1 Pita 3:4 - Yomgkom

⁴ Inamen mamaa kere yiib kerengkandimbon kuu yiib niindem aombed inamen iwariyiib nangkemiib keraniib kuu Godbed yiib yaa kubi darewoob keraneen. Inamen kee koyu yi kerengkandimbon arebban, kiomne arewa keraanban.

1 Pita 3:4 ပူးပေါင်းရင်းမြစ်များ

Yook 131:2

Anamaa, ne kuu nangkem kere iwari keraan, dana awaan yu muk koronde yu yaa yone iwari keremoon areb keraan, kuye dana areb ne inamen kumundin kuu iwari keroon.

Yook 147:6

Kane kane yi kuu benkubune yirimo keriwen kuu Yarimanbed benkoobe awandimaan, kumban arewa kamenabidan kuu okad yiri ben kirarundimaan.

Yook 149:4

Amborom kuu Yariman kuu ye nimakarub yaa kubi dowaken keendimaan kowe. Kwane kane kane yi kuu dabab wayiroon kuu burudande dori kerekmen kondaneen.

Yook 25:9

Yembed yika kankubune yiri keriwendan yaa yorokmo kerekmen yaambed korokbendene, ye kiwaan kedmengkandimaan.

Yook 45:13

King maa ye mungkan kui, yu kuu manimani ye ebkad inware yu wadnarimbon aom doruun, kwane yu ebkad kuu bot goldiib angkabiwen kumbed inwareen.

Yook 51:6

Kedi, eb dowaken kuu nub niindem aom kuu anam anam kumbed yurok andimaab, kwane ebbed meeni kangdom ne niindem aom kedmengkawimaab.

Matyu 11:29

Ne yoman menenib ne kedmengkandi kuu kaadkerime, amborom kuu ne kuu nangkemmo nekareb kankubunaan kii. Kwananiib kuu yiib niindem aom kuu yiidke nangkemmo kerenib ika aromnaniib.

Matyu 21:5

“Yerusalem aom doriibdan yaa yedmende, ‘Wedmime, yiib king ku meneen kui, nangkemmo kerene donki ingkod ari daane diberene yiib yaa meneen kui.’” kwane andoon.

Matyu 23:26

Farisidan! Indob tutdan kui! Yiib niindem aom kuu arime. Kwananiib kuu yiib niindem aomiib yiib bunangkayiib kuu yiminmo keraneen.

Matyu 5:5

Kane kane ingmiyiibban nangkemmo kame dobiriib kuu Godbed amun kerundoon, amborom kuu okad korem yi yaa bangkandaneen kowe.

Yesu Ye Weng Amun Lukbed Wongkoon 11:40

Yiib kuu inameniibbandan kii! Bunangka ongmoon ye God kuu kwane niindem aom ongmoon kowe, yiib niindem aom kuu yekaad kii.

Yesu Ye Weng Amun Lukbed Wongkoon 16:15

Kwaniiwe, Yesumbed yi yaa yedmoon, “Yiib kuu karub yi arinambo ari kuu yiibbedmo amun areb kamimaib. Kumban yiib niindem aom komarewa kuu God kuu yekaadkeroon. Nimakarubbed yiribman amun yeman andiwen kuu God yaambed kuu miin arewa keroon.

Romdan 1:23

bobnindeban ye God ye nambiri yaa koronde duknidaniib ayari oniib dingkaniib yiyiib yi kuruwak kuyaambed kurikuri kerunde kuyaa nambiri kondimaib.

Romdan 2:29

Kwamunemban, karub kane kuu ye niindem aombed amonombaneen kuu God ye karub keraneen. Kwane, kad wandi ye inamen kuu niindem aom amonombi yeman, Kingkin Karadmo yaambed, wongkiwen ye amob yaambedban. Nimakarub kwamenabidan kuu Godbed yi aningko benkoobaneen, karubbedban.

Romdan 6:6

Kowe, nubkaadkeruwen kurin ye kad dowaken kuu Yesu at ming ari bobnoon kumbed kuyiib bobnoon. Kwanoon kuyiib kuu ambarakmimbed kamime ye inamen kuu kan angka korari yeman, kukuu ambarakmi ye dabderem aom dobaraib andi yeman.

