1 Pita 1:2 - Yomgkom

² Yiib kuu kurin kurin kuu Ambe Godbed meenmendekoreked kinoon. Kukuu ye Kingkinbed karadmo ongmendi yaambed Yesu Keresu ye weng wengambere awini ye dowadiib ye umkanbed yiib niindem aom arendi ye dowadiib kinoon. God ye kabamoon kondoon ye mimyob dowakeniib yewenubmo dobiriyiib yiib yaa bangkandoka yiminmo kerok.

1 Pita 1:2 ပူးပေါင်းရင်းမြစ်များ

Matyu 24:22

Kuyaron kuu Godbed dukmen kowoon, amborom kuu doboob keraneen kuu karub ambong ma dobaraanban kowe. Kumban yembed kinoondan yi dowad yaambed aron kuu dukmen kowoon.

Matyu 24:24

Kwanaib amborom kuu Yesu areb kere dudenabidaniib dudi ye profesidaniib angkadere mananiib kowe. Kwane mananiib kuu dud korokbi darewoowiib yeka mamaa ye wedme binangki yeman ongmenabaniib. Yi kuu nimakarub yemoon birandaniiwe anam andaniib kumban, yi birandi Godbed kinoondan yaa kuu yiminban keraneen.

Matyu 24:31

Ye engyus yaa yedmene kibi komki darewoowiib kamaneene, okad yimin yimin yaa wenebenib, ye kinoondan kuu ben ambid ari daane nedbaniib.

Maak 13:20

“Aron kee Godbed dukmen kowoon, amborom kuu doboob keraneen kuu karub maa kwari doborokban kere korem duknaniib kowe. Kumban, yembed kingkoon ye nimakaruwiibkob aron kuu dukmen kowoon.

Maak 13:22

Kwane, Yesu areb kere dudenabidaniib dudi ye profesidaniib kuu mene dudiib yeka mamaa ye wedme binangki yemaniib kamenib, Godbed kingkoon ye karuwa nimaya yaa kuu nemengkandok mananiib kii. Yi kuu nimakarub yemoon nemengkandaniib kumban, yi nemengkandi Godbed kingkoon ye karuwa nimaya yaa kuu yiminban keraneen.

Maak 13:27

Kwane, yembed ye engyus yedmaneene, mene yembed kingkoon ye nimakarub bid yimin yimin yaa okad dungkun dungkun korem yaa kuu bok wananiib.

Yesu Ye Weng Amun Lukbed Wongkoon 18:7

“Meenime, Godbed kinoon ye nimakarub kuu amnoomiib awingyawiib ye yaa wengyundi dowad amengiib baandembirimaib kuu Godbed inande weng anamiib wengyundaneen dee? Ee, kwananeen. Kwane, amaanbed amaanbed andimaan dee?

Kwamiwen 15:18

unyemanbed korokboona kaadkeriwen.

Kwamiwen 2:23

Yesu kee God ye inamen dowaken unyemanbed ongmoon yaambed yiib yaa kondoone, yiib yoom miin arewadan yoombed aye at ming ari bakumbed daare kankoone maniiwe bobnoon.

Kwamiwen 20:32

“Kwani kowe, kibireb kee yiib kuu beni God ye kabamoonmo ye mimyob dowaken ye dingki ari nongkobaan kii. Kwamune dobaraniib kuu Godbed yiib inamen aromnene Ewen arimbed yumbon bangkandaneen, kinoondan korem yi yumbon kui.

Romdan 1:5

Ye yaambed yaningko kankooni dowad nub kuu kabamoonmo apaso deme kine kondoon. Kwanoon kuu Yuudanban ambibkin mimimdan korem anam andime anded. Angkon yi anam andi yaambed ye weng wengambere awine kandime anded.

Romdan 1:7

Godbed mimyob dowaken keende ye karadmo ye karuwa nimaya kerime ande kinoondan Rom aom doriib, yiib yaa kerek kee keendaan. Kabamoon kondoon ye mimyob dowakeniib yewenubmo dobiriyiib kuu nuwambe God yoom Yariman Yesu Keresu yoom yaambed yiib yaa bangkandime.

