1 Pita 1:15 - Yomgkom

¹⁵ Yiib yaa baandoon ye God kuu karadmo kowe, ye areb kerenib komo komo kamandamiib korem kuu karadmo ye inamen yaambed ambangkime,

1 Pita 1:15 ပူးပေါင်းရင်းမြစ်များ

Matyu 5:48

“Kwani kowe, yiib Ambe Ewen ari doreen ye God kuu demkoronmo, kwamune areb kuu yiib kuu demkoronmo dobirime.” andoon.

Romdan 9:24

Kukuu nub kii, yembed baande kinoondan, Yuudan yaambedmomban ambibkin koremdan yaambed kwangkon baande kinoon kui.

2 Korindan 7:1

Mimyob dowaken keendaandan, yiiwa nuwa kuu kuye weng kunduk buwen kowe, nub idiib kingkiniib yaa arewa kerundoka nub kuu God yaa arewa keri yeman korem kuyaa koronde inamen karadmo awinem. Kwanenub wene nub karadmo dobiri kuu demkoronmo kerem, God yaa une yaningko kankooni dowad.

Filipaidan 1:27

Ma, Yesu Keresu ye weng amun ye kerekmen yaambed yiibka oone dobirime. Kwananiib kuu, yiib yaa kuu meneni wedmendaniin o manainban no dobereni wengambaraniin kuu, nekaadkeraniin yiib inamen mimombed kangdommo doberembere meeni mimombed weng amun ye anam andi ye dowad bamdaane ambangkenib,

Filipaidan 3:14

Godbed Yesu Keresu yaambed ne yaa Ewen ari wini ye kiwaan daane baande yedmoon kowe, kabaanderi ye karub areb wadkeri aron korem ye trofi kandi dowad dedmoneni kabaaniin.

Filipaidan 3:20

Kumban nub aningko kuu Ewen aombed angkeen. Kwane, nub kuu kuyaambed menene Bobni Yaa Burudande Bindi Ye Karub yaa kuu dowaken darewoowiibbed meedmuub kii, kuu Yariman Yesu Keresu.

1 Tesalonaikadan 2:12

Kube ongkandiyiib kangkudere amukniyiib kame Godbed kubaneen ye kiwaan yaambed kamime ande dakmenabuwen. Ye kuu “Ne oonimbon aom minime, ne nambiri kandime.” ande yiib yaa baandimaan ye God kii.

1 Timoti 4:12

Eb kuu kewedman areb weeb yemoon dobirindo kumban, korondaawa karub yenambed eb kuu kewedmanmo yiminban andebdaib. Kwane, anam andiwendan yaa kuu eb weng dakmiyiib eb dobiri kerekmeniib eb mimyob dowaken keendiyiib eb anam andiyiib eb niindem aom karadmo dobiriyiib yaambed inamen amun korokbendimame.

2 Timoti 1:9

Godbed nub kuu bobni yaa burudande bindene karadmo dobirime ande baandoon. Kwamoon kuu nub komo kamuwen kumbedban, yeka ye inamen nekwooniib ye kabamoon kondoon ye mimyob dowakeniib kumbed kii. Kabamoon kondoon ye mimyob dowaken kee Godbed okada ambida ma andowe ongmindo yaron yirimbed Yesu Keresu yaambed nub yaa kondoon,

Taitus 3:14

Kwane, nub nimakarub korem kuu yena yaa amun amun kamimo dobirime. Kwananiib kumbed aronki mimo mimo dobaraniib yeman nekwandimamaniib, ogoodmo dobaraibban kui.

Taitus 3:8

Kekee weng dudi wengban, weng anam kii. Kwane, ne meeni kuu weng kee eb ongme kedmengkandimame. Kwanebko, God yaa anam andiwendan kuu amun amun kami kara ongme awinime. Inamen kee amunmo, awinaniib kuu amunmo angkon idiib keraniib kui.

Hibrudan 12:14

Kiwaan korem kuyaambed nimakarub korem yoom yewenubbed doberenib karadmo kerime, karadmo keraibban kuu Yariman wedmenaibban kowe.

Hibrudan 13:5

Yiib kuu od yaa meenmembere dowaken darewoob keendimami kuu korondekorib, yiib yaa komo dangoon kuu yimin ande kuyaambed awine dobirime, amborom kuu Godbed kwane yedmoon, “Ne kuu yiib yaa domondainban, ne kuu yiib yaa korem korondainban.” andoon kowe.

Yems 3:13

Yiib kuyaom kuu kane kanembed meeni kangdomiib kerenib yorokmo meenimaib? Kee kwamune awiniibdan kuu yi meeni kangdom yaambed yika kankubune amun amun kamimaib kumbed yi meeni kangdom korokbime.

1 Pita 2:12

Yiib kuu God yaa anam andindodan kuyaom doriib kuu miin amun dobirime. Kwananiib kuu yiib yaa ambarakmidan andaniib kumban yiib amun amun kami kuu wedmendekore Godbed mananeen yaron arimbed ye aningko kankoonaniib.

1 Pita 2:9

Kumban, yiib kuu Godbed kinoondan, Korok Darewoob ye dore nimakarub dore wedyiri dobiridan, karadmo kamidan, God ye karuwa nimaya kui. Kwane keriwen kuu kumun yiri doriiwa baande bene ye nambiri amun kai aom wooroon ye God yaa kubi wengiib yaningko kankoonime anded.

1 Pita 3:16

ambarakmiyiibban ye inameniib kwane kerok. Kwane inandaniib kuu kane kanembed yiib amun amun kami Yesu ye dowad awinimaib yaa inamen arewa ande yedmaniib kuu, yi weng arewa yaa karak bobnaniib.

1 Pita 5:10

Kabamoon kondoon ye mimyob dowaken korem ye God, Yesu yaambed dowan kerindeban ye nambiri dabokni dowad yiib yaa baande kinoon ye God kui, yiib durud yewed kandiiwe kibikbed nare ari aron dukmen keraneen kuu yembed yiib yaa demkoronmo ongmene anam andi kangdommoyiib aromkonoyiib kiringmindeban ye anam andiyiib kondaneen.

1 Yoon 3:3

Ye kuu karadmoman kowe, kane kanembed ye areb keranuub andi ye inamen awinaniib kuu yi kangkon yikareb yi niindem aom arene karadmo keraniib.

Korokboon 3:7

“Weng kee anam andiwendan Filadelfia aom doriib yi engyu yaa yedme kowandamaan kowe wongke. “Karadmo anam ye karub, Dewid ye kiiyiib awinoon ye karub, ambongko nandaneen kuu karub maambed ma kebenaanban ye karub, angkon kebenaneen kuu karub maambed ma nandaanban ye karub kuu ne kei. Ne weng kuu kei.

Korokboon 4:8

Dingkan kaningiib yi korem mimim kuu buraab benmeyiib kumbed yi id korem yaa kuu indowiibmo awanewandoon, kwane yi buraab dabderem aom korem kwangkon indowiibmo. Kwane awingyawiib amnoomiib korondiyiibban yedmimaib, “Aromkonomo Ye Yariman God kuu karadmo, karadmo, karadmo, ye kuu anuk doboroon, kibik doreen, ari dobaraneen.” ande kamembirimaib.

Korokboon 6:10

Kwane, yimbed naawonmo baande kaamoniwen, “Yariman Ambengkan God karadmo anam, eb kuu aron komoyiib kerekorewed okad yiri ye nimakarubbed nub yiiwe duknuwen ye dowad wengyundeneb kakman kondaneeb?” andiwen.