1 Timoti 1:17 - Yomgkom

¹⁷ Kwane, aron korem korem ye Korok Darewoob, bobnindeban ye God, wedmindeban ye God, God yembedmo kui, ye yaa aningko darewoowiib nambiriyiib kerok, aron korem korem. Anam kwanok.

1 Timoti 1:17 ပူးပေါင်းရင်းမြစ်များ

Yook 10:16

Yariman kuu aron korem korem ye king keroon, kwane ye weng wengambaraibban ye ambibkindan kuu ye okad ambab angkambed duknaniib.

Yook 106:48

Yariman, Israeldan yi God, ye aningko kankoonem, aron korem anuk doberewenbed mene aron korem ambab ari dobaraneeb kumaom kuu kwane kamem. Nimakarub korem kuu yedmime, “Anam kwanok.” andime. Yariman yaningko kankoonime.

Yook 145:13

Eb oonimbon kuu dowan keraanban aron korem kwane angkimbaraneen, kwane ebbed korok kere ooni ye kerekmen kuu nimakarub yaro dobere dobere yaro wananiib korem aom kwane angkimbaraneen. Yariman kuu ye weng kunduk korem kuu kwane kuyaamo ambangkimaan, ma korondaanban, kwane ongmenaboon ye kumkam korem yaa kuu mimyob dowaken keendimaan.

Yook 41:13

Yariman, Israeldan yi God kui, ye yaa amun kerunok, yimin andowoon yirimbed wene aron korem korem kui. Anam kwanok. Anam kwanok.

Yook 45:1

Ne mimyob aom manimani inamenbed dembe yiminmo kereni king yaa komkum dakmaan. Ne ong kuu komkum kami niidiib dowad moo kai kerembirimaan.

Yook 45:6

O God, eb dibere oonimbon kuu aron korem angkimbaraneen, kwane eb ooni ye inamen kuu wengyundi anammo.

Yook 57:11

O God, Ewen burudande ewaningko ariyiib kerok, eb nambiri kuu okad korem yaa yurok.

Yook 90:2

Aangko aangko ongmenabindo yaron o ebbed bidiib okad kumundiniib ongmenabindo yaron, aron korem anuk doberewenbed mene aron korem ambab ari dobaraneeb kui, eb kuu God.

Matyu 25:34

“Kwane Kingbed nimakarub wiwi angka yuroondan yaa yedmaneen, ‘Minime, yiib korem kuu Godbed amun kerundoondan kii. Menenib, yiib Ambe God ye dana meed ye yumbon kuu kandime, yiib yumbon kui. Yiib yumbon kuu Godbed korok kere oonimbon kii, okad ongmoon yaron arimbed yiib dowad nekwoon kii.

Matyu 28:20

Kwane, nembed yiib yaa kwamime ye weng komo komo kedmengkande kondaan ye weng korem kuu yi yaa awinime ande kedmengkandime. Kedi, anam anam kuu ne kuu aron korem yiib kuu domondainban kwane doberembaraniinkob, kwane wene okad miin yimin wandanuun kii.” andoon.

Matyu 6:13

Kwane, ambarakmaniib dee andi ye kiwaan ari nub ben nongkobaab. No kwane awad arewambed nub yaa manaan ye dowad kuu nub benkoobe.’ kwane andime.

Yoon 1:18

Kane kane mim kuu God ma wedmenindo, kumban ye Dana Mingki mimo, ye kuu God kumbed ye yoom Ambe God yoom kuu ibmo kowe, ye kuu God kuu komarewa nub yaa korokbendoon kui.

Yoon 5:44

Yiib kuu karub yiib amborongaad yaambed neman karub amun ande kubenoon kubenoon kamimaib. Kumban yiib kuu yembedmo ye God ye dowaken yaambed doburubko nub yaa karub amun ande kubendok andimokban. Kwaniyiib kowe, komarewa kere ne yaa anam anduwaniib?

Romdan 1:20

Kwane, Godbed kumkam korem ongmenaboonbed mene kibikee, ye akmimokban ye komboon ayoob kee, ye dowan kerindeban ye aromkonoyiib ye kuu God andi ye kombooniib kuu dianmo korokboone wedmiwen, amborom kuu komo komo ongmenaboon kumbed wedme ye kuu God ande yikaadkeriwen kowe, nimakarub korem kuu duburuk kere yika God yaa koromone inandaibban kii.

Romdan 1:23

bobnindeban ye God ye nambiri yaa koronde duknidaniib ayari oniib dingkaniib yiyiib yi kuruwak kuyaambed kurikuri kerunde kuyaa nambiri kondimaib.