Romdan 11:2

God kuu yembed andowoon yirimbed yekaadkerundoon ye karuwa nimaya kuu ma wunekarundindo. God Ye Weng Karadmo aombed Elaidya ye dowad yedme wongkoon kuu yiibkaad kuda. Elaidyambed Israeldan yaa ambemendok ande God yaa kekamune yedmoon,

Romdan 11:28

God ye weng amun ye kerekmen yaambed Yuudan kuu yiib dowad God yaa bondan keriwen. Kumban Godbed kini ye kerekmen yaambed yi kuu Abraham awene yi dowad mimyob dowaken kerundoon.

Romdan 15:16

Yuudanban yi dowad Yesu Keresu ye deme awinaan kumbed God dore nimakarub dore wedyiri dobiridan areb God ye weng baande daandimain kowe. Kwanimain kumbed Yuudanban kuu Kingkin Karadmombed ben karadmo kerundoko God yaa koni yeman areb keribko konako ne karuwa nimaya andok andid.

Romdan 16:19

Yiibbed Yesu ye weng amun wengambere kande kuye kiwaan arimo doriib kuu kuristendan korem wengambiriwen. Kowe, nembed kubi darewoob arimbed keraan. Kumban, ne dowaken kuu yiib kuu amun amun ye inamen ye dowad meeni kangdom kerenib, arewa arewa ye inamen yaa wangdande nonoon areb kerime.

Romdan 16:26

Aron korem korem ye Godbed kwanime ande yedme kowoon kumbed profesidan God Ye Weng Karadmo wongkiwen yaambed ambibkin koremdan yaa ye weng kuu kan dian korokboon, ye yaa anam ande ye weng awine kandime anded.

Romdan 8:13

Amborom kuu yiib kuu id ye dowaken ye kerekmen yaambed dobaraniib kuu yiib bobnaniib kowe. Kumban yiib kuu Kingkin Karadmo yaambed id ye dowaken ye abdon kami kuu aye bob kowimamaniib kuu yiib kuu wad dobaraniib.

Romdan 8:33

Kanembed dabab weng Godbed kinoondan ari kanmananeen? Dowan, God kuu yi yaa ye arinambo arimbed yorokmo kerundi ye karub kowe.

1 Korindan 1:30

Kedi, yiib kuu Yesu Keresu ye karuwa nimaya yi ambokab kuu God kii. Yesu kuu nub dowad God ye meeni kangdom keroon, nub yorokmo kerundi ye karub, nub karadmo kerundi ye karub, nub biddi ye karub kui.

1 Korindan 6:11

Kwane areb kuu anuk kuu yiib yena kuu kwamunedan. Kumban yiib kuu ogoon. Yiib kuu karadmo kerundoon. Yiib kuu Yariman Yesu Keresu yaningko yaambed nub God ye Kingkinbed yorokmo kerundoon.

2 Korindan 10:5

nubka yimin nubka doberem andi ye inameniib kumbed God ye kaadkeri kankubunande kamiib korem kuu monmarimaub kui. Kwane, nub kuu meeni inamen korem kankubune Keresu ye dabderem yiri nongkobimaub, ana nangme burudande doroondan ben king ye dabderem yiri nongkobemoon areb kui.

Kolosedan 3:12

Kwana kowe, yiib kuu Godbed kingkane yeka ye dowad ben yuroondan, yiib kuu yembed mimyob dowaken darewoob keendoon kowe, mimyob keendiyiib awandiyiib yiibka kankubune yena kuu arimo andiyiib ingmiyiibban nangkemmo dobiriyiib yodbirimban emamombed meedme dobiriyiib kuu yiibka inware dobirime.

2 Tesalonaikadan 2:13

Kumban, Yarimanbed mimyob dowaken keendoon ye angkodmia, yiib dowad nubbed God yaa eso andimo kamembaranuub kuu yimin, amborom kuu yimin andowoon yiri kuu yiib kuu bobni yaa burudande bindi ye dowad Godbed kinoon. Kukuu Kingkin Karadmombed karadmo kerundi ye ambangkiyiib anam anam yaa anam andiyiib yaambed bindaneen.

