1 Korindan 9:27 - Yomgkom

²⁷ Ne kuu korondaine ne id kuu yebne aromni dowad wowimaiwe, ongmaine ne inamen ye dabderem yiri dobere kuye dememo awinembiri yeman kerimaan. Kowe, weng amun dakmenabe dowan kerako, ne yaa Godbed arewa kamewen kowe trofi kuu kabdainban andaan andid.

1 Korindan 9:27 ပူးပေါင်းရင်းမြစ်များ

Yook 50:16

Kumban arewa kamidan yaa kuu Godbed kamune yedmoon, “Yiibbed ne amob ben yena yaa daandaniib kuu yimin dee? Dowan! Kwane ne amob weng kuu yiib mongkodkonombed dakmaniib kuu yimin dee? Dowan!

Yesu Ye Weng Amun Lukbed Wongkoon 18:5

Kumban wonong irib kee ne yaa korem eekmuunmo kowe, wedmendeni yu yaa anam weng kuu konda. Kwanainban kuu kwane eekmembaranuune ne kuu yiminban keraniin kii.’ andekore kwanoon.” andoon.

Yesu Ye Weng Amun Lukbed Wongkoon 9:25

Karub kuu nimakarub korem yaa burudande dore okad kumundin kiri kee korem yeka kande korok keraneen, kumban amaan ye kingkin kuu kumbaanban yamotbon yaa kankoraraneen kuu amun dee?

Romdan 8:13

Amborom kuu yiib kuu id ye dowaken ye kerekmen yaambed dobaraniib kuu yiib bobnaniib kowe. Kumban yiib kuu Kingkin Karadmo yaambed id ye dowaken ye abdon kami kuu aye bob kowimamaniib kuu yiib kuu wad dobaraniib.

1 Korindan 8:13

Kwani kowe, nembed animan komo aniinkob ne kuristen angkodmi kuu ambarakmi aom komboroon keraneen kuu angkon ika kuye animan anainban. Anainban kumbed ye kuu dedmonenaine kombaraanban.

1 Korindan 9:25

Karub korem iningkuk yaambed burudandande kamimaib kuu iningkuk kedmengkandi yaamo dobirimaib. Kwamimaib kuu aron dukmenmo angkimbaraneen ye trofi kandi ye dowad, kumban nubbed kwanimaub kuu aron korem angkimbaraneen ye trofi kandi ye dowad.

2 Korindan 11:27

Ne kuu deme yobdood awineni nimin darewoob andeni amnoom yemoon unuk angkinban kerimain. Ne kuu mungimo bobneni ok moommo kandeni aron yemoon animaniibban dobirimain. Ne kuu yurukmo kandeni ebkadiibban dobirimain.

Kolosedan 3:5

Kwana kowe, yiib id ye dowaken ye inamen korem kuu ben kirarundime, nenem kami ye inameniib anon dowomkim yaa doberemoon areb ye inameniib nenem kami ye moomiib meeni dowaken miin arewayiib yiribman yemoon bi ye inameniib kui. Yiribman yemoon bi ye inamen kuu God kankubune yiribman kankooni ye inamen.

2 Timoti 2:22

Kumban, kewed o koyu yaambed id ye dowaken arewa kuyaa kuu angkurom korokbene kombiri wene. Kuned, niindem aom karadmo keriwen yaambed Yariman yaa baandimaibdan kuu ebbed dabokneneb, kami yorokmoyiib anam andiyiib mimyob dowaken keendiyiib yewenubmo dobiriyiib kuye inamen darewoob kere.

1 Pita 2:11

Nangkodmia, okad yiri kuu yiiwambibkin anamban, okad yiridan yaa yiib kuu noroddan kowe, yiib yaa ongkande yedmaan kuu yiib id ye inamen kamaib. Inamen kee yiib kingkin yaa nangmene bon keroon.

2 Pita 2:15

Kwane, yi kuu kiwaan yorokmo korondekorib, awanewande ambarakme od kakman bi yaa dowaken keroonman Beo ye mingki Balaam ye kiwaan ari dewiniwen.