1 Timoti 6:4 - Yomgkom

⁴ yi kuu kerengkandan kerenib inamen ma id kandindeban keriwen. Yi dowaken kuu ogood weng wengberenabi kowe, yi inamen kuu yorokmomban keriwen. Kwani kowe, kuye inamen yaambed kuu wungkandiyiib nangmiyiib damangkandi ye wengiib anamban ogood inamen keendiyiib

1 Timoti 6:4 ပူးပေါင်းရင်းမြစ်များ

Kwamiwen 15:2

Kuye dowad kumbed Pool yoom Baanabas yoom kuu yi kwane dakmiib kuyoom wengbiri darewoob kamiwen. Kwane, anam andiwendanbed anam andidan yenayiib Pool yoom Baanabas yoom bekoriwa, Yerusalem ari wene apasodan yoom kurikuri oonidan yoom weng kee yi numun dakmime andi dowad be nongkobiwen.

Kwamiwen 18:15

Kumban yiib weng kanminiwen kuu yiib wengiib aningkoyiib yiibka yiib amowiib ye wengbiri dowad kowe, yiibka dakmenib ongmime. Kwamune yaa kuu ne wengyundainban kowe.” andoon.

Kwamiwen 8:9

Aron maa anukbed mene Filip monoon yaron kuu karub yaningko Saimon kuu yowangkim demeyiib awinoon. Kwane, Samariadan korem yaa birandoone anam ande binangkiwen. Ye kuu nekob ande yaningkomo darewoob kankoonoon.

Romdan 12:16

Yena yoom kuu ibonmo aungaungbed dobirime. Kerengkan keraib, aningkoyiibbandan yaa daboknem ande dowakeniib kerime. Nembedmo meeni kangdomman keraan andaab.

Romdan 13:13

Nub dobiri kuu aronkimbed kabangme dobirimaib areb kerem. Ok arewa ano animan duudkab kiom anengkanao kamaib, ok arewa ane awarak bobnembaraib, nenem kamaib, anon dowomkim yaa doberemoon areb ye inamen kamaib, wengbaraib, wungkandaib kui.

Romdan 14:1

Anam andi wuudman kuu yiib kumaom nen daboknime, kumban yembed komo komo meenoon yaa wengbiri ye dowadban.

Romdan 2:8

Kumban kaneya yi kuu kirim kamemberenib anam anam yaa wunekarenib inamen miin abdon yoman winimaib kuu, God ye norin arud kuu yi ari onduknaneen.

1 Korindan 11:16

Karub o wonong maa kanembed weng kee dakmiin keyaa yiminban andaneen kuu, nub kuu kara yenayiib ambangkindo, God yaa anam andiwendan yi kangkon kwane.

1 Korindan 11:18

Ibduruk arimbed, ne wengambaraan kuu yiib kuu kurikuri dowad nedbimaib kuyaom kuu yiibkareb andokbiwen. Kekwanoon kuu anam areb ande meenaan.

1 Korindan 3:18

Yiibkareb yiibmeren biranaib. Yiib kuyaa kanembed ye kuu okad kiri ye dobiri kerekmen yaambed ye kuu meeni kangdom ye karub ande meenoka, wabkaddanbed ye yaa inameniibbanman andi dowad God ye inameniib kerok. Kwananeen kumbed God ye kedmengkandi kaadkerene God ye meeni kangdomman keraneen.

1 Korindan 3:3

Kedi, yiib kuu okad kiridanmo. Kwane, yiib yaa kuu wungkanoon wungkanooniib wengbiriyiib kwane angkeen kowe, anam kuu yiib kuu okad kiridanmoyoo? Yiib kuu karub ye inamen yaamo awine doriiwoo? Anamaa.

2 Korindan 11:20

Kumban anam kuu, karub kanembed yiib ben ye dabderem yiri nongkobi ye karub, o yiib birande od bi ye karub, o yiib yaa yeka ye dowadmo keanime kwanime andi ye karub, o yeka yiib kankubune yiib korok keri ye karub, o yiib murubia yakdari ye karub kuu menebaniib kuu, yiib kuu ee yimin andimamaniib kii.

Galasiadan 5:15

Ma, yiib kuu dingkan areb kere neman domonene neman ayenane kamiib kuu korondime. Korondaibban kuu yiibkareb yiibmeren monmaraniib kii.

Galasiadan 5:26

Kwane, nub kuu kerengkan keraub, nub kuu nubkanmo yena yaa deerewanabaub, nub kuu nubkanmo yena yaa wungkandaub.

Galasiadan 6:3

Aningkoyiibbanmanbed “Ne kuu arimbed kwana ye karub kii.” ande kamaneen kuu yeka yemeren birananeen.

Filipaidan 1:15

Anam kuu karub yena Yesu ye weng dakmiib kuu yi wungkandiyiibbed, Pool burudande korok kerem ande weng amun dakmiwen. Kumban yena kuu inamen amun yaambed Yesu ye weng dakmiib.

Filipaidan 2:14

Komo komo ambangkandamiib kuu mungkubmangkawiibban wengbiriyiibban kumbed ambangkime.

