1 Pita 2:9 - Yomgkom

⁹ Kumban, yiib kuu Godbed kinoondan, Korok Darewoob ye dore nimakarub dore wedyiri dobiridan, karadmo kamidan, God ye karuwa nimaya kui. Kwane keriwen kuu kumun yiri doriiwa baande bene ye nambiri amun kai aom wooroon ye God yaa kubi wengiib yaningko kankoonime anded.

1 Pita 2:9 ပူးပေါင်းရင်းမြစ်များ

Yook 106:5

Kwananeeb kuu kinewendan yiminmo dobaraniib kuu neyiib keraniin, kwananeeb kuu eb ambibkindan kubaniib kuu neyiib keraniin kii, kwananeeb kuu yumbon kondewendan ewaningko kankoonaniib kuu neyiib keraniin kii.

Yook 118:27

Yariman kuu God, kwane yembed nambiri ongmoona nub ari yurendoon. Yiib dingki aom kuu ambuudiib awingkenib, God yaa kubi dowad nedbe God yaa koni ye bot wuubimbon yaa daane weniibdan yoom dabokne winime.

Yook 135:4

Kedi, Yarimanbed yeka ye dowad Yekob kuu kine baamonoon, Israel kuu ye yaa bobne komboroon ye karub ande nendoone Yariman yeman keroon kui.

Yook 22:30

Nimakarub amaan ari dobaraniibdan kuu ye yaambed awine dobaraniib, kwane amaan ari dobaraniibdan yaa kuu Yariman ye dowad dakmaniib.

Yook 33:12

Ambibkindan kaneya yi God kuu Yariman keriwen kuu amun kerundoon, yi kuu yembed kinene yeka ye dowad yumbon ongmoon kui.

Yook 73:15

Nembed “Yi inamen arewa kande dakmaniin.” ande yedmaniin kuu, God ye nimakarub yaa ambarakmaniin.

Matyu 4:16

Yi kuu bobniyiib ambarakmiyiib ye kumun aombed doriib kuu God ye nambiri darewoob kawure waroon kuu wedmiwen.” ande wongkoon.

Matyu 5:16

Ibonmo kwamunene yiib amun kami kuu nambiri areb, kwangkon namborok nimakarub yaa. Yiib kwananiib kuu yi wedme yiib Ambe Ewen ari doreen yaa kubenib yaningko kankoonaniib.” andoon.

Yesu Ye Weng Amun Lukbed Wongkoon 1:79

Bobni kurumbon yiri doriibdaniib kumun yiri doriibdaniib yaa mene yurekore, nangkem yewenubmo ye inamen kedmengkandaneen.” andoon.

Yoon 17:19

Yi dowadbed ne kuu neka are karadmo kere eb inamenmo awinaan. Kwanaan kumbed yi kwangkon anammo are karadkonomo kere eb inamenmo awinidan kerok andid.

Kwamiwen 20:28

“Kwane, yiibka yiibmeren oonenib, nimakarub yena Kingkin Karadmombed yiib ooni kurumbon aom nongkoboon kwangkon oonendime. Kwane, Godbed ye Mingki ye umkanbed anam andiwendan ogawanandoon ye karuwa nimaya kuu ongme oonendime.

Kwamiwen 26:18

kwane wene ebbed yi indob nandeneb, kumun aom doriibdan kuu ebbed nambiriyiib yaa benweneneb, Seten ye aromkono aom doriibdan kuu ebbed God yaa benwananeeb kii. Kwananeeb kuu Godbed yi ambarakmi kuu are nonondandaneene yi kwangkon ne yaa anam andiwendan Godbed yorokmo ongmene yi yumbon kondoon kuu yi kwangkon kandaniib ye dowad kui.’ andoon.

Kwamiwen 26:28

Kwanandoona, king Agripambed Pool yaa kaamonoon, “Kwane kowe, nangkawebko aron dukmen mana kuyaombed ne kuu kuristen keraniinoo?” andoon.

Romdan 9:24

Kukuu nub kii, yembed baande kinoondan, Yuudan yaambedmomban ambibkin koremdan yaambed kwangkon baande kinoon kui.

1 Korindan 3:17

Karub kanembed God ye kurikuri boyambib darewoob monmaraneen kuu, Godbed monmarunaneen, amborom kuu God ye kurikuri boyambib darewoob kuu karadmo kowe. Kwane, kuye kurikuri boyambib darewoob kuu yiib kui.

