1 Yoon 2:13 - Yomgkom

¹³ Ambeya, kerek kee yiib yaa wong-kain, amborom kuu andowoon yirim-bed doboroon ye karub kuu yiib yiibkaadkeriwen kowe. Keweddan, kerek kee yiib yaa wongkain, amborom kuu yiib kuu miin arewaman burudandune doriwen kowe. Ee, danaya, yiib yaa wongkain, amborom kuu Ambe God kuu yiib yiibkaadkeriwen kui.

1 Yoon 2:13 ပူးပေါင်းရင်းမြစ်များ

Yook 148:12

kewediib koyuyiib aamkono aamkonoyiib danayayiib kui.

Yook 90:2

Aangko aangko ongmenabindo yaron o ebbed bidiib okad kumundiniib ongmenabindo yaron, aron korem anuk doberewenbed mene aron korem ambab ari dobaraneeb kui, eb kuu God.

Yook 91:14

Yarimanbed yedmoon, “Ye kuu ne yaa mimyob dowaken keewimaan kowe, arud ye barang yaa kuu ye nen angka kowaniin. Yariman kuu ne God ande yedmimaan kowe, ye nen dorondaraniin kii.

Matyu 11:27

Kwane, Yesumbed kadaareb yaa ika yedmoon, “Kaadkeri koremiib aromkono koremiib kuu Nambembed bangkawoon. Ne kuu ye Mingki, ne yaa kuu Nambemo yekaad, yena yikaadban ne yaa. Kwane, Nambe yaa kuu nembedmo nekaad, yena yikaadban kowe, kwamune kane nembed ne dowaken Nambe kaadkerok ande korokbenaan kuu kukui.

Matyu 13:19

“Nimakarub yena kuu okad kiwaan angka areb, kane kanembed Godbed korok kere ooni ye weng kuu wengamberekorib id kandindo keroone, awad arewa yi korokbed weng amun yi niindem aom angkeen kuu awine buruwandene kanwonoon.

Matyu 13:38

Mongkobon kuu okad kumundin kangkuun kei, kowe kab amun kuu God yaa anam andiiwe Godbed yi korok kere oonoondan kui. Ma, kab arewa kuu awad arewa Seten ye yoman winiwendan kui.

Matyu 5:37

“Kwana kowe, dowakeniib kuu no ee ande, o dowakeniibban kuu no yii ande kamime. Maa kee burudande dakmaneen kuu anam awad arewa yi korok yaambed inamen kande dakmaneen kii.

Yesu Ye Weng Amun Lukbed Wongkoon 10:22

Andekore, yi yaa yedmendoon, “Kaadkeri koremiib aromkono koremiib kuu Nambembed bangkawoon. Ne kuu ye Mingki, ne yaa kuu Nambemo yekaad, ne kuu yena kuu yikaadban. Kwamune Nambe yaa kuu nembedmo nekaad, yena yikaadban. Kwamune kane kane yaa kuu nembed ne dowaken Nambe kaadkerok ande korokbendaniin kuu yikaadkeraniib kui.” andoon.

Yoon 14:7

Ne kuu yiib korobe yiibkaadkeraniib kuu ne Ambe kangkon yiib korobe kaadkerunaniib. Kibireb ari kuu ye kuu wedmenenib yiibkaadkeruniwen.” andoon.

Yoon 14:9

Kwanandoone, Yesumbed inandoon, “Filip, ne kuu yiib yoom aron doboob dobaraan kumban, ne kuu eb koronoo? Karub kane kane ne wedmewiwen kuu Ambe kuu wedmeniwen kii. Kowe, eb komande ‘Ambe kuu nub yaa korokbende.’ andewen?

Yoon 16:3

Yi kuu Ambe yi koron kere ne kangkon yi koron kowe, kee kwamune kamaniib kii.

Yoon 16:33

“Nembed weng kee dakmenabaan kee ne yaambed yiib niindem aom yewenubmo kerok andid. Okad kiri dobiri kuu dabab kandi yeman. Kumban yiib niindem aom aromnime, okad kiri kee nembed burudandaan kowe.” andoon.

Yoon 17:21

Ambe, nembed kurikuri keraan kuu eb kuu ne niindem aom doreewa ne kuu eb niindem aom doriin kwane areb kuu yi kwangkon mimo kerime andid. Yi kwangkon nub niindem aom dobiribko okad yiridan kuu ne kuu ebbed nenkoweebkob manaan ande anam andime.

Yoon 17:3

Wadkeri aron korem kukei, God mimo anam eb yaayiib, ebbed nenkoweewa monoonman Yesu Keresu yaayiib yikaadkerundi.

