1 Pita 1:6 - Yomgkom

⁶ Kuye dowad yiib kuu kubi darewoob keriwen. Aron dukmen kuu kiwaan yemoon yaambed yiib yaa dabab meneboone yuudi areb keriwen kuned, God ye weng kunduk kuyaa kubiyiib keriwen.

1 Pita 1:6 ပူးပေါင်းရင်းမြစ်များ

Yook 119:28

Ne niindem aom kuu mimyob wandaan kumbed wuud kere wanaan, eb weng yaambed aromkono kawe.

Yook 119:75

O Yariman, nekaad eb wengyundi weng kuu yorokmo kii, kwane eb ma korondiyiibban weng awini ye kerekmen yaambed eb kuu ne yaa didangke dabab kawewen.

Yook 34:19

Yorokmoman kuu dabab yemoon menebimaan, kumban Yarimanbed kuye dabab korem yaambed ye nen burudande obon kerunimaan.

Yook 35:10

Ne inamen korem kumbed baandaniin, “O Yariman, kanembed eb yaa iibmo keroon? Dowan! Kamboknondan kuu aromkonodanbed yenbandimaib kuu ebbed yi ben burudande angka nongkobimaab, kwane kamboknondaniib awandime ande meeniibdaniib kuu yidbidan mene yi yiribman bimaib kuu ebbed yi ben burudande angka nongkobimaab.

Yook 69:20

Damangkawiwen kumbed kubiyiibban kereni ne niindem aom miin yiminban keraan. Mimyob keewidan ande onmaan kumban ma wedmindo, kwane ne mimyob wandi kankubunidan ande onmaan kumban ma wedmindo.

Yook 9:14

Kwanebko, Saiyon ye mungkan Yerusalem yu kuuk ambongkodem aombed ewaningko kankooni weng korem dakmeni, bobni yaa burudande bindi ye kiwaan ebbed ongmewen ye dowad kuba.

Yook 95:1

Minime, Yariman yaa kube wingkem. Nub bobni yaa burudande bindi ye Aromkonoman yaa kube baandem.

Matyu 11:28

“Kane kane dabab darewoob awiniwen kuu ne yaa minime. Nembed owongab yiidki kondaniin kii.

Matyu 26:37

Kwane, ye yaro Pita yoom Sebedi ye meed ayoob Yems yoom Yoon yoom benwenene miin kubiyiibban kere dabab darewoob kandoon.

Matyu 5:12

Meenmembaraib, kubime, amborom kuu Godbed yiib yaa kakman darewoob Ewen arimbed nongkobaneen kowe. Meenmembaraib, kubime, amborom kuu anuk kurin kwangkon profesidan kuu kwamune yewed konde yenbandiwen kowe.” andoon.

Yesu Ye Weng Amun Lukbed Wongkoon 10:20

Kuned awad arewa kuu nub weng wengambiriwen ande kubaib, kumban yiib aningko kuu Ewen ari wongkoon kuyaambed kubime.” andoon.

Yesu Ye Weng Amun Lukbed Wongkoon 2:10

Kumban engyumbed yedmendoon, “Yiib unaib. Ne kuu yiib yaa kubi darewoob ye weng amun kanmeniin, nimakarub korem yaa daandi yeman.

Yoon 16:22

Kwamune areb kuu kibireb kee yiib kuu kubiyiibban doriib, kumban yiib kuu angkon ika wedmendaniina kubi dowakeniib keraniib. Kuye kubi dowaken kuu karub kanembed ma de kanwanaanban.

Yoon 16:33

“Nembed weng kee dakmenabaan kee ne yaambed yiib niindem aom yewenubmo kerok andid. Okad kiri dobiri kuu dabab kandi yeman. Kumban yiib niindem aom aromnime, okad kiri kee nembed burudandaan kowe.” andoon.

Kwamiwen 14:22

Ika winiwen ye dowad kuu anam andiwendan taun keyaom doriib yaa ambobandenib anam andi kuu kwane awine dobirime ande ongkandiwen, “Yobdood yemoon kuu burudandekoruwed, Godbed korok kere oonimbon aom kuu aomnanuub.” andiwen.

Romdan 12:12

Yiib kuu Godbed kwananeen ande meedmi yaambed kubime. Durud yewed meneboon kuyaa kuu yodbirimban emambed doberembirime. Kurikuri kamimaib kuyaa kuu ma korondaib, no kwane kamembirime.

