1 Pita 2:7 - Yomgkom

⁷ Kwane, yiib anam andiwendan kuu bot keyaa bobne kubudiriwen. Kumban anam andindodan kuyi dowad God Ye Weng aombed kwamune yedmoon, “Bot kuu boyambib yenbidanbed kankorariwen kuu, ambib kumundin amun yenbi ye dongka bot keroon.” andoon.

1 Pita 2:7 ပူးပေါင်းရင်းမြစ်များ

Matyu 21:42

Kwanandiiwe, Yesumbed yi yaa yedmoon, “Yiib kuu God Ye Weng Karadmo kee ma kimingkindokowoo? ‘Bot kuu boyambib yenbidanbed kankorariwen kuu, ambib kumundin amun yenbi ye dongka bot keroon. Kukuu Yarimanbed kwane ongmoon kedi! Nub indob ari kee wedmuwen kowe, kubi darewoob keruwen kii!’ kwane wongkoon.

Yesu Ye Weng Amun Lukbed Wongkoon 2:32

ye kuu nambiri Yuudanban yi nimakarub wedmi yeman. Ye kuu eb nimaya karuwa Israeldan yi aningko darewoob keri yeman.” andoon.

Yesu Ye Weng Amun Lukbed Wongkoon 2:34

Kwane, Simeonbed yi yaa amun kerundekore, Meri yaa yedmoon, “Dana kee, yembed Israeldan yemoon kuu andokbaneene, yena kirobaniib yena ari daananiib kamaniib kii. Ye kuu Godbed wedme kaadkeri yeman korokboon kumban, yemoon kuu ye yaa bon keraniib kowe,

Yesu Ye Weng Amun Lukbed Wongkoon 20:17

Kumban Yesumbed yi yaa keendomberene kaamondoon, “Kwani kowe, God Ye Weng wongkoon kee, ‘Boyambib yengbimaibdanbed bot kankaariwen kuu ambib kumundin amun yenbi ye dongka bot keroon kii.’ andoon kuye weng id kuu kuna?

Yoon 4:42

Kwane wonong kuyaa yedmendiwen, “Ubbed dakmewen kumbedmo nub anam andokban, amborom kuu nubka nubkarewiib wengamberenub kwane kaadkeruwen kuu, anam kuu ye kuu okaddan Bobni Yaa Burudande Bindi Ye Karub kii.” andiwen.

Kwamiwen 26:19

“King Agripa yee. Kwanandoon kowe, ne kuu God yaambed wane kee wedmenaan kuu wengamberedandainban.

Romdan 10:21

Weng maa kee, Godbed Yuudan yi dowad kekamune yedmoon, “Amkimo kaimbed mene miriknoon kuu neyiib yaa minime ande dingki yiraan, wabkad kere bot korok keriwendan yaa.” andoon.

Romdan 15:31

Kwanibko, Yudea aom doriib ye anam andindodanbed ne neem ande meendobiib yaa kuu Godbed kebene oonewoko, Yerusalem aom deme awinaniin kuyaa kuu God ye karadmodanbed ee yimin andime andid.

2 Korindan 2:16

Kukuu monmaraneene duknaniibdan yaa dukni ye baeb kuwi yeman, kumban bindaneene wad dobaraniibdan yaa wadkeri ye baeb kuwi yeman kii. Yesu ye weng amun kanyare dakmi ye deme kuu kanembed yeka yimin kere awinaneen? Dowan!

Kolosedan 2:10

Kwane, Keresu yaambed ye meeni koremiib inamen koremiib dowaken koremiib aromkono koremiib kuu yiib yaa bangkandoon. Ye kuu aromkono maa maa korem awinidaniib korok maa maa koremiib yi korok kui.

Taitus 3:3

Kurin anukbed doburuwen kuu nub kangkon inameniibban wabkaddan, nub kuu nemengkandoone nub id dowaken deme arewa yemoonbed nub yariman keriwen. Nub dobiri kuu karub ma ayem andi meenenub inwirine keenomboroon keenomboroon kamenub neman arud wandemboroon arud wandemboroon kamuwen.

Hibrudan 11:31

Anam andi yaambed kiwaan ari ye wonong Rehab kuu wedme darobidan angkodmendeen kowe, God yaa wabkad keriwendan Israeldanbed yenbandiwen kuu yuyiib windo.

Hibrudan 4:11

Kwani kowe, nub kangkon nubkareb kiwaan korem yaambed ninabenub yiidkimbon aom awunem. Kwananuub kumbed karub maa kanembed yi wunesadmi kara ye yoman yaa wenene yi koob kandene kombaraanban.

1 Pita 1:8

Yiib indowiib Yesu yaa wedmenindo kuned, mimyob dowaken keenimaib. Kibireb wedmenokban doriib kuned, ye yaa anam andiiwe dakme id korokbinban ye kubi darewoob nambiriyiib yiib niindem aom demboon,

1 Pita 2:4

Ye kuu Wad Doreen ye Bot. Nimakarub ye yaa wunekariwen kumban, Godbed ye yaa kinene bobne komboroon. Kwane, yiib kuu ye yaa meniib kuu

1 Pita 2:8

Kwane angkon ye dowad God Ye Weng aombed yedmoon kuu, “Ye kuu boyareb, nimakarub boknande komborok andi yeman, ye kuu dumnad areb, nimakarub boknande kombiri yeman.” andoon. Yi kuu God ye weng yaa wengamberedandiwen kowe, boknande komborok andiwen. Kuye dowad yi kuu kinoon.