1 Korindan 4:10 - Yomgkom

¹⁰ Nub yaa kuu Keresu ye dowad yenambed yiib kuu inameniibbandan andimaib, kumban Korindan, yiib kuu Keresu yaa meeni kangdom keriwenkowoo? Nub kuu yena yi indob arimbed wuud keruwen kumban yiib kuu aromkonomo doriibkowoo? Nub kuu yena yi indob arimbed aningkoyiibbandan keruwen kumban yiib kuu aningkoyiibdan keriwenkowoo?

1 Korindan 4:10 ပူးပေါင်းရင်းမြစ်များ

Matyu 24:9

“Kwamune keraneen ye aron aombed, yiib kuu ben karub yena yi dingki ari nongkobaniiwa, yiib yena yaa kuu dabab kondaniiwe, yiib yena kuu yenib nongkobaniiwe kamaniib kii. Kwane, okad yiridan korem kuu yiib yaa arud darewoob wandaniib, amborom kuu yiib kuu ne yoman miniwen kowe.

Matyu 5:11

“Yiib kuu ne deme nimakarub kowe, ne dowad karub yenambed yiib yaa amkidbandenib yewed konde yenbandenib kwane dudi weng wiribenib kamaniib kuu Godbed amun kerundaneen.

Yesu Ye Weng Amun Lukbed Wongkoon 10:16

Andekore, Yesumbed ye kedmengkandeendan yaa yedmoon, “Yiib kuu ne karub kowe, kanembed yiib weng yaa wengambaraneen kuu ne weng yaa wengambaraneen. Kanembed yiib weng yaa wengamberedandaneen kuu ne weng yaa wengamberedandaneen. Kwananeen kuu yembed yedmoona manaan ye God ye weng yaa kangkon wengamberedandunaneen kii.” andoone, karub 72yiib wenebiwen.

Yesu Ye Weng Amun