1 Timoti 2:8 - Yomgkom

⁸ Ne dowaken kuu karub korem dingki kankoone kurikuri kerimaib kuu noriniibban wengbiriyiibban inamen karadmo yaambed kwamimamime.

1 Timoti 2:8 ပူးပေါင်းရင်းမြစ်များ

Yook 134:2

Yiib dingki kuu ambib karadmo yaa benkoobenib, Yariman ye aningko kankoonime.

Yook 141:2

Ne kurikuri eb yaa ben kabdiin kuu baeb amun kabdi areb kerok. Ne dingki benkoobi kuu oobnon yaa ye dingkan aye nengke baeb kabdi areb kerok.

Yook 24:4

Kuye karub kuu ambarakmiyiibban ye dingkiyiib inamen karadmoyiib kumbed kui, kwane ye kuu dudi god yi kuruwak yaa bumangkindo, kwane ye kuu birande amob ongmindo.

Yook 26:6

O Yariman, ne kuu ambarakmoon kii ande kadwoniyiibban kumbed dingki okeni, eb dowad bod wuube dingkan aye nengke baeb konimbon ye deme awinimain.

Yook 28:2

Ne awawi dowad eb yaa baandaan kuu wengamberewe. Ne dingki kuu eb kurikuri ambiwoom ye Yumbon Miin Karadmo Anam yaa benkoobe baandaan kui.

Yook 35:13

Kuned yi kuu anikad kandimaib kuu mimyob wandi ye ebkad boroneni, animan koronde neka kankubuneni, kurikuri kamimain kumban Godbed ma inandimokban.

Yook 63:4

Ne wad dobaraniin ye aron korem kuu eb yaa amun kerubdimamaniin, kwane ne dingki benkoobeni eb yaa kurikuri kamimamaniin.

Yook 66:18

Ne niindem aom ambarakmi inamen yaa kube amuknaan kuu anam keraneen kuu, Yariman kuu ne yaa wengamberewaanban.

Matyu 21:21

Kwanandiiwe, Yesumbed inande yedmoon, “Nembed yiib yaa ke anam yedmendaan kei, yiib kuu anam andi kerenib karekmiyiibban kuu kwane at yaa komo keroon kwamunemo kamaniib kuu yimin. Kwamune ari kuu aangko yaa kwangkon kwane yedmaniib, ‘Kub kuu nenwene karamok yiri korarok.’ andaniib kuu Godbed kwananeen.

Matyu 5:44

“Kumban nembed yiib yaa ke yedmendaan kei, yiib bondan yaa mimyob dowaken keendenib yiib yaa yewed konde yenbandiibdan yaa kwangkon kurikuriyiib kamime.

Matyu 6:12

Kaneyambed nub yaa ambarakmiwen kuu are nonondanduwen areb kuu, kwamune ebbed nub ambarakmi yaa kuu are nonondandunde.

Yesu Ye Weng Amun Lukbed Wongkoon 23:34

Kwaniiwe, Yesumbed yedmoon, “Ambe, yimbed kwamiib yaa are nonondandunde, yimbed kwamiib kuu yikaadban kowe.” andoon. Kwane, yebkad kuu ana nangmidanbed nekwenib, bot yaa yi aningkoyiib wongkiwen kuu kirare ebkad mimo karub mimombed kandimo kamiwen.

Yesu Ye Weng Amun Lukbed Wongkoon 24:50

Kwane, yembed bindore wene Betani diambed ye dingki kankoone yi yaa amun kerundoon.

Yoon 4:21

Kwane Yesumbed yedmoon, “Wonong ee, ne weng kee awine. Nimakarub kuu aangko kwarimbedban Yerusalem aombedban kuu Ambe God yaningko kankoonaniib kuye aron kuu mananuun kii.

Kwamiwen 10:2

Ye yoom ye wonong yoom ye dana meed yoom ye ambiwoom doriibdan yoom kuu yi korem kuu God ye amob awine dorenib God yaa une bumangkimaib. Kwane, Yuudan yi kamboknondan yaa kuu yungkuruniyiibban dowakenmo yiribmaniiwa odiiwa bangkandene God yaa kurikuri kerembirimaan.

Kwamiwen 10:31

Kwane, yedmewoon, ‘Koonelius, eb kurikuriyiib kamboknondan yaa dowakenmo yiribman munob kondiyiib kuu Godbed wengambere wedmoon.