Yoon 8:19

Kwanandoone, yimbed kaamoneniwen, “Eb ambe kuu kuna?” andiwen. Kwane, Yesumbed inande yedmoon, “Yiib kuu ne yoom ne Ambe yoom kuu yiib koron. Kwane kuu ne kuu yiibkaadkeraniib kuu Ambe kwangkon yiibkaadkeraniib.” andoon.

2 Korindan 4:6

Kedi, “Nambiri kuu yuroko kumun yiri kuu namborok.” ande yedmoon ye God, yembed ye nambiri ongmene nub niindem aom kowe yuroon, yuroko Keresu ye murubia yaambed God ye nambiri kaadkerime anded.

1 Timoti 5:1

Aamkono aamkono yaa kenambun weng yobdood daandaab, eb ambe yaa ongkane daanimaab areb kwane dakme. Kwane, keweddan yaa kuu eb ambanga yaa daandimaab areb kwane dakme.

Taitus 2:6

Kwamune areb kumbed, kewed yaa kwangkon yikareb kangkadmime ye weng kedmengkande.

1 Yoon 1:1

Yesu kuu Wadkeri Ye Weng. Ye weng kee yiib yaa nubbed wongkane keenduub kei. Ye kuu andowoon yirimbed aron korem wad doboroon. Wadkeri kee, Ambe God yoom ibmo dobiriwen kumbed angkadoroona, nubka nub wengamberenub, nub indowiibbed wedmenenub, nub dingkimbediib badmenuwen. Kuye wadkeri weng kuu ke dakmuub kei. Kukuu wadkeri aron korem korem yeman ke dakmuub kei.

1 Yoon 2:1

Ee, ne danaya, yiib yaa kee wongkaan kuu yiib ma ambarak-maib andid. Kumban karub kane ma ambarakmoon kaned kuu, Yesu Keresu kuu Ambe God yaa nub ambarakmi dowad kebengkane koromone inande dakmeen kii, mim yembedmo kuu Yorokmo Ye Karub kowe.

1 Yoon 2:12

Ee, danaya, kerek kee yiib yaa wongkain, amborom kuu yiib ambarakmi kuu ye aningko yaambed kowene are nonondandoon kowe.

1 Yoon 2:14

Ambeya, yiib yaa wongkain, amborom kuu andowoon yirimbed doboroon ye karub kuu yiibkaadkeriwen kui. Keweddan, yiib yaa wongkain, amborom kuu yiib kuu arom-konoyiib dobiriiwe, kwane God ye weng kuu yiib aom angkeene, kwane miin arewa-man yaa kuu burudandune doriwen kui.

1 Yoon 3:12

Kein areb keraib, ye kuu awad arewa ye kerekmen yaa kerene, yeka ye daman kuman ayoon. Komo dowad ye daman kuu kuman ayoon? Kwanoon amborom kuu ye komo komo kamoon kuu arewa kumban ye daman komo komo kamoon kuu yorokmo kowe.

1 Yoon 4:4

Ne danaya, yiib kuu God ye nimaya karuwa kowe, yiib kuu bondan kee burudande doriwen, amborom kuu yiib niindem aom doreenman kuu awad arewa okad kiri doreen arebban, arimo kui.

1 Yoon 5:18

Kwane, nub nubkaadkeruwen kuu, kane kanembed God yaambed wooniwen kuu kwane ambarakmem-baraibban. Ma kei, God ye Mingkim-bed yi kuu bene amuknimaan kowe, awad arewambed yi yaa yaanban.

1 Yoon 5:20

Nub kangkon nubkaadkeruwen, God ye Mingki menene ye inamen kaadkeri nub yaa kondoon kuu anam anam ye God nubkaadkeri dowad. Angkon, nub kuu anam anam ye God ye niindem aom ye yoom doruub, ye Mingki Yesu ye niindem aom doruub kui. Ye kuu God anam, wadkeri aron korem korem ye karub kui.

Korokboon 12:11

Yi kuu Sibi Mana ye umkaniib weng anam dianmo dakmiweniib kumbed Seten burudanduniwen. Kwane, bobni ye dabab yi yaa meneboon kuu yika yi anam andi koronde yi wadkeri kuu ma amuknindo.

Korokboon 2:7

“Kanembed kerendemiib keroka, Kingkin Karadmombed anam andiwendan yaa ke dakmeen kee wengamborok. Kanembed arewa menebaneen yaa ninabone burudandaneen kuu nembed ye yaa wadkeri ye ayob God ye amunbon angkambed demboon kuu yembed ani kuu yimin ande kowaniin.