1 Korindan 4:12 - Yomgkom

¹² Nubka nub dingkimbed deme yobdood awinimaub. Kwane, nub yaa butun kamendimaib kuu, ikakman amun kerundimaub. Kwane, nub kuu durud konde yenbandimaib kuu, kwane ma korondiyiibban kangdommo dobirimaub.

1 Korindan 4:12 ပူးပေါင်းရင်းမြစ်များ

Matyu 5:11

“Yiib kuu ne deme nimakarub kowe, ne dowad karub yenambed yiib yaa amkidbandenib yewed konde yenbandenib kwane dudi weng wiribenib kamaniib kuu Godbed amun kerundaneen.

Matyu 5:44

“Kumban nembed yiib yaa ke yedmendaan kei, yiib bondan yaa mimyob dowaken keendenib yiib yaa yewed konde yenbandiibdan yaa kwangkon kurikuriyiib kamime.

Yesu Ye Weng Amun Lukbed Wongkoon 23:34

Kwaniiwe, Yesumbed yedmoon, “Ambe, yimbed kwamiib yaa are nonondandunde, yimbed kwamiib kuu yikaadban kowe.” andoon. Kwane, yebkad kuu ana nangmidanbed nekwenib, bot yaa yi aningkoyiib wongkiwen kuu kirare ebkad mimo karub mimombed kandimo kamiwen.

Yesu Ye Weng Amun Lukbed Wongkoon 6:28

Yiib yaa weng arewa ye woonbi weng dakmiibdan yaa amun kerundok ande yedmime. Yiib yaa yewed kondimaibdan yaa kurikuri kerundime.

Yoon 15:20

Nembed komo weng yiib yaa dakmendaan kuu ika meenime. Weng kukei, ‘Dabderem yiri dobere no deme awinembiridan kuu yi yariman yaa ma burudandindo, yi korem kuu yirimo.’ andaan. Kwane, okad yiridan kuu ne yaa durud yewed kowiwen kowe, yiib yaa kwangkon durud yewed kondaniib. Yi kuu ne kedmengkandi kuu awine kandiwen karen, yiib kedmengkandi kwangkon awine kandaniib karen.

Kwamiwen 18:3

yi yoom parai kombon deme awine doboroon, amborom kuu deme kee ye kwangkon yekaad kowe.

Kwamiwen 20:34

Yiib yiibkaadkeriwen kui, ne yoom karub ne yaa awawe yariib yoom kuu neka ne dingkimbed deme awinaan kuyaambed yiminmo be doburuwen.

Kwamiwen 7:60

kwane yiri kombere dangbo darene naawon baande yedmoon, “Yariman! Yi ambarakmi kee kuu are nonondandunde!” ande kwane bobnoon.

Romdan 12:14

Yiib yaa durud yewed konde yenbandidan yaa amun kerundime. Yi yaa weng arewambed ambemonde arewa kerundaib, kwane amun kerundime.

Romdan 12:20

Kuned kuu God Ye Weng aombed kekamune yedme wongkoon, “Eb bonman kuu mungi keroka, animan konebko anok. Kwane, ok moom bobnoka ok konebko anok. Kwananeeb kuu amoyidkob ye korok ari nongkobaneeb.” andoon kowe, yiib kuu kwamime.

Romdan 8:35

Kanembed Keresu ye mimyob dowaken yaa kuu nub bendune andokbaneen? Dababbed dee, yobdoodbed dee, yenbande durud kondimbed dee, mungimbed dee, yiribmaniibbanbed dee, arud ye barangbed dee, aye kowidanbed dee? Dowan kii!

1 Korindan 9:6

Kumban, ne yoom Baanabas yoom yaamo Yarimanbed dewene weng amun dakmibka yiibka ane dobiri ye kerekmen kuu ambangkime ande yedme kowoon dee? Dowan, kwane daandindo nub yaa. Nub dowaken yaambed nubka ane dobiri ye kerekmen ambangkuwen.

2 Korindan 11:8

Kwane, kambong maa maa aombed nedbe kurikuri kamimaibdan kubiyiibbed od bangkawe awawimaib kumban, yiib ne yaa ma kwamunindo. Kwanaan kuu yiib awandi yeman. Kowe, nembed yi yaa yid baanoo? Dowan.

Efesusdan 4:28

Karub kanembed yid bi ye karub keroon keroka, yid bi yaa kuu korondekore deme ambangkok. Yekareb ye dingkimbed deme ambangkaneen kumbed kamboknondan yaa kuu awandaneen.

1 Tesalonaikadan 2:9

Angkodmia, anamaa, yiibkaadkeriwen kuu aron doboob yobdood ambangkuwen. Nub dobiri dowad amnoomiib awingyawiib od deme ambangkuwen kuu, yiib yaa ma kondime andi ye wengiibban kumbed yiib yaa God ye weng amun dakmenub yiib yoom doburuwen.

2 Tesalonaikadan 3:8

karub yena yi animan kuu odiib kowimokban kere animokban. Mamaa keruwen ee, nubkareb awingyawiib amnoomiib od deme yobdood ambangkuwen kuu yiib yaa dabab kondaub anduwed.

1 Timoti 4:10

Nub kuu anam kwananeen anduwen kuu, wad doreen ye Godbed nimakarub korem yi dowad bobni yaa burudande bindi ye kiwaan ongmene ye yaa anam andiwendan kuu bindoon. Kowe, kuye dowadbed arewa menebimaan yaa kuu ninabe deme yobdoodiib awinimaub.

1 Pita 2:23

Ye yaa nongdomatom ande yedmiwen kuu ye kuu neman kwamune inandindo. Ye yaa durud yewed koniwen kuu yiib yaniin andi ye weng inandindo. Ye inamen maa keroon kuu yorokmo wengyundi ye God ye dingki ari yeka kan konoon.

1 Pita 3:14

Kumban yiib kuu kwamune inamen yorokmo kamaniiwe yenbandaneene durud yewed kandaniib kuu Godbed amun kerundaneen. God Ye Weng aombed yedmoon kuu, “Yi komo komo yaa unimaib kuu yiib kuyaa unaib, binangke unembaraib.” andoon.

1 Pita 3:9

Karub kanembed yiib yaa arewa kamaneen kuu neman kwamune inandaib. Angkon yiib yaa nongdomatom ande yedmaneen kuu neman kwamune inandaib. Yiib yaa kwamune kamoka ye yaa neman God yaningko yaambed amun kerunime, amborom kuu Godbed yiib yaa kwamune kamime ande kinoon kowe. Yiib kwananiib kuu yiib yaa God yaningko yaambed amun kerundaneen.

1 Pita 4:19

Kwanikob, God ye dowaken yaambed durud yewed kandiwendan kuu, ma korondiyiibban ye Ambengkan God ye dingki ari yiibka konenib, amun amun kamembirime, korondaib.

Kerek Judbed Wongkoon 1:9

Kumban engyus yi korok Maikombed kwanindo, ye yoom Seten yoom Moses ye id kanwini dowad wengbiriwen kuu, Maikombed ma damangke dabab weng kowindo, no yedmoon, “Yarimanbed eb yaa weng kamkono ongkabdok.” andunoon.