1 Timoti 1:16 - Yomgkom

¹⁶ kumban ne kuu kwamune areb doriin kumbed, Yesu Keresumbed ne dowad yodbirimban no iwari meedme doboroone ne kuu ye mimyob keende kakman are nonondandi ye inamen wedmeni anam andaan. Ye kuu ne yaambed kumun korokboon kuu ne kuu ambarakmi miin arewaman kumbed anam andaan kowe, yimin kuu kane kane ye yaa anam andaniib kuu wadkeri aron korem yeman kandaniib.

1 Timoti 1:16 ပူးပေါင်းရင်းမြစ်များ

Yook 25:11

Ne ambarakmi kuu miin darewoob kuned, o Yariman, ewaningko ye dowadbed, ne ambarakmi kuu are nonondande.

Yesu Ye Weng Amun Lukbed Wongkoon 15:10

“Kwamune areb kuu, ne yiib yaa yedmaan kuu, ambarakmi ye karub mimo ye ambarakmi yaa koronde God yaa amonombaneen kuu engyus kuu kubaniib kii.” andoon.

Yesu Ye Weng Amun Lukbed Wongkoon 23:43

Kwanandoona, Yesumbed ye yaa yedmoon, “Nembed ke anam yedmebdaan kei, kibikee eb kuu ne yoom amunbon aombed dobaranuub kii!” andoon.

Yesu Ye Weng Amun Lukbed Wongkoon 7:47

Kwamunekob, ne eb yaa ke yedmaan kei, yu ambarakmi yemoon kuu are nonondandoon kowe, yu mimyob dowaken kuu darewoob kereen kii. Kumban kane kane yaa karub maambed are nonondandi embengmo keroon kuu ye mimyob dowaken kangkon embengmo keroon.” andoon.

Yoon 20:31

Kumban keyiib kee wongkanaboon kuu yiib kuu Yesu kuu Godbed Kinoona Monoonman Keresu, ye kuu God ye Mingki kii ande anam andime dowad. Kwane, yiib kuu ye yaa anam andaniib kuu, ye yaambed wadkeri kandaniib.

Yoon 3:36

Kane kanembed Dana Mingki yaa anam andiwen kuu wadkeri aron korem yeman kuu kandiwen, kumban kane kanembed Dana Mingki ye weng wengambere awine kandindo kuu wadkeri kuu wedmaibban, amborom kuu God ye norin arud darewoob kuu yi ari kowaneene angkimbaraneen.

Yoon 5:24

“Kwani kowe, nembed yiib yaa ke anammo yedmendaan kei, karub kanembed ne weng wengambere Godbed ne nenkowoona manaan yaa anam andoon kuu, wadkeri aron korem kuu kandoon kii. Kowe ye kuu dabab kandaanban, kwane bobni yaa domone wadkeri yaa yanoon.

Yoon 6:37

Nimakarub korem kane kane kuu ne Ambembed bangkawoon kuu ne yaa mananiib. Kowe kanembed ne yaa monoon kuu dankarenainban.

Yoon 6:40

Amborom kuu ne Ambe ye dowaken kuu nimakarub korem kanembed ne yaa wedmewe anam andaniib kuu wadkeri aron korem yeman kandaniib kowe. Kwane aron yeenbon yaambed yi kuu benkoobaniin.” andoon.

Yoon 6:54

Kowe, karub kanembed ne idiib umkaniib ananeen kuu aron korem ye wadkeri kandaneen, kwane aron yeenbon arimbed ye kuu nen yeedere wadkeri konaniin.

Kwamiwen 13:39

Kowe, Moses ye amobbed ambarakmi yaambed yiib ben obon kerundindeban, kumban yiib kuu Yesu yaa anam andaniib kuu yembed ambarakmi yaambed ben obon kerundaneen.

