Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pita 4:2 - Yomgkom

2 kwamune kandoon yaronbed nare ari kuu, ye kuu ye id ye inamen yaambed dobaraanban, God ye dowaken yaambed dobaraneen.

အခန်းကိုကြည့်ပါ။ ကော်ပီ




1 Pita 4:2
35 ပူးပေါင်းရင်းမြစ်များ  

Eb kuu ne God kowe, ne kedmengkawebko eb dowaken kuu ambangka. Eb Kingkin amun kumbed ne kuu okad dabonmo arimbed nen kinban wonok.


amborom kuu kane kanembed Nambe Ewen ari doreen ye inamen dowaken yaambed kamimaib kuu ne enaya ne aagoroka ne yangkuraya kuu kui.” andoon.


Kwane, yembed yedmendoon, ‘Yiib kwangkon wene ne nong yob deme awinime, od kuu yiminmo bangkandaniin yiib yaa.’ andoon kowe,


Kowe, kewed dana ayoob kuu kunambed yambe ye weng wengambere awinoon?” andoon. Andoone, korok korokbed inandiwen, “Ayi kui.” andiwen. Kwane, Yesumbed yedmendoon yi yaa, “Nembed yiib yaa ke anam yedmendaan kei, Yoon Baptaisman ku monoon kuu mene God ye yorokmo ye kiwaan kedmengkandok monoona, yiib kuu ye weng wengamberedandiwen anam andindo. Kumban tak od bidaniib kiwaan ari nimayiib kuu weng wengambere anam andiwen kowe, yi kuu yiib burudandenib, yidinmo Godbed korok kere oonimbon awunebiib kii. Kwaniwen kuu yiibbed wedmiwen kumban yiib amonombindo, Yoon ye weng anam andindo.” andoon.


“Nimakarub korem ne yaa ‘Yariman Yariman’ ande kamiib kuu Godbed oonimbon aom awunaibban, kwamune yeka Nambe Ewen ari doreen kuye dowaken deme anammo awinoonman kumbed kuyaom awunaneen.


Kane kanembed God ye dowaken yaambed kamimaib kuu ne enaya damana kii.” andoon.


Kwanayiibkob, karub yi mimyob yaa kwane kuyaombed meeni inamen angkadirimaan kuu inamen miin arewayiib nenem kamiyiib yid biyiib kumka kuman yenbandi inameniib


Yi kuu God ye dana meed keriwen kuu ayowa ayowa dobere dobere miniwen yaambedban o ambimban yi dowaken yaambedban o karub ye dowaken yaambedban, kukuu God yaambed kui.


Karub kane kuu dowaken kerene Godbed ye dowaken keroon yaa ambangkaneen kuu, nembed kee kedmengkandiin kuu God yaambed monoon dee, neka ne meeni dakmiin dee kuu yekareb andangke yekaadkeraneen.


Okad yiri ye inamen yaa daboknenwaib, korondibko Godbed yiib inamen meeni kuu yeweb ongmene ben yeka mamaa kerundok. Ke kwamune kerundaneen kumbed andangke wedme God ye meeni dowaken kuu amunmo yorokmo ande yedmaniib. Kedi, God ye meeni dowaken kuu amun amuniib kubi yemaniib demkoronmoyiib kui.


Kedi, nub kumaom kuu karub mim kuu yeka ye dowadmo ma dobaraanban. Kwane, nub kumaom kuu karub mim kuu yeka ye dowadmo ma bobnaanban.


Kwamune areb kuu yiib kuu yedmime, “Ambarakmi yaa bobnemoon areb kerenub Yesu Keresu yaambed God yaa nambiri koni dowadbed doberem.” ande meenime.


Dowan kii! Ambarakmi yaa nub kuu bobnemoon areb keruwen kowe, komarewa kere kuye kerekmen yaambed dobaranuub? Dowan!


Kwane kowe, ne kuristen angkodmia, yiib kuu Keresu ye id bobnoon kumbed yiiwiib Moses ye amob yaa kuu bobniwen. Kwane, yiib kuu karub mim kuyeman ye dowad kerime anded, kuyiib kuu bobnoon yirimbed nenkoonoon kuyiib kuye karub ye dowad. Kwane, yiib yoom ne yoom God yaa kuu idiib kowe irime anded.


Kwane, Yesu nimakarub korem yi dowad bobnoon, wad doriibdan kuu yika yi dowad dobaraib, yi dowad kuu bobnoone Godbed nenkoonoonman ye dowad yaambed dobirime anded.


Anuk kuu nub korem kuu yi yoom ibmo doburuwen, nub kuu id ye dowaken ye moom yaambed mikmone doberemberenub kuye inameniib meeni dowakeniib ye yoman winimaub. Kuyaron kuu nub kuu okad kiridanmo kowe, nimakarub yena areb God ye norin aom wunuwen kii.


Kowe, Yariman ye kerebiri arimbed nembed yedmaan kuu, okad yiridan yi inamen idiibban kuyaambed dobirimaib areb dobaraib.


Kwani kowe, inameniibbandan areb keraib, Yariman ye meeni dowaken kaadkerime.


Kangkodan yi indob ari kumbedmo amun ambangkubko nub yaa kerengkandime ande meenaib, Keresu ye dabderem yiri dobere no deme awinembirimaib areb kere God ye dowaken yaambed yiib kuu dowakeniib kere deme kuu aron korem amunmo ambangkime.


Kwamune ye dowadbed ibduruk yiib dowad wengamburuwen kumbed mene ari kuu yiib dowad womoniyiibban kurikuri kamimaub. God yaa kaamonimaub kuu kingkin ye kerekmen ye meeni kangdomiib kaadkeriyiib korem yaambed ye dowaken yaa yiibkaadkeri kuu yiib inamen aom dembok anduwed.


Amborom kuu yiib kuu kwane dukniwena yiib wadkeri kuu Yesu Keresu yaa daboknenib ibmo bikniwen, Godiib aom bikne angkeen kowe.


Epafras, ye kwangkon Koloseman, yiib mimo yiibkanmo, kwane ye kuu Yesu Keresu ye dememan, ye kuu kubendi weng yiib yaa keendoon. Ye kuu yiib dowad naawonmo kurikuri kamembirimaan, kingkin kerekmen yaambed amnekorib ma karekmiyiibban kerekorib God ye inamen dowaken korem yaambed kangdommo doberembirime anded.


Yiib yaa komo keroon ye dowad God yaa eso andime, amborom kuu kwamune kuu God ye dowaken Yesu Keresu yaambed kowoon, yiib yaa.


ye dowaken yaambed nub ambangki dowad ye deme aromkono amun korem bangkandok, kwane ye kubaneen yaambed nub aom ambangkok. Yesu Keresu yaambed kwanok, ye yaa nambiri aron korem korem yeman kerok. Anam kwanok.


Ye kuu ye dowakeniib keroonkob anam anam ye weng yaambed nub anam anduuwe, ongmendoone ye dana meed keruwen kumbed kumkam korem ongmenaboon kuu burudande yumbon ari kanduwen.


Arian yi weng wengambiri dana areb, yiib kuu anuk God yiibkaadbanbed dobiriwen ye inamen arewa kuye yoman ika wanaib.


Kwani kowe, maa yaa norin wandemberembiriyiib dudanabiyiib aadidmiyiib wungkandiyiib wengamborokbanabiyiib kuu korem yidme arime.


Okad kiri ye yiribmaniib inameniib kuu dowan kere wananeen kumban, karub kanembed God ye inamen yaa awine ambangkaneen kuu aron korem korem dobaraneen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