1 Tesalonaikadan 4:6 - Yomgkom

⁶ Kuye inamen yedmuub kuu yiib kuristen angkodmi maa yaa ambarakmaib, angkon ye yaa bironaib. God ye dowaken kukui. Karub kanembed kwane ambarakmaneen kuu Yarimanbed ukum konaneen kowe. Yiib kuu anukbed yedmenduwen kui.

1 Tesalonaikadan 4:6 ပူးပေါင်းရင်းမြစ်များ

Yook 140:12

Yariman kuu dabab wayiroondan yaa koromone angkumondene, kamboknondan yaa wengyundi anammo kondimaan kuu nekaad.

Yook 94:1

O Yariman, eb kuu arewa kamenabi yaa kakman kondi ye God, o arewa kamenabi yaa kakman kondi ye God, eb angkadere.

Maak 10:19

Amob weng kuu ebkaad. Kumka o kuman ayaab, nenem kamaab, yid baab, ambarakmoon ye dudi weng daandaab, karub maa yaa birande barang baab, eb ambeya enaya yaa meene wengambere.” andoon.

Yesu Ye Weng Amun Lukbed Wongkoon 12:5

Kumban kane ye yaa unaniib ye karub kuu nembed korokbenda. God, ye yaamo unime. Yembed yiib yeenekore ben kumbaanban amotbon yiri kiradmi kuu yimin kowe. Eyokee, nembed yiib yaa yedmaan kuu, ye yaambed unime.

Yesu Ye Weng Amun Lukbed Wongkoon 16:28

Ne damana kuu angkoyiib kowe, Lasaresbed kwane wene ongkande daandoko, “Kaadkerime. Durud yewedbon yiri keri manaib.” andok.’ andoon.

Romdan 1:18

Godiibban ande dobere miin arewa kamimaib kumbed weng anam anam kebenimaibdan kuyaa kuu, God ye arud norin kuu Ewen arimbed ben dian kure korokbe weneen,

Romdan 12:19

Angkodmia, angkon neman bon kingkaib, korondibko Godbed kuye bon kuu ambangkok. Amborom kuu God Ye Weng aombed kekamune yedme wongkoon, “Yarimanbed yedmoon, ‘Arudbed bon kuu neman inendaniin, nembed kakman kondaniin kii.’” andoon.

Romdan 13:4

Amborom kuu ye kuu God ye dememan yiib yaa amun amun kamendi dowad deme awinoon kowe. Kumban yiib kuu abdon kamaniib kaned kuu ye yaa unime, amborom kuu yembed dabab kondi ye aromkono awinoon kuu anam kowe. Ye kuu God ye dememan, kwane Godbed ye arud konoona ambarakmidan yaa ukum kondimaan.

2 Korindan 7:11

Kedi, yiib kuu God ye inamen dowaken ye kerekmen yaambed mimyob kowiwen kumbed inamen amun yemoon demboon. Yiib niindem aom ke demboon kei, nindorokiibbed nub ambarakmindo ande koromoniwen kuyiib ambarakmoonman yaa kongeniwen kuyiib ambarakmoon kwande uniwen kuyiib Pooliibbedned andiwen kuyiib ambarakmoonman kirodmo anammo wengyunde dabab koniwen kuyiib kui. Yiib kuu kiwaan korem yaambed kuyaa kuu nuwiibban yembedmo ambarakmoon ande korokbendiwen.

Galasiadan 5:21

koren kami ye inameniib ok arewa ane awarak bobnembiriyiib disko andenabiyiib kwamune ye inameniib kui. Anuk ongkande yedmaan areb ikakman aromkonomo dakmaan, kekamune karuwa nimaya kuu yumbon God ye oonimbon aom kuu kandaibban, kumban nub kuu kanduwen.

Efesusdan 4:17

Kowe, Yariman ye kerebiri arimbed nembed yedmaan kuu, okad yiridan yi inamen idiibban kuyaambed dobirimaib areb dobaraib.

Efesusdan 4:28

Karub kanembed yid bi ye karub keroon keroka, yid bi yaa kuu korondekore deme ambangkok. Yekareb ye dingkimbed deme ambangkaneen kumbed kamboknondan yaa kuu awandaneen.

Efesusdan 5:6

Yiib kuu korondaiwe, karub yenambed idiibban ye weng yaambed birandaib, amborom kuu God yaa wunesaridan kuu kwamenabimaib kumbed ye arud darewoob kuu yi yaa minimaan kowe.

1 Tesalonaikadan 2:11

Yiibkaadkeriwen, nubbed yiib yaa kedmengkanduwen kuu awodkimbed ye dana meed yaa kedmengkandemoon areb kedmengkanduwen.

2 Tesalonaikadan 1:8

Kwane, yembed God yikaadbandaniib Yesu ye weng amun yaa wengambere awinimokbandaniib yaa ukum kondaneen.

Hibrudan 13:4

Awadmi ye inamen yaa kuu ambodmo awine kankoonime, kwane awadmiwendan kuu nenem kamaib, demkoronmo kerime, amborom kuu Godbed nenem kamidan korem yaa kuu wengyundaneen kowe.

Hibrudan 2:6

Kumban God Ye Weng aom karub maambed dakmoon kuu, “O God, nimakarub yi kuu kaneyakob eb kuu yi yaa meenmo doreeb? Yi dana kuu kaneyakob eb kuu yi yaa oone doreeb?

Yems 2:6

Kumban yiib kuu kamboknondan yaa weng arewambed damangkandiwen. Ma, yiribman yemoondanbed yiib yaa deme darewoob bangkandimaib kumban od embeng kondimaib dee? Yimbed yiib awingke wengyundi dowad kangdod korok yaa be winimaib dee?

Yems 5:4

Kedi, yiib demedan yiib yongbon aombed id wandiwen yaa od korobe bangkandindo kumbed ambarakmi kee wedmime ande baande kamiib kii. Kwane, yi weng kee wene Aromkonomo Ye Yariman ye kerendem aom awunoona wengamboroon.