Romdan 15:4

God Ye Weng Karadmo aombed anukbed wongkanabiwen ye weng korem kuu nub yaa kedmengkandi dowadbed wongkiwen. Kowe, kuye weng yaambed ma korondiyiibban kangdommo dobiriyiib God Ye Weng yaambed kube ongkandiyiib awine kandanuub kumbed Godbed kwananeen ande meedme dobaranuub.

Romdan 6:23

Kedi, ambarakmi ye deme ye kakman kuu bobni, kumban God ye munob kondi yeman kuu wadkeri aron korem, nub Yariman Yesu Keresu yaambed.

1 Korindan 7:25

Ma, awadmindodan yaa kuu, Yarimanbed ne yaa yi dowad kwane ande andindo. Kumban ne kuu Yariman ye mimyob keende kakman are nonondandi yaambed ma aadikmiyiibban yiminmo keraan kowe, ne meeni kuu kei.

2 Korindan 4:1

Kwana kowe, Godbed mimyob keende kakman are nonondandi ye kerekmen yaambed keye deme awinuwen kowe mimyob wandiyiibban doruub.

Efesusdan 1:12

nubdin Keresu ande meedmuubdan kuu ye nambiri yaa kube kankoonime anded.

Efesusdan 1:6

God ye kabamoon kondoon ye mimyob dowaken kee nambiriyiib kowe, ye yaa kube kankoonem! Kamune kondoon kuu ye mimyob dowaken keenoonman yaa ben daboknoon kumbed yiminmo kondoon nub yaa.

Efesusdan 2:7

Godbed kwanoon kumbed kibikbed wene amaan ari kuu ye kabamoon kondoon ye mimyob dowaken korem burudandoon yembed awinoon kuu korokbendaneen. Kuye kabamoon kondoon ye mimyob dowaken kumbed Yesu Keresu yaa nub ben daboknoon kowe, nub yaa amun amun kamenaboon.

2 Tesalonaikadan 1:10

Kuyaron kuu ye karadmodan, ye yaa anam andiwendan kui, yi yaambed ye kuu nambiri kandaneene yimbed ye yaa binangke kubi miin darewoob keraniib. Yiib kwangkon yiiwiib kuyaom keraniib, amborom kuu yiib kuu nubbed Yariman ye dowad weng dakme korokbenduwen yaa kuu anam andiwen kowe.

1 Timoti 1:13

Kurin kuu ne kuu yeremborom ye karub, Keresu yaningko monmareni yenbandeni kamimain kumban, yembed mimyob keewe kakman are nonondandoon, amborom kuu ne nonoon anam andindombed kamimamaan kowe.

Hibrudan 7:25

Kwanikob, kane kane ye yaambed God yaa mananiib kuu, yembed yi kumundinmo kuu bobni yaa burudande bindaneen kuu yimin, amborom kuu ye kuu aron korem doberemberene God yaa yi awandi dowad dakmembaraneen kowe.

1 Pita 3:20

Yi kuu kurin kurinbed Noambed motod yengboon yaron yi dowad God kuu yodbirimban iwari meedmo doreen kumban, God yaa wengamberedandiwen. Motod aomniwendan kuu yemoonban, kaning kaningiibmo kuu okbed yukne yeen yaa burudande bindoon.

2 Pita 3:15

Weng keyaa meenime. Nub Yariman yodbirimban emamombed meedme doreen ye id kuu bobni yaa burudande bindi yeman kuu kandime anded. Nub mimyob dowaken keenduwen ye angkodmi Pool kuu Godbed meeni kangdom konoon kumbed, yiib yaa kwangkon kwane wongkane keendoon.

2 Pita 3:9

Kwane, Yariman kuu ye weng kunduk kwananeen kuu kwane karub yenambed meeniwen ema mana kameen andiwen areb amaanbed ema kwanaanban, aron kinoon arimbed kumbedmo. Yariman kuu yiib dowad yodbirimban emamombed meedme doreen, karub maa bikne wadkeri kandokban keri kuu ye dowakenban, ye dowaken kuu nimakarub korem kuu koronde amonombe ye yaa winime anded.