1 Pita 3:11 - Yomgkom

¹¹ Arewa yaa koronde amonombe amunmo kamenib, yewenubmo dobiri ye kiwaan onme wedme kwari dobirime.

1 Pita 3:11 ပူးပေါင်းရင်းမြစ်များ

Yook 125:4

O Yariman, amun kamenabidan yaa kuu amun amun kamende. Kwane kangdommo doriibdan yaa kangkon amun amun kamende.

Yook 34:14

kami arewa yaa amonombenib amun amun kamenabenib yena yoom yewenubmo dobiri kerekmen yaambed doberenib kuyaa meeni darewoob kerime.

Yook 37:27

Arewa yaa koronde amonombe amun kamime, kwananiib kumbed okad kuyaom kuu aron korem dobaraniib.

Matyu 5:45

Yiib kwananiib kumbed yiib Ambe Ewen ari doreen ye dana meed keraniib. Yembed aron yedmoona yurenu amundaniib arewadaniib korem yaa yure kowimaun, am kwangkon kwane yedmaana yorokmodaniib arewadaniib yaa minimaun.

Matyu 5:9

Kane kane wedyiri dobere wengangkimaib kuu Godbed amun kerundoon, amborom kuu Godbed yiib kuu ne meed kii andaneen kowe.

Matyu 6:13

Kwane, ambarakmaniib dee andi ye kiwaan ari nub ben nongkobaab. No kwane awad arewambed nub yaa manaan ye dowad kuu nub benkoobe.’ kwane andime.

Maak 14:7

Kamboknondan kuu aron korem yiib yoom doberembaraniib kowe, aron komoyiib awandandamiib kuu yiib dowakenmo awandaniib, kumban ne kuu yiib yoom aron korem dobarainban.

Yesu Ye Weng Amun Lukbed Wongkoon 1:79

Bobni kurumbon yiri doriibdaniib kumun yiri doriibdaniib yaa mene yurekore, nangkem yewenubmo ye inamen kedmengkandaneen.” andoon.

Yesu Ye Weng Amun Lukbed Wongkoon 6:35

“Kwanimaib kumban yiib kuu bondan yaa mimyob dowaken keendenib amun amun kamenib yi yaa yiib yiribman araben bangkandime. Kwanekorib angkon ika kandi ye inamen kowaib. Kwananiib kumbed kakman darewoob kandaniib. Kwane, yiib kuu Korem Burudandoon Arimbed ye God ye dana keraniib, amborom kuu God kuu eso andimokban ambarakmidan yaa amun amun kamimaan kowe.

Yesu Ye Weng Amun Lukbed Wongkoon 6:9

Kwanoone, Yesumbed yi yaa kaamondoon, “Sabat aron ari kuu kunambed amob, amun kami dee, o arewa kami dee? Dangkorodore nenkooni dee, o aye monmari dee?” andoon.

Yoon 17:15

Ne kaamobdi kuu ebbed yi kuu okad kari kee ben angkanimban. Kukuu miin arewaman yaa dorondare yi kuu awande.

Romdan 12:18

Eb dobiri yaambed nimakarub korem yoom yewenubmo dobiriyiib kuu yimin keroonka, kwame kuyaambed angkumone yi yoom yewenubmo dobere.

Romdan 14:17

Kedi, God ye oonimbon kuu animan ani o ok ani keye kerekmen yaambedban. Kukei, Kingkin Karadmo ye aromkono yaambed yorokmo dobiriyiib yewenubmo dobiriyiib kubiyiib kui.

Romdan 14:19

Kwani kowe, kiwaan korem yaambed yena yoom yewenubmo dobiri ye kiwaan ongmem. Kwane, kiwaan korem yaambed yiib anam andi darewoob keri dowad marin marin ambib areb yenbenmo daanemoon areb kerem.

Romdan 5:1

Kwane kowe, nub kuu anam andi yaambed bendune yorokmo kerundoon kowe, nub kuu nub Yariman Yesu Keresu yaambed God yaa yewenuwiib keruwen.

Romdan 7:19

Kedi, nembed komo kamimain kuu dowakeniib keraan ye amun kamimban, yii, dowakenban keraan ye miin arewa kami kumbed kamembirimain.

Romdan 7:21

Kwane, akmaan kuu dobiri kiwaan kee, amun kami ambangkandamiin kuu inamen arewa kuu ne yaa ibmo doreen.

Romdan 8:6

Kwane, id ye dowaken ye inamen kuu bobni kondi yeman, kumban Kingkinbed kangkadmeen ye inamen kuu aron korem ye wadkeriyiib yewenubmo dobiriyiib bangkandi yeman.

Galasiadan 5:22

Kumban God ye Kingkin ye yob irimaan kuu, mimyob dowaken keendiyiib kubi ye inameniib yewenub dobiriyiib yodbirimban iwarimbed dobiriyiib awandiyiib amun amun kamiyiib korondiyiibban kwane awinembiriyiib

Galasiadan 6:10

Kwani kowe, aron denekmen angkimboroka nimakarub korem yaa kuu amun amun ambangkandem. Keyiib anam andiwendan yaa kwangkon amun amun dowaken miin ariyiibbed ambangkandem, yi kuu nub oniya ambanga damana areb kowe.

Kolosedan 3:15

Kwane, korondiiwo Keresu ye yewenubmo kumbed yiib niindem aom dawuro oonendok, amborom kuu yiib kuu id mimo keriwen kowe yewenubmo dobiri dowad yiib yaa baande kinoon. Kwane, eso ande dobirime.

1 Timoti 6:18

Yi yaa amun amun kamime ye weng daande. Amun amun kami yemoon kamime, yi yiribman kuu kirim kamaib, nimakarub yena yaayiib numbere awandi dowad nekwime.

Hibrudan 12:14

Kiwaan korem kuyaambed nimakarub korem yoom yewenubbed doberenib karadmo kerime, karadmo keraibban kuu Yariman wedmenaibban kowe.

Hibrudan 13:16

Kwane, amun amun kamiyiib yena yaa numbiriyiib kuu nonondandaib, kukuu God yaa munob koni yeman kowe, kwananiib kuu yembed kubaneen.

Yems 4:17

Kwane, karub kanembed amun kami angkeen kuu wedmoon kumban ma awine ambangkindo kuu, ye kuu ambarakmoon.

1 Pita 3:12

Amborom kuu Yariman kuu yorokmodan keendombere oonene, yi kurikuri yaa korobe wengambirimaan kowe. Kumban Yariman kuu arewa kamidan yaa manmo keroon.” andoon.

3 Yoon 1:11

Ee angkodmi, inamen arewa kumunkingkaab, inamen amunmo kumunkingke. Kanembed amun yaambed awinoon kuu God ye karub kii. Ma, kanembed arewa yaambed awinoon kuu God yekaadban.