1 Korindan 6:19 - Yomgkom

¹⁹ Yiib kuu Kingkin Karadmo kuu God yaambed kandiiwe yiib niindem aom doboroone yiib id kuu ye karadmo dobirimbon keroon kuu yiibkaadbankowoo? Yiib kuu yiibkareb yemanban,

1 Korindan 6:19 ပူးပေါင်းရင်းမြစ်များ

Yook 100:3

Yariman kuu God ande yiibkaadkerunime, nub ongmenaboonman kuu yembedmo, kwane nub kuu yeman. Nub kuu ye karuwa nimaya, nub kuu sibi areb ye bangkandimbon aom doruub.

Yook 12:4

“Nubkareb aromne dakmenabanuub kumbed yena yaa burudandande yi korok keranuub. Nub komo dakmandamuub kuu kumbedmo, karub maambed kebendaanban.” ande dakmimaib kuu Yarimanbed kebenendok.

Yoon 2:21

Kumban kurikuri boyambib darewoob Yesumbed meene dakmeen kuu yeka ye id ande dakmeen.

Romdan 8:9

Kumban yiib kuyiib kuu id ye dowaken yaambed dorokban, kuyiib kuu Kingkin ye dowaken yaambed doriib, God ye Kingkinbed yiib aom doreen kowe. Kumban, kane ye kuu Keresu ye Kingkiniib ye aom dorokban kuu ye kuu Keresu yemanban.

1 Korindan 3:16

Yiib yiibkaadbankowoo, yiib korem kuu God ye kurikuri boyambib darewoob kowe, God ye Kingkin kuu kuyaom doreen kii!

1 Korindan 6:13

Animan kuu kabeyob yeman, angkon kabeyob kuu animan yeman. Kumban Godbed yi ayoob kuu monmaraneen. Nub id kuu nenem kami yemanban, Yariman Yesu ye deme awini yeman, angkon Yariman Yesu kuu nub id yaa awande ooni yeman.

1 Korindan 6:3

Nubbed engyusiib okad kiri ye awadiib kuu wengyundandanuub kuu yiibkaadbankowoo? Kwananuub kowe, okad kiri doruub yaron aombed wengbiri o komo komo kangdod kerundi yeman kuyaa yiminmo wengyundandanuub kuda.

2 Korindan 5:15

Kwane, Yesu nimakarub korem yi dowad bobnoon, wad doriibdan kuu yika yi dowad dobaraib, yi dowad kuu bobnoone Godbed nenkoonoonman ye dowad yaambed dobirime anded.

2 Korindan 6:16

Kwane, God ye kurikuri boyambib darewoobdan yoom dudi god yoom amob weng ongmiwenoo? Dowan! Kedi, wad doreen ye God ye kurikuri boyambib darewoob kuu nub kei. Kuye dowad Godbed Ye Weng aombed yedmoon, “Ne kuu yi yoom dobereni yi yoom ibonmo dewenebaniin. Kwane, ne kuu yi God keraniine, yi kuu ne karuwa nimaya keraniib.” andoon.

Taitus 2:14

Ye kuu yekareb nub dowad kondoon, arewa korem yaa nub bidde bindanded, ye nimaya karuwa kerubko karadmo ongmendoko nindorokiibbed amunmo kamime anded.

Yems 4:5

Kwane, God Ye Weng Karadmo aombed yedmoon kuu “Kingkin Karadmo nub niindem aom Godbed kowaana dobirimaan kuu ye dowakeniibban awad o kingkin maayiib mene nub niindem aom dobiri kuu yiminban, norin wandi yeman.” andoon kuu yiibbed meeniwen kuu idiibbanoo? Yii, idiib.

1 Pita 2:5

yiib kangkon wad doreen ye bot areb keriiwe, Godbed bene kingkin kerekmen ye ambib yenbeena God dore nimakarub dore wedyiri dobiridan karadmo keriib. Kowe, Yesu Keresu yaambed yiib kuu God yaa munob koni yeman bangkandimaib areb yiibka ye yaa kingkin kerekmen yaambed konimaiwe, yembed kuboon.