1 Timoti 2:3 - Yomgkom

³ Kuu amun kii. Kwananuub kuu nub Bobni Yaa Burudande Bindi Ye Godbed nub yaa kubendaneen.

1 Timoti 2:3 ပူးပေါင်းရင်းမြစ်များ

Romdan 14:18

Amborom kuu keye kiwaan yaambed kane kane Keresu ye deme awine kande ambangkaniib kuu, yi dowad Godbed kubaneene nimakarub yenambed yi kuu amun kii andendaniib kowe.

Filipaidan 1:11

Kwane kuyiib kumbed yorokmo dobiri ye yob Yesu Keresu yaambed monoon kuu yiib niindem aom ire wene yewudmo kerok. Kwamune keraniib kuu God yaa nambiriyiib kubiyiib kerunaniib.

Filipaidan 4:18

Kwane, yiibbed ne yaa munob bangkawiwen ye yiribman kuu Epafrodaitusbed be monoon kowe, ne kuu yiribman korem baan kumbed yiminmo kerekori ariyiib baan. Yiibbed bangkawiwen kuu baeb amun yeman ye munob koni yeman areb, God yaa konibka yimin ande kubi yeman kii.

Kolosedan 1:10

Kwanikob, Yariman Yesu yaningko kankooni ye kerekmen yaambed dobirime andi ye dowad kwane kurikuri kamuub. Yiib kuu kwane dobaraniib kuu yiib yaa kubi darewoob kamendaneen. Kuye aningko kankooni kiwaan yena kuu, deme amunmo korem awinaniib kumbed yowiib iriyiib, God yaa kaadkeri yaambed kaine amniyiib,

1 Tesalonaikadan 4:1

Weng yeenbon kei, angkodmia, Godbed yiib yaa kubendaneen ye kiwaan ari dobirime ye weng kuu kedmengkanduwen. Anamaa, yiib kuu kwamunemo doriib. Kibikee Yariman Yesu yaningko yaambed nangkande yedmuub kuu inamen kee darewoob keroka kwane kamembirime,

1 Timoti 1:1

Ne kuu Pool, Yesu Keresumbed kinoona ye apaso keraan. Nub Bobni Yaa Burudande Bindi Ye God yoom ye ande meedmuub ye karub Yesu Keresu yoombed deme kee ambangkok ande kiniwen ye karub kuu ne kei.

1 Timoti 4:10

Nub kuu anam kwananeen anduwen kuu, wad doreen ye Godbed nimakarub korem yi dowad bobni yaa burudande bindi ye kiwaan ongmene ye yaa anam andiwendan kuu bindoon. Kowe, kuye dowadbed arewa menebimaan yaa kuu ninabe deme yobdoodiib awinimaub.

1 Timoti 5:4

Kumban wonong irib kuu dana meediib o awoyayiib keruka, yi kuu God ye dowaken yaambed yidin yu oone keendombirime. Kwananiib kuu yumbed komo yi awandeen kuu neman inande awandimamime. Kwananiib kuu Godbed yi yaa kubendaneen kii.

2 Timoti 1:9

Godbed nub kuu bobni yaa burudande bindene karadmo dobirime ande baandoon. Kwamoon kuu nub komo kamuwen kumbedban, yeka ye inamen nekwooniib ye kabamoon kondoon ye mimyob dowakeniib kumbed kii. Kabamoon kondoon ye mimyob dowaken kee Godbed okada ambida ma andowe ongmindo yaron yirimbed Yesu Keresu yaambed nub yaa kondoon,

Hibrudan 13:16

Kwane, amun amun kamiyiib yena yaa numbiriyiib kuu nonondandaib, kukuu God yaa munob koni yeman kowe, kwananiib kuu yembed kubaneen.

1 Pita 2:20

Kumban yiib kuu ambarakmaniiwe wurudbed yewed kondaneene iwari kere kangdommo doberembaraniib kuu, Godbed kakman Ewen arimbed kowaneen dee? Dowan! Kumban yiib kuu amun amun kamaniiwe yewed kondaneene iwari kere kangdommo doberembaraniib kuu Godbed yiib yaa kubendaneen.

1 Pita 2:5

yiib kangkon wad doreen ye bot areb keriiwe, Godbed bene kingkin kerekmen ye ambib yenbeena God dore nimakarub dore wedyiri dobiridan karadmo keriib. Kowe, Yesu Keresu yaambed yiib kuu God yaa munob koni yeman bangkandimaib areb yiibka ye yaa kingkin kerekmen yaambed konimaiwe, yembed kuboon.