1 Korindan 4:9 - Yomgkom

⁹ Nembed meenaan kuu apasodan nub kuu ana nangme dorindodan kuu ana nangme doriwendanbed be nong yendare be wene damangkandi dowad kambong kambong kidangkambed dewanaiwe aningkoyiibbandan yirimo ye yumbon kondemoon areb keruwen. Kwane, nub kuu ambarakmidan kuu kakerebiri ari nongkobiiwe Romdan yi iningkuk kamiwed wedmi yeman arud dingkanbed o karubbed yeene nongkobemoon areb keruwen. Kwane, nub kuu ongmenaboon ye kumkam korem yi kerebiri arimbed karak konde wedmi yeman keruwen, engyusiib nimakaruwiib yi kerebiri arimbed kui.

1 Korindan 4:9 ပူးပေါင်းရင်းမြစ်များ

Yook 44:22

Kuned eb dowadbed amkimombed wene amnoom kuu bobni yaa wedmimaub, kwane nub kuu sibi areb ogoodmo yenbandi kuu yimin andimaib.

Yook 71:7

Yemoon yi indob arimbed ne kuu dud korokbi yeman areb keraan, kumban eb kuu ne dowad kukbimbon aromkonoyiib kerewen.

Kwamiwen 19:29

Kwane, kirodmo siti kumundin kumaom kuu norin wande komkane yirinde baande kamiwen. Kwane, Masedonia karub ayoob Pool yoom yariibdan yaningko Gaiyus yoom Aristaakus yoom kuu kakumundinbed awingkanib kirodmo benwene iningkuk ambib darewoob aom aomniwen.

Kwamiwen 19:31

Kwane, Pool ye angkodmi Esia yi ambibkin korok korok yenambed kangkon kuyaa wanaab andi ye weng yuk kowe nangkaniwen.

Romdan 8:36

Nub kuu God Ye Weng aombed wongkoon keyareb kei, “God, eb dowadbed nub kuu bobni ye arud aom aron korem kirimonimaub, nub kuu sibi yenbandimaib aom winimaib areb kamendimaib.” andoon.

1 Korindan 15:19

Kwane, nub kuu Ewen ari dobaraubban ande okad kiri dobiri ye dowadmo Keresu kuu anam nub yaa awandaneen ande meenanuub kuu, nub kuu ambokda yoo andi yeman keranuub, yena korem arebban.

2 Korindan 11:23

(Warudki yaambed ke dakmandamaan kei.) Yi kuu Keresu ye demedanoo? Nembed Keresu ye deme arimbed awini ye karub andaan. Ne kuu deme darewoobmo awinaan, yi arebban. Ne kuu nen wii aom kambere yemoon keriwen, yi arebban. Ne kuu nong yikyikiibbed nenbande yemoon keriwen, kimingkinban kii. Ne kuu bobnok ande nenbande yemoon keriwen, bobne yeedere bobne yeedere kamaan kii.

2 Korindan 6:9

Kwane, nub kuu yenambed aningkoyiibbandan andaiwa yenambed aningkodan andimaib. Kwane, nub kuu yenambed yowori yeman andiwen kumban wad doruub. Kwane, nub kuu atdebokbed yenbandiwen kumban yenbande nongkobindo.

1 Tesalonaikadan 3:3

Yiib yaa kwanoon ye dowad kuu dabab menebaneen kuu kombaraib anded. Yiibkaadkeriwen kuu yiiwiib nuwiib yaa dabab menebaneen.

Hibrudan 1:14

Engyu korem kuu awandi ye awad Godbed ben nongkobekore, bobni yaa burudande bindaneene yumbon kandaniibdan yaa awandime ande yedmoon dee? Anamaa.

Hibrudan 10:33

Aron yena kuu yiib kuu dian angkambed damangkandenib yenbandimaib, aron yena kuu yiib kuu nimakarub yena yiiwareb damangkande yenbandiwendan yaa koromoni dowad angkara dore angkara dore kamimaib.

Hibrudan 11:36

Anam andiwendan yena kuu emengkane damangke nong yikyikiibbed yenbandiiwe, yena kuu seinbed yerengkanabe ben wii aom kambiriwen.