Romdan 5:11

Kuu kumbedmomban, nub kangkon nub Yariman Yesu Keresu yaambed God yaa kubi darewoob keruwen. Yesu yaambed God yaa kunum keri kuu kanduwen kii.

Romdan 5:2

Yesu ye kuyaambed nub kuu anam anduwen kumbed kabamoon kondoon ye mimyob dowaken kee kandi ye ambongko nandekorub, kwane kibikee kuyaombed awine doruub. Kwane, nub kuu God ye nambirimbon aom awunanuub ande arudkonoyiib kubuub kii.

Romdan 9:2

Ne kuu kubiyiibban darewoowiib kirod womoninban ye durudiib ne niindem aom kandaan.

2 Korindan 4:17

Kwane, kirod mene dowan keraneen ye dabab embeng embeng nub yaa menebimaan kuu, dowan kerindeban ye nambiri kandi ye kiwaan nub dowad ongme weneen. Kuye nambiri kuu dabab ye arewa kerundi ye kumunkingki arebban, miin amun darewoob anam arimbed kii!

2 Korindan 6:10

Kwane, nub yaa kuu yenambed kubiyiibban mimyob wandi kerundiwen kumban kubimo doruub. Kwane, nub kuu kamboknon keruwen kumban kedmengkanduwen kumbed yena yemoon yi anam andiwenkob yi anam andi yaa kuu yiribman yemoon keremoon areb keriwen. Nub kuu dingkirud keruwen kumban kumkam korem kuu nubman.

Galasiadan 5:22

Kumban God ye Kingkin ye yob irimaan kuu, mimyob dowaken keendiyiib kubi ye inameniib yewenub dobiriyiib yodbirimban iwarimbed dobiriyiib awandiyiib amun amun kamiyiib korondiyiibban kwane awinembiriyiib

Filipaidan 2:26

Amborom kuu ye kuu yiib yaa mimyob inamen darewoob keendekore, anikad keroon yiib wengambiriwen kuyaa meeni darewoob kere kubiyiibban keroon kowe.

Filipaidan 3:3

Yimbedban, nub kei nub kembed kad wanabi ye inamen ye weng id anam kanduwen. Inamen ye weng id anam kee, God ye Kingkin yaambed God yaningko kankoonenub, Yesu Keresu yaa nambiri konimaub, nub kangkon karubbed komo kamimaib yaa ma kangdom kerindo kii.

Filipaidan 4:4

Yiib kuu Yariman yaa kubembirime. Ne angkon ikakman yedmaan, kubembirime!

1 Tesalonaikadan 1:6

Yiibbed nub yaayiib Yariman yaayiib kumun ingkiwen. Kwane, durud yewed yemoon yiib yaa meneboon kumban, Kingkin Karadmombed kubi kondoon kumbed yiib kuu weng amun angkodmende awiniwen.

Yems 1:2

Nangkodmia, dabab maa maa yiib yaa meneboka, kubimombed dobirime,

Yems 1:9

Kuristen angkodmi ambokda keroon kuu Godbed kankoone yumbon ari konoon kowe kerengkanok.

Yems 4:9

Mimyob wandenib dabab warenib yuudi ameng kamime. Yiib ambon kamenabi kuu amonombe dabab warime. Yiib kubi kuu amonombe niindem aom yiminban kerime.

1 Pita 3:17

God ye dowaken keroka, yiib kuu amun amun kamiiwe yenbandaniib, kedi, amun amun kamiiwe yenbandiiwa durud yewed kandi kuu amun, arewa kamiwed yenbandiwed durud yewed kandi arebban.

1 Pita 4:7

Kumkam korem yimin wandi yaron kuu dia kereen. Kwani kowe, korobe meenenib yiibka kangkadmime. Kwananiib kuu yiib kurikuri kuu yimin keraneen.

1 Pita 5:10

Kabamoon kondoon ye mimyob dowaken korem ye God, Yesu yaambed dowan kerindeban ye nambiri dabokni dowad yiib yaa baande kinoon ye God kui, yiib durud yewed kandiiwe kibikbed nare ari aron dukmen keraneen kuu yembed yiib yaa demkoronmo ongmene anam andi kangdommoyiib aromkonoyiib kiringmindeban ye anam andiyiib kondaneen.