Filipaidan 2:3

Komo komo ambangkandamiib kuu kirim ye inamen yaambed keraib o inameniibban ye kerengkan yaambed keraib. Kumban yiibka kankubune yirimbed kerenib, yena yi aningko benkoobime.

Kolosedan 2:18

Karub kane kuu yekareb kankubuni ye dudi inameniib engyus yaa kurikuri keriyiib yaa kube kamimaan kumbed, yiib kuu yiib trofi kandaib andi dowad yiib ben abdon wanandameen kuu kebenime. Kuye karub kuu komo wedmoon kuye dowad weng miin doboob kerengkan dakmimaan. Kwane, ye kuu Kingkin Karadmo ye kerekmen yaa dorokban kowe, yeka ye inamenbed inamen ogoodmo maa maa bangkande kerengkan kere doreen.

2 Tesalonaikadan 2:4

Karub kee kuruwak god korem yaa bon kerundene yekareb yi aningko be kubunene ye aningko darewoob arimbed konaneen. Kwane, yekareb God ye kurikuri boyambib darewoob aombed doberene ne kuu God kii ande daandaneen.

1 Timoti 1:4

Yi kangkon yi awoya yi moo dakmenabembiriyiib kurin kurin yi awoya kumbed ari doroon doroon miniwen ande yi aningko dakmenabembiriyiib kuu kamaib ande kebende. Kwane, weng keyaambed wengberenabi yeman kerimaib, kukuu God ye deme aromne awini yemanban. Kedi, God ye deme aromne awini kuu anam andi yaambed.

1 Timoti 1:7

Yi kuu God ye amob kedmengkandidan kerandamiib kumban, komo komo dakmiib ye weng id kuu yikaadban, arudkono ye weng dakmiib ye weng id kangkon yikaadban.

1 Timoti 3:6

Ye kuu kibirebyamo kuristen keroonbedban, amborom kuu korok keraan andekore kerengkan ye inamen darewoob keraneen, Seten ye dabab areb kwane keraneen.

2 Timoti 2:14

Kowe, weng ke dakmaan kee anam andiwendan yaa monkone daandimame. God ye murubia arimbed ogood weng wengberenabi kuu korondime ande ongkande. Kuye wengberenabi kuu idiibban, angkon no kwamune wengaibdan kuu wengberenabi kembed monmaraneen kii.

2 Timoti 2:23

Inameniibban nonoon ye wengberenabi yaa kuu wangdandune, ma awine kandaab, amborom kuu eb ebkaad, wengberenabi kee nangmuub nangma kami yeman kowe.

2 Timoti 3:4

ambodangenib, meeninban kumbed ogoodmo kamenib, nubka inamen amunmo andenib, God ye dowaken yaamban id ye dowaken yaamo dowaken darewoob keraniib kui.

Taitus 3:9

Kumban eb kuu inameniibban ye wengbiri wengiib unyeman awoya awoya komoyiib komoyiib dobere dobere miniwen ande yunbanabi wengiib Yuudan yi amowamob ye dowad wengbiri wengiib yaa kangkadme, amborom kuu kuye weng kuu arewamo, awinaniib kuu arewamo angkon idiibban keraniib kowe.

Yems 1:19

Nangkodmia, meenime. Yiib korem kuu wengambiri yaambed kuu kirodmombed kii, weng dakmi yaambed kuu emambed, norin wandi yaambed kuu emambed kii,

2 Pita 2:12

Kumban dudi ye kedmengkandi korok korok kee weng inamen yikaadban kuyaambed wengamborokbanabimaib. Yi kuu wengiibban ye dingkan areb, niina woya areb kui. Yi wanabi dowad kuu no yenambed be monmari yeman, kowe dingkan areb yi kuu dukne dowan keraniib.

2 Pita 2:18

Kedi, yi mongkod daande kobkob weng kerengkan dakmimaib. Kwane, kibirebya anam ande ambarakmi yaa kirokmoniwendan kuu dudi ye kedmengkandi korok korok kembed birandande kamiib, id ye dowakeniib okad yiri ye nenem inameniib kuye kerekmen yaambed kii.

Kerek Judbed Wongkoon 1:10

Kumban karub kee kuristen inamen yikaadkerindo yaa arewa dakmenabimaib. Yi kuu meeninban ye dingkan areb, inamen mimim yikaad kumbed yi yaa yimeren monmaraneen.

Kerek Judbed Wongkoon 1:16

Kamune, karub kee yi kuu mungkubmangkab awaan, undebendi weng dakmidan kui. Yi kuu yi inamen arewa ye yoman winimaib. Yi kuu kerengkan weng dakmenib, nemengkanako awawok andi ye weng dakmimaib.

Korokboon 3:17

Yiibbed yedmimaib, ‘Nub kuu barang yemoon buwen kowe komo komo kuu yiminmo kii.’ andimaib. Kumban yiib kuu God yaa ambab kerenib, miin yiminban kerenib, kamboknon, indob tut, ebkadiibban keriwen kuu yiibkaadban keriwen kii.