2 Timoti 2:10

Kwana kowe, Godbed kinoondan yi dowad ne kuu dabab korem meneboon yaa kuu kangdommo doberembirimain. Kwanimain amborom kuu yi kangkon Godbed bindi yeman Yesu Keresu yaambed monoon kuu, dowan keraanban ye nambiriyiib kandime andid.

Taitus 1:1

Ne kuu Pool, God ye deme karub, Yesu Keresu ye apaso kui. Ne kuu Godbed kinoondan yi anam andi ye dowadiib anam anam yaa kaadkere awinenib God ye kiwaan ari dobirime andi ye dowadiib Yesu ye weng kanwene dakmimain.

Hibrudan 10:22

Id ayoob keye dowad kumbed nub kuu aadidmiyiibban ye inamenbed anam ande kerebkarawiibban arudkonomo kerenub God ye dia menem, nub niindem aom kuu ye umkanbed engkeremab kiradme bunaboon kumbed, ambarakme karak kanduwen kuu nub meeni dobiri inamen kiwaan yaa arekore, nub id kuu ok karadmombed ogendoon kowe.

Hibrudan 11:28

Anam andi yaambed Burudandoon orokiib umkanbed engkeremab kiradme bunabiyiib kuu kwane awinoon, kwanoked wonob dana yenbandi ye engyu kuu Israeldan yi wonob dana yaa kuu yenbandokban keri yeman.

Hibrudan 12:24

Yiib kuu amob weng yeeb ongmiwen yaa wedyiri dobiri ye karub Yesu yaa miniwen. Kwane, yiib kuu Abel ye umkanbed dakmoon arebban, weng miin amun arimbed dakmoon ye umkan engkeremab bunaboon yeman yaa miniwen.

Hibrudan 5:9

Kwane, ye kuu demkoronmo keroon kowe, ye yaa wengambere awine kandidan korem yi bobni yaa kuu burudande bindi ye ambokab keroon, aron korem yeman.

1 Pita 1:14

Arian yi weng wengambiri dana areb, yiib kuu anuk God yiibkaadbanbed dobiriwen ye inamen arewa kuye yoman ika wanaib.

1 Pita 1:19

Keresu ye umkanbed biddoon. Ye umkan kuu barang darewoob yeman. Ye kuu arewayiibban demkoronmo ye sibi mana areb kere Burudandoon ye orok yaron arimbed nub dowad ayiiwe bobnoon kui.

1 Pita 1:20

Ye kuu okadiib kumkam koremiib ongmenaboon yaron anuk yirimbed Godbed kinoona, yeenbon yaron kemaom yiib dowad angkadere dian keroon.

1 Pita 1:22

Yiib kuu anam anam wengambere awiniwen kumbed yiib niindem aom karadmo kerenib, aadidmiyiibban ye mimyob dowaken yiiwangkodmia yaa keendimaib kowe, mimyob dowaken darewoob kere anammo keendime.

1 Pita 2:9

Kumban, yiib kuu Godbed kinoondan, Korok Darewoob ye dore nimakarub dore wedyiri dobiridan, karadmo kamidan, God ye karuwa nimaya kui. Kwane keriwen kuu kumun yiri doriiwa baande bene ye nambiri amun kai aom wooroon ye God yaa kubi wengiib yaningko kankoonime anded.

2 Pita 1:2

God yoom nub Yariman Yesu yoom yaa kaadkeri yaambed kabamoon kondoon ye mimyob dowakeniib yewenubmo dobiriyiib kuu yiib yaa yiminmo bangkandok.

2 Yoon 1:1

Aamkono, nembed wongkaan kei. Godbed kinoon ye wonong yoom yu meed yoom, yiib yaa wongkaan. Ne mimyob dowaken kuu yiib yaa anam keendimain. Kuu nembedmomban, ne yoom anam ye inamen yikaadkeriwendan korem yoombed mimyob dowaken keendimaub.

2 Yoon 1:13

Kub oni yu meed Godbed kinoondanbed yi kubendi weng keebdiib kii.

Kerek Judbed Wongkoon 1:2

Mimyob keende kakman are nonondandiyiib iwari yewenub dobiriyiib mimyob dowakeniib kuu yiib yaa darewoob kerundok.