1 Korindan 4:4 - Yomgkom

⁴ Ne inamen awini ye kiwaan kuu yorokmo, ma aadikmiyiibban, kumban kwamune keraan kuu God ye indob arimbed ambarakmiyiibban keri yemanban. Anam kuu wengyundawi ye karub kuu Yariman Yesu kii.

1 Korindan 4:4 ပူးပေါင်းရင်းမြစ်များ

Yook 130:3

O Yariman, eb kuu kekamune ambarakmi ye yuun awinaneeb keraneen kuu, o Yariman, kanembed ma wad doraanban keraneen kii.

Yook 143:2

Eb dememan ne kuu wengyundi dowad nen wanaab, amborom kuu eb arinambo ari kuu karub maa ma yorokmo dobirindo kowe.

Yook 19:12

Kanembed yeka ye ambarakmi kuu wedmenaneen? Dowan. Nekaadkerunindo ye ambarakmi kuu ebbed are nonondande.

Yook 26:12

Ne yon yiri kuu okad dabonmo arimbed doriin, kwane kadaareb nedbaniib aom kuu Yariman yaningko kankoonaniin.

Yook 50:6

Kwane Ewen kuu ye yorokmo kerekmen kan dakme baandimaun, amborom kuu God yekareb kangdod kerundi ye karub keroon kowe. Selah

Yoon 21:17

Kwane Yesumbed ayoobmim kaamonoon, “Saimon, Yoon ye mingki, mimyob dowaken keewimaawoo?” andoon. Pita kuu kubiyiibban keroon, amborom kuu Yesumbed “Mimyob dowaken keewimaawoo?” ande kaamobene ayoobmim keroon kowe. Kwane, Pitambed yedmoon, “Yariman, komo komo korem eb ebkaadmo. Eb ebkaad ne kuu eb yaa mimyob dowaken keebdimain kii.” andoon. Kwanandoone, Yesumbed yedmoon, “Ne karuwa nimaya awande aromkono konde.

Kwamiwen 23:1

Kwane, Pool kuu Sanidirindan yaa wedmendene yedmoon, “Ne karuwa! Wedmaan, andowaan ye aronbed mene kibikee, Godbed komo kawoon kuu amunmo awinaan.” andoon.

Romdan 2:13

Kedi, amob no wengambiriwendan kuu God ye kerekmen yaambed yorokmo kerindo, amob wengambere awine kandiwendan kuu God ye kerekmen yaambed yorokmodan kii ande daandaneen.

Romdan 4:2

Kedi, Abraham kuu komo ambangkoon kumbed Godbed yorokmo kerunoon karen, kuye dowad kerengkan dakmi kuu yimin keroon karen, kumban God ye arinambo arimbedban.

1 Korindan 4:3

Yiibbed o okad kiri ye kangdod aombed wengyundi dowad andangkawaniib kuu ne meeni embeng mana keraan. Anamaa, nekareb nemeren kuu wengyundi dowad andangkimokban.

1 Korindan 4:5

Kwani kowe, aron kinoon arimban kumbed wengyundaib, korondibko Yariman monoka. Yembed kumun aom komo bikdereboon kuu nambiri yaa benmenene, nimakarub yi inamen ye id yi niindem aom kuu be dian keraneen. Kuyaron ari keranuun kuu nimakarub mimim komo komo kamiwen kumbed Godbed yi aningko benkoobaneen.

2 Korindan 1:12

Kwane, nubbed kerengkande dakmuub kuu kei, nub komo kamuwen ye kiwaan korokbendoon kuu, okad kiri doburuweniib yiib yoom doburuweniib kuu inamen karadmoyiib aadidmiyiibban ye inameniib God yaambed meneboon kumbed ambangke doburuwen, anamaa, yiib yoom doburuwen kuu kwamunemo kuda. Kwanuwen kuu okad kiri ye meeni kangdom ye kerekmen yaambedban, Godbed kabamoon kondoon ye mimyob dowaken ye kerekmen yaambed kui.

2 Korindan 5:10

Amborom kuu nub korem kuu Keresu ye wengyundimbon yaa dobaranuub kumbed, nub mimim kuu okad kirimbed idiib doburuwen yaron aombed amun o arewa komo komo ambangkuwen kuye kakman kuu ibmo banuub kii.