Kwamiwen 10:4

engyu yaa unimbed kaamonoon, “Yariman ee. Komarewa?” andoon. Andoona, engyumbed inande yedmoon, “Eb kurikuriyiiwa eb kamboknondan yaa yiribman munob bangkandiyiiwa kuu Godbed wedmekore, kubebde inandoon kowe,

Kwamiwen 21:5

Kwane dakmiwen kumban, wini aron keruune, nub yoom anam andiwendan yoom yi nimadana yoom kuu siti angkane wene kubuk angkambed nub bumangke kurikuri keruwen.

Kwamiwen 7:60

kwane yiri kombere dangbo darene naawon baande yedmoon, “Yariman! Yi ambarakmi kee kuu are nonondandunde!” ande kwane bobnoon.

1 Korindan 1:2

God yaa anam andiwendan Korin aom doriib, yiib kuu Yesu Keresumbed karadmo kerundoondan, yiib kuu ambarakmi yaa daboknaib yiibka kere dobirime ande baandoon. Yiib yaa kerek kee keenduwen. Yiib yoom kane kane kuna kuna yaa doriib kuu nub Yariman Yesu Keresu yaa baandimaibdan yoom ye yaa dabokne doriib, ye kuu nub yoom nub Yariman.

1 Korindan 7:7

Kuned kuu ne dowaken kuu nimakarub korem kuu ne awanindo ye aromkono Godbed kawoon areb kwane awinime andid. Kumban anam kuu nimakarub mimim kuu Godbed ye deme mimim ye aromkono munob bangkandoon, mim kuu munob keamune kone angkon maa kuu yeka maa kone kamoon.

2 Korindan 2:14

Kumban nembed God yaa eso andaan, yembed Keresu yaambed korem burudande doroon kumbed nub kubimo ben kinban yaraane, nub yaambed baeb amun areb Keresu yaa kuu kaadkere yimin yimin yaa derendare weneen kii.

Filipaidan 1:12

Angkodmia, kibireb kee ne dowaken yiibkaadkerime andid, komo ne yaa keroon kuu anam kuu awandoone weng amun derendaroon.

1 Tesalonaikadan 1:8

Yariman ye weng kuu yiib yaambed demboon, Masedoniadaniib Akaiyadaniib yaamomban. Kowe, yiibbed God yaa anam andiwen kuu kunaya kunaya kuu yikaadkeriwen. Kwanekob, nub kuu kuyaa kuu yi yaa weng ma dakmaubban,

1 Timoti 5:14

Kwamunekob, ne dowaken kuu kiomnindo ye nima irib kuu karub awanenib, dana wanabenib, ambiwoom deme oonenib, amun amun kamime. Kwananiib kuu God ye bonmanbed yi dowad nima arewa andundaanban keraneen.

Taitus 3:8

Kekee weng dudi wengban, weng anam kii. Kwane, ne meeni kuu weng kee eb ongme kedmengkandimame. Kwanebko, God yaa anam andiwendan kuu amun amun kami kara ongme awinime. Inamen kee amunmo, awinaniib kuu amunmo angkon idiib keraniib kui.

Hibrudan 10:22

Id ayoob keye dowad kumbed nub kuu aadidmiyiibban ye inamenbed anam ande kerebkarawiibban arudkonomo kerenub God ye dia menem, nub niindem aom kuu ye umkanbed engkeremab kiradme bunaboon kumbed, ambarakme karak kanduwen kuu nub meeni dobiri inamen kiwaan yaa arekore, nub id kuu ok karadmombed ogendoon kowe.

Yems 4:8

God ye dia mene dobirime. Kwananiib kuu yiib dia mene dobaraneen. Ambarakmidan, yiib dingki oganabime. Inamen amuniib inamen arewayiib kamenabidan, yiib niindem aom are karadmo kerime.

1 Pita 3:7

Karub yiib kwangkon yiib amered yaa awandi ye meeniyiibbed dobirime. Yi aromkono kuu karub yi aromkono arebban, darewoobban kowe. Angkon yi kuu yiib yoom kabamoon kondoon ye wadkeri kandaniib kowe, yi aningko kankoone awandime. Kwananiib kuu yiib kurikuri God yaa daani ye kiwaan kebenaanban.