1 Tesalonaikadan 3:12 - Yomgkom

¹² Yarimanbed yiib yaa mimyob dowaken ariyiib dabokne ongmendoko, yiib kuyaomiiwa nimakarub yena korem yaayiiwa derendarok. Nubbed yiib yaa mimyob dowaken keendimaub areb yiib yaa kwamunemo kerok.

1 Tesalonaikadan 3:12 ပူးပေါင်းရင်းမြစ်များ

Yook 115:4

Kumban yi god kuu kuruwakmo, bot silvaayiib goldiib karub yi dingkimbed ongmenabiwenmo.

Matyu 22:39

Ma, amob ayoob kuu kei. ‘Eb dia doriibdan kuu mimyob dowaken keende, ebmeren kwanimaab areb.’

Matyu 7:12

“Eb dowaken karub maambed eb yaa komo kami areb kuu ebbed ye yaa kwangkon kwane kame. Weng kee God ye amowiib profesidan yi wengiib korem yi inamen kui.

Yesu Ye Weng Amun Lukbed Wongkoon 17:5

Kwanandoone, ye apasodanbed Yariman yaa yedmiwen, “Nub anam andi kara kuu yenayiib bendabokne!” andiwen.

Romdan 13:8

Yiib kuu mimyob dowaken neman keendoon keendoon kamime. Kukuu yiib dungkum areb, God yaa ine kowi yeman. Kuye dungkum kuu angkimbaraneen, dowan keraanban. Kedi, kanembed yena yaa mimyob dowaken keendimaan kumbed Moses ye amob kuu anam id keroon.

2 Korindan 9:10

Kedi, animan kab arumidan yaa animan kab ben bangkandene om animan kondi ye God, yembed kangkon yiib yorokmo kamenabi dowad animan kab bangkandaneena yemoonmo keraniiwe, id yemoonmo bangkandaneena wandaniib kii.

Galasiadan 5:22

Kumban God ye Kingkin ye yob irimaan kuu, mimyob dowaken keendiyiib kubi ye inameniib yewenub dobiriyiib yodbirimban iwarimbed dobiriyiib awandiyiib amun amun kamiyiib korondiyiibban kwane awinembiriyiib

Galasiadan 5:6

Kedi, Yesu Keresu yoom daboknuwen kumbed kad wanabi ye inamen o kad wanabindo ye inamen kuu ma meendobaibban yeman. Meendobi yeman kee anam andimbed mimyob dowaken keendi yaambed ambangki.

Filipaidan 1:9

Kwane, nembed kurikuri kerundaan kukei. Yiib mimyob dowaken keendi kuu kaadkeriyiib wengyundi ye inameniib kuyiib yemoon kere wonok.

1 Tesalonaikadan 2:8

Nub kuu yiib yaa mimyob dowaken darewoob keenduwen kowe, nub kubi darewoob yaambed yiib yaa God ye weng amun kedmengkandenub, angkon anam dabokne dabokne kamuwen, amborom kuu yiib kuu nub mimyob dowaken darewoob keendidan keriwen kowe.

1 Tesalonaikadan 4:1

Weng yeenbon kei, angkodmia, Godbed yiib yaa kubendaneen ye kiwaan ari dobirime ye weng kuu kedmengkanduwen. Anamaa, yiib kuu kwamunemo doriib. Kibikee Yariman Yesu yaningko yaambed nangkande yedmuub kuu inamen kee darewoob keroka kwane kamembirime,

1 Tesalonaikadan 5:15

Kwane, yenambed ambarakmendibka inande ambarakmendaib. Kane kanembed inande kwanandamibka kebendime. Kumban aron korem kuu man amun man amun kamime, nimakarub korem yaa kangkon amun amun kamenabime.

2 Tesalonaikadan 1:3

Angkodmia, amunmo kuu yiib dowad aron korem God yaa eso ande kurikuri kamimaub. Kwanuwed yimin, amborom kuu yiib anam andi kuu kaine daaneena, kwane yiib mimim yiib mimyob dowaken neman neman keendimaib kuu kaine ariyiib dabokne daaneen kowe.

Yems 1:17

Komo komo kuu demkoronmo munobmo bangkandi yeman amuniib kuu, Ewen ari doreen ye Ambembed bangkandaane kaminimaan. Ye kuu arona wooda mindonga ongmenaboon ye God, ye kuu kuruwak kan kwangka kowe kan kangka kowe kaimaib arebban, maa kere maa kere kaimokban.

2 Pita 1:7

God ye dowaken yaambed dobiri yaa kuu ambang oni daman yaa amun amun kamemoon areb kerundi kan daboknenib, ambang oni daman yaa amun amun kamemoon areb kerundi yaa kuu God yaromkono yaambed mimyob dowaken keendi kan daboknime.

2 Pita 3:18

Kumban yiib kuu nub Yariman nub Bobni Yaa Burudande Bindi Ye Karub Yesu Keresu ye kabamoon kondoon ye mimyob dowaken kuyiib ye yaa kaadkeruni kuyiib aombed kaine amnime. Ye yaa kuu nambiri kerok, kibikbed wene aron korem. Anam kwanok.