwen. Woonekoru, yedmeen, “Godbed ne yaa mimyob keewene karub dana maa kawoon. Dana kee Abel kuu Keinbed ayoon ye yumbon kandi yeman. Kwani kowe, ne dana yaningko Set yedma.” andeen.

Yook 37:12

Arewa kamidan kuu yorokmodan yaa wunonwanon kamenib, arud wande ningkambo kabang kamendimaib.

Yook 38:20

Kane kane ne amun kami yaambed arewa kamewimaib kuu, amun kami ye kerekmen yaa wanaine ne yaa wengamborokbanabimaib.

Matyu 13:19

“Nimakarub yena kuu okad kiwaan angka areb, kane kanembed Godbed korok kere ooni ye weng kuu wengamberekorib id kandindo keroone, awad arewa yi korokbed weng amun yi niindem aom angkeen kuu awine buruwandene kanwonoon.

Matyu 13:38

Mongkobon kuu okad kumundin kangkuun kei, kowe kab amun kuu God yaa anam andiiwe Godbed yi korok kere oonoondan kui. Ma, kab arewa kuu awad arewa Seten ye yoman winiwendan kui.

Matyu 23:35

Kwana kowe, God ye yorokmodan yi umkan kuburoon ye dowad kuu dabab darewoob yiib ari kombaraneen. Abel ye umkan kubudoroon kuyaambed mene Berekaiya ye mingki Sekaraiya yiibbed kurikuri boyambib darewoob dore dingkan nengkimaib ye bot wuubimbon dore wedkuyaa ayiwen ye umkan kuburoon, yi korem yiiwe dukniwen ye dabab kuu yiib kuu kandaniib.

Matyu 27:23

Andiiwe, Pailetbed kaamondoon, “Komoyiibkob? Komo amob domokboonkob?” andoon. Kwanandoon kumban, yimbed naawonmo komkiwen, “At ming arimbed ayi yeman kii!” ande komkiwen.

Matyu 5:37

“Kwana kowe, dowakeniib kuu no ee ande, o dowakeniibban kuu no yii ande kamime. Maa kee burudande dakmaneen kuu anam awad arewa yi korok yaambed inamen kande dakmaneen kii.

Yesu Ye Weng Amun Lukbed Wongkoon 11:51

Ibduruk kuu Abel ayiwen. Yeenbon kuu Sekaraiya kuu dingkan nengkimaib ye bot wuubimbon dore kurikuri boyambib darewoob dore wedyirimbed ayiwen kui. Eyokee, ne yiib yaa yedmaan kuu, kuye dowad kumbed kibik doriibdan yaa kuu dabab kondaneen.

Yoon 10:32

Kwane, Yesumbed yi yaa yedmendoon, “Ne kuu kamenabi amun amun yemoon Ambe yaambed yiib yaa kedmengkandaan. Mimo kuna ye dowadbed botbed ne kuu nandiwed?” andoon.

Yoon 8:40

Ne kuu anam anam kuu God yaambed wengambaraan kuu yiib yaa dakmaan, kumban yiib kuu ne yaa aye kowi ye inamen darewoowiib kowiwen. Abraham kuu kamune ma ambangkindo.

Yoon 8:41

Yiib kuu yiib awodkimbed awinoonkinmo kwane kamimaib.” andoon. Kwane, Yuudan inandiwen, “Nub kuu nenem danambanaa! God yembedmo kuu nub Ambe kii!” andiwen.

Kwamiwen 7:52

Yiib awoya kuu profesidan korem yenbandiwen kii! God ye Yorokmoman mananeen ye weng dakmidan kwangkon kuu yiib awoyambed yenbandiiwe dukniwen. Yiib kwangkon God ye Yorokmoman kee ambodange ayiwen.

1 Tesalonaikadan 2:14

Angkodmia, Yudea aom God ye nimakarub Yesu yaa anam andiwendan yaa komo keroon areb kwane kuu yiib yaa keroon. Yuudanbed anam andiwendan kuyaa doriib kuu yenbandenib durud yewed kondiwen areb kwane yiib ambibkindanbed yiib yaa kwaniwen.

Hibrudan 11:4

Anam andi yaambed, Abel kuu dingkan aye nengke agedmo kere baeb koni yeman amun kuu God yaa konoon, Kein yeman konoon arebban. Kwane, Abel ye anam andi yaambed, Godbed Abel ye koni yeman kuu amun andoon kowe, ye kuu Godbed yorokmo ye karub andunoon. Ye kuu bobnoon kuned, ye anam andimbed nub yaa kwane dakmeen.

Hibrudan 12:24

Yiib kuu amob weng yeeb ongmiwen yaa wedyiri dobiri ye karub Yesu yaa miniwen. Kwane, yiib kuu Abel ye umkanbed dakmoon arebban, weng miin amun arimbed dakmoon ye umkan engkeremab bunaboon yeman yaa miniwen.

1 Pita 4:4

Kwanimaibdan wedmiwen kuu yiibbed yi yaa dabokne kamokban keriwen kowe, ke komarewa kii andenib yiib yaa wengamborokbanabiwen.

1 Yoon 3:8

Ma, karub kanembed ambarakmimo kamembaraneen kuu awad arewa ye karub keraneen kii, amborom kuu yimin andowoon yirimbed awad arewa kuu kwane ambarakmenmo meneen kowe. Kwanikob, God ye Mingki monoon kuu awad arewa komo komo ambang-koon ye monmari dowadbed monoon.

Kerek Judbed Wongkoon 1:11

Kwane, yi yaa kuu arewa kerundaneen. Yi kuu Keinbed wonoon ye kerekmen kiwaan ari winiwen. Yi kuu od benamberem andi dowadbed Balaambed abdon kamoonkin ye kiwaan ari yi kwangkon winiwen. Yi kuu Korambed God yaa bon keroon areb yi kwangkon bon keriwen kowe, Godbed Kora monmaroon areb yi kangkon monmaraneen.

Korokboon 17:6

Kwane, wedmaane wonong kuu God ye karadmo ye nimaya karuwa, Yesu ye weng dakme korokbendiwendan kui, yi umkan anuune awarak ween. Kwane wedmendekori binangki darewoob keraan.