Efesusdan 1:14

Kingkin Karadmo nub yaa kondoon kuu wonong mukod kowimaib areb, komo komo nub dowad Ewen arimbed nongkoboone dangoon yeman kuu dungkud kondoon, kamune dangoon kowe anam andime yeman kui. God ye karuwa nimaya yaa kondoon kumbed ari wene korem biddaneen kui. Kowe, ye nambiri yaa kuu kube kankoonem!

Efesusdan 1:6

God ye kabamoon kondoon ye mimyob dowaken kee nambiriyiib kowe, ye yaa kube kankoonem! Kamune kondoon kuu ye mimyob dowaken keenoonman yaa ben daboknoon kumbed yiminmo kondoon nub yaa.

Efesusdan 3:21

ye yaa anam andiwendaniib Yesu Keresuyiib yaambed nambiri kuu awoya awoya yiri yaroniib awoya awoya ari yaroniib aron korem korem kondok! Anam kwanok.

Filipaidan 3:14

Godbed Yesu Keresu yaambed ne yaa Ewen ari wini ye kiwaan daane baande yedmoon kowe, kabaanderi ye karub areb wadkeri aron korem ye trofi kandi dowad dedmoneni kabaaniin.

Kolosedan 1:13

Ye kuu kumunmo ye oonimbon yirimbed nub ben yaro ye mimyob dowaken keenoon ye Mingki ye oonimbon aom yuroon.

2 Timoti 1:9

Godbed nub kuu bobni yaa burudande bindene karadmo dobirime ande baandoon. Kwamoon kuu nub komo kamuwen kumbedban, yeka ye inamen nekwooniib ye kabamoon kondoon ye mimyob dowakeniib kumbed kii. Kabamoon kondoon ye mimyob dowaken kee Godbed okada ambida ma andowe ongmindo yaron yirimbed Yesu Keresu yaambed nub yaa kondoon,

Taitus 2:14

Ye kuu yekareb nub dowad kondoon, arewa korem yaa nub bidde bindanded, ye nimaya karuwa kerubko karadmo ongmendoko nindorokiibbed amunmo kamime anded.

1 Pita 1:2

Yiib kuu kurin kurin kuu Ambe Godbed meenmendekoreked kinoon. Kukuu ye Kingkinbed karadmo ongmendi yaambed Yesu Keresu ye weng wengambere awini ye dowadiib ye umkanbed yiib niindem aom arendi ye dowadiib kinoon. God ye kabamoon kondoon ye mimyob dowakeniib yewenubmo dobiriyiib yiib yaa bangkandoka yiminmo kerok.

1 Pita 2:5

yiib kangkon wad doreen ye bot areb keriiwe, Godbed bene kingkin kerekmen ye ambib yenbeena God dore nimakarub dore wedyiri dobiridan karadmo keriib. Kowe, Yesu Keresu yaambed yiib kuu God yaa munob koni yeman bangkandimaib areb yiibka ye yaa kingkin kerekmen yaambed konimaiwe, yembed kuboon.

1 Pita 4:11

Kanembed God ye weng daandi ye deme awinoka, kaadkerok, Godbed daandimaan areb kerok. Kanembed awandi ye deme awinoka, Godbed yaromkono kondoon kumbed awandok. Kwananiib kuu komo kami korem kumbed Yesu Keresu yaambed God yaningko kankooni yeman. Ye yaa kuu nambiriyiib aromkonoyiib kerok, aron korem korem. Anam kwanok.

Korokboon 1:6

nub be ye oonimbon aom ben nongkobene, ongmoone God dore nimakarub dore wedyiri dobiridan kere ye Ambe God ye deme awinuwen. Kwani kowe, ye yaa nambiriyiib aromkonoyiib kerok, aron korem korem. Anam kwanok.

Korokboon 20:6

Kane kane ibduruk arimbed ika dembaniib kuu karadmo amun kerundaneen. Kwane, ika bobni yaromkonombed yi ma yenbandaane duknaibban. Angkon yi kuu God yoom Keresu yoom dore nimakarub dore wedyiri dobiridan kerenib ye yoom korok korok kere weeb 1,000iib oone dobaraniib.

Korokboon 5:10

Ebbed yi yaa oonimbon mimodan ongmeneb God ye deme awini dowad God dore nimakarub dore wedyiri dobiridan kerundewen. Kwane, yimbed okad ari oonaniib.” andiwen.