Romdan 7:22

Amborom kuu ne niindem aom kuu amob God yaambed monoon kuyaa kuu kubaan,

2 Korindan 10:1

Pool ne kei, ne dowad yenambed Pool yiib yoom kiring ine dakmiwen kuu nangkemmo emamo dakmoon kumban, yiib domonde kimyen wonoon kuu arudkonomo dakmimaan kui ande dakmiib kumban, ne kuu yiib yiibkaad kuda. Kwanandimaibkob, yiib yaa Keresu ye nangkemiib iwariyiib yaambed nangkande yedmaan kuu kei.

2 Korindan 4:16

Kwana kowe, nub niindem aombed kuu yiminban korondanuub andi ye inameniibban doruub. Nub karub id angka kuu monmare weneen kumban, nub niindem aom wadkeri kuu Godbed aron mimim yeweb ongmimaan.

Galasiadan 5:23

ingmiyiibban nangkemmo dobiriyiib yimeren kangkadmiyiib kui. Keye inamen keyaa amob maambed ma burudandindo.

Efesusdan 4:2

Kukuu yiibka kankubune yena yi dabderem aom doberenib nangkemmo yodbirimban iwarimbed neman mimyob dowaken keenoon keenoon kamime.

Kolosedan 3:12

Kwana kowe, yiib kuu Godbed kingkane yeka ye dowad ben yuroondan, yiib kuu yembed mimyob dowaken darewoob keendoon kowe, mimyob keendiyiib awandiyiib yiibka kankubune yena kuu arimo andiyiib ingmiyiibban nangkemmo dobiriyiib yodbirimban emamombed meedme dobiriyiib kuu yiibka inware dobirime.

Kolosedan 3:3

Amborom kuu yiib kuu kwane dukniwena yiib wadkeri kuu Yesu Keresu yaa daboknenib ibmo bikniwen, Godiib aom bikne angkeen kowe.

1 Tesalonaikadan 4:11

Kwane, nubbed anuk kwane daanduwen areb kuu, iwari dobiri ye inameniib keane kwane kamiyiibban ye inameniib yiib dingkimbed deme ambangki ye inameniib awinime.

2 Tesalonaikadan 3:12

Kwamenabidan kuu Yariman Yesu Keresu yaningko yaambed ongkandenub kwanime ande yedmendubko yikareb nangkemmo kere deme ambangkenib yika yi yongbon animanbed anime.

1 Timoti 2:2

Korok dareb darewiib kane kane korok keriwendaniib yi dowad kurikuri kamime. Kuye dowad kuu nub kuu yewenubmo nangkemmo yena yi arinambo ari amunmo dobiriyiib God ye dowaken yaambed dobaranuub.

2 Timoti 2:25

Kane kanembed eb yaa manmo keriwen kuu ebbed yi yaa nangkembed kedmengkande. Kwamebka Godbed yi inamen aombed amonombendoko, anam anam yaa kaadkeribko,

Taitus 3:2

wengbed karub maa ye aningko monmaraib, nangkema yewenubmombed dobirime, yena yaa awandime, nimakarub korem yaa kerengkaniibban kankubune yirimbed dobirime kui.

Yems 1:21

Kwana kowe, nenem inamen koremiib inamen arewa mimim koremiib kuu kwane kirarundenib, yiibka kankubuniyiib kerenib God ye weng yiib niindem aom arumenaboon yaa awinime. God ye weng kee bobni yaa burudande bindi yeman.

1 Pita 1:23

Kedi, yiib kuu ika wooniwen, kumban duknimaibdan yaambedban, bobnindeban ye God yaambed ika wooniwen. Kukuu wadkeriyiib dowan kerindeban ye weng Godbed yedme kowoon yaambed kii.

1 Pita 3:15

Ma, yiib inamen aombed Yesu Keresu yembedmo kuu nub Yariman andime. Yiib kuu Yesu yaa anam ande meedme doriib yaa karub kanembed kaamondi ye dowad kuu nekwe doberembirime. Kuned yiib inandi kuu emayiib kaamonoonman ye aningko kankooniyiib