1 Tesalonaikadan 4:17 - Yomgkom

¹⁷ Kwananeene, yiiwa nuwa wad doruubdan kuu be daananeene wiib aom wedyambed Yariman awene mimyamo keranuub. Kwane, nub kuu Yariman yoom aron korem dobaranuub.

1 Tesalonaikadan 4:17 ပူးပေါင်းရင်းမြစ်များ

1 Korindan 15:52

Kwananeen kuu imak yuremoon areb, indob imbune waremoon areb, kirodmo keraneen. Kibi yeenbon baandaneena kwananeen. Kedi, kibi baandaneena, dukniwendan kuu ben dembe amonombaneena bobnindeban yeman keraniiwe, nub kangkon kwane ben amonombaneen kii.

Korokboon 11:12

Kwane, yi ayoob kuu wengambaraniiwe Ewen arimbed weng kuu naawonmo yi yaa baande yedmaneen, ‘Kari yaro minime.’ andaneen. Andaneene yi bondan kuu kwane keendombaraniiwe wiib aombed Ewen ari daananiib.

Yoon 14:3

Kwane, ne kuu wene yiib dowad yumbon nekwandeni dowan keraniin kuu, ne ika meneni yiib kwangkon neyiib yaa dobaraniib ye dowad yiib be wananiin.

1 Tesalonaikadan 4:15

Nubbed kibirebya Yariman ye weng yembed dakmoon kuu ke dakmuub kei. Kane kane wad doruub kuu Yesu mananeen yaron ari kuu nubdin dukniwendan yi yoman be wanaanban.

Korokboon 1:7

Kedi, Yesu kuu wiib arimbed mananeene, nimakarub korem kuu yi indowiib wedmenaniib, kane kanembed ye kaare ayiwen kangkon wedmenaniib. Kwane, okad yiri ye nimakarub korem kuu wedmenenib yuudane ameng kamenabaniib. Anamaa, kwananeenaa.

Kwamiwen 1:9

Kwane dakme dowan keroona, yi kerebiri yi indob ari yaambed ambid ari Yesu kuu nen daanoone wiib wedangka dewenuune wedmenindeban keriwen.

Yoon 17:24

“Ambe, ne dowaken kuu ne yaa ben bangkawewendan kuu nembed dobaraniin ye yumbon kuyaa kuu yiyiib doberenib ne nambiri wedmaniib kii. Nambiri kee ebbed kawewen, amborom kuu okadiib ambidiib ongmenabindombed eb kuu ne yaa mimyob dowaken keewewen kowe.

Yoon 12:26

Karub kanembed ne deme awinandamoka ne yoman monok. Kwane, ne kunaya dobaraniin kuu ne dememan neyiib dobaraneen. Kwane, karub kanembed ne deme awinaneen kuu ne Ambembed ye aningko kuu darewoob ari kankowaneen.

Kwamiwen 8:39

Kwane, ok yirimbed yeedere yaro miniiwe, Filip kuu Yariman ye Kingkinbed nenwonoon. Kwane, Itiopiaman kuu ika ma wedmenindo kumban ye kuu ambibkin angka kubenmo wonoon.

Matyu 26:64

Kwanandoona, Yesumbed inandoon, “Ee, ebkareb ku yedmeeb kui. Kumban ne yiib korem yaa ke yedmaan kei, aron aman ari kuu yiib wedmaniiwa, Karub Ye Mingki, ne kuu Aromkonomo ye God ye dingki wiwi angkambed diberekori, Ewen ari ye wiib arimbed mananiin.” andoon.

Korokboon 12:5

Kwane, yumbed karub dana wooneen, ye kuu king ye aromkono yobdoodmo kwamune areb ambibkindan korem yaa oonaneen. Kwane, yu dana kuu kirodmo dabangkere God ye king ye ooni ye dibirimbon ari dibeeniib ari nen daanoon.

2 Korindan 5:8

Ke yedmaan kei, nub kuu kangdommo meenembere doberenub, nub id domonde Yariman yambiwoom doberem ande dowakeniib keruwen.

Maak 14:62

Andoone, Yesumbed inandoon, “Ne kukui. Angkon Karub Ye Mingki ne kuu yiib wedmaniiwe God ye wiwi angkambed diberekori, wiib arimbed mananiin.” andoon.

Yook 16:11

Ebbed wadkeri ye kiwaan kuu korokbewewen. Kwane eb arinambo arimbed ne yaa kubi kawaneeb, aron korem ye kubiyiib eb dingki wiwi angkambed kui.

Yook 17:15

Kwane, ne kuu yorokmo dobiri yaambed eb murubia wedmaniin. Kwane ne kuu unuk yirimbed yaro dembaniin kuu eb kuru wedmeni kubaniin.

Filipaidan 1:23

Ne kuu inamen ayoob kembed andokboon. Keyaa domonde Keresuyiib yaa wanande meenaan kuu inamen amun kai, inamen maa arebban,

2 Pita 3:13

Kumban ye weng kunduk yaambed meedme doruub kowe, ambid yewewiib okad yewewiib, inamen yorokmo ye ambibkin kui, kuyaa nindorokiib meedme doberembirimaub kii.

Yook 49:15

Kumban Godbed ne wadkeri kuu bobkonombon yirimbed biddaneen, amanaa, ne kuu yekareb yeyiib yaa nenwananeen. Selah

Yook 73:24

Kwane, eb kedmengkawi yaambed ongkawe nen kinban winimaab, kwanekoreb eb nambiri aom nenwananeeb.

1 Tesalonaikadan 3:13

Kwane yembed yiib niindem aom kuu aromkono kondok, Yariman Yesumbed ye karadmodan benmananeen yaron ari kuu, karadmo dobiri ye dowad nub Ambe God ye murubia ari arewayiib ande dedmoniyiibban kondok.

1 Tesalonaikadan 4:18

Kwane kowe, weng kee man kube ongkane man kube ongkane kamime.

1 Tesalonaikadan 5:10

Yembed nub dowad bobnoon kuu wad doruub o duknanuub kuu, nub korem kuu ye yoom dobaranuub anded.