Romdan 11:36

Kedi, kumkam korem kuu yembed ongmenaboon, kukuu ye yaambed wonekmoon, kukuu ye aningko kankoonaniib kii. Ye yaa nambiri kerok, aron korem korem! Anam kwanok.

Romdan 16:27

God, yembedmo meeni kangdom ye God kui, ye yaa kuu Yesu Keresu yaambed nambiri aron korem korem yeman kerok kii! Anam kwanok.

Romdan 2:10

Kumban kane kane yi kuu amun kiwaan yaa kwane kamembaraniib kuu, yi korem kuu nambiriyiib aningko amun darewoowiib yewenub dobiriyiib baniib, ibduruk kuu Yuudan bangkande kuye yoman kuu Yuudanban yaa bangkandaneen.

Romdan 2:7

Nimakarub yena yi kuu nambiriyiib aningko amun darewoowiib wadkeri aron korem yemaniib bi dowad yinmone korondiyiibban amun amun kamimaib kuu, Godbed yi yaa wadkeri aron korem kondaneen.

Kolosedan 1:15

Yesu kuu wedmenindeban ye God ye kuru korokboon, ye kuu wonob dana mingki areb, ongmenaboon ye kumkam korem kuu yirimo, yembedmo kuu ari.

Hibrudan 11:27

Anam andi yaambed Idyip kuu domondoon, king ye norin arud yaa meenindo, ye kuu kangdommo doberemboroon, amborom kuu ye kuu wedmenindeban ye God wedmenoon kowe.

Hibrudan 2:7

Ebbed yi kuu aron dukmen engyu arebban yiri ben kubudereneb, yi yaa nambiriyiib aningko kankooniyiib bangkandeneb,

1 Pita 5:11

Ye yaa ooni ye aromkono aron korem korem kerok. Anam kwanok.

2 Pita 3:18

Kumban yiib kuu nub Yariman nub Bobni Yaa Burudande Bindi Ye Karub Yesu Keresu ye kabamoon kondoon ye mimyob dowaken kuyiib ye yaa kaadkeruni kuyiib aombed kaine amnime. Ye yaa kuu nambiri kerok, kibikbed wene aron korem. Anam kwanok.

1 Yoon 4:12

Kane kanembed God kuu ma wedmenindo. Kumban nub kuu neman mimyob dowaken keenoon keenoon kamanuub kuu God kuu nub niindem aom dobaraneena ye mimyob dowaken kuu nub niindem aombed dembaneen.

Kerek Judbed Wongkoon 1:25

God ye kumbedmo kuu God, nub Bobni Yaa Burudande Bindi Ye God kui. Ye yaa kuu nub Yariman Yesu Keresu yaambed nambiriyiib aningko darewoowiib aromkono darewoowiib ooni yaromkonoyiib kerok. Kurin kuriniib kibikiib aron korem koremiib kwana kerok. Anam kwanok.

Korokboon 15:3

God ye deme karub Moses ye yookiib Sibi Mana ye yookiib wingkiwen, “Aromkono Korem ye Yariman God, ebbed kami kuu arimbed darewoob yeka mamaa yeman kii. Ambibkin Korem ye King, ebbed ambangkimaab kuu yorokmo anammo kii.

Korokboon 17:14

Kwane, yi kuu Sibi Mana yaa nangbenaniib kumban, yembed burudandaneen, amborom kuu ye kuu yariman korem ye Yariman, king korem ye King, angkon yembed baande kinoondan ma korondiyiibban ye yoman winiwen kuu ye yoom miniwen kowe.” andoon.

Korokboon 19:1

Kwanoone wengambaraane, Ewen aombed kadaareb yemoon naawonmo baandimaib ye kuweng areb kwane komke yedmiwen, “God yaningko kankoonem! Bobni yaa burudande bindiyiib nambiriyiib aromkonoyiib kuu nub God yeman,

Korokboon 19:16

Ye ebkad doboob yaayiib yon muudkuk yaayiib kuu aningko keane wongkiwen, King Korem Yi King, Yariman Korem Yi Yariman.

Korokboon 19:6

Kwane wengambaraane, kadaareb yemoon naawon baandi arewiib ok benbon ye kuweng arewiib amkuni darewoob ye kuweng arewiib kwane komke yedmiwen, “God yaningko kankoonem! Amborom kuu nub Yariman God Aromkono Ariyiib kuu korok kere oone doreen kowe.

Korokboon 7:12

yedmiwen, “Anam kwanok! Aningko kankooniyiib nambiriyiib meeni kangdomiib eso andiyiib aningko darewoob arimbed koniyiib yiminmo dobiriyiib aromkonoyiib kuu nub God yaa kerok, aron korem korem. Anam kwanok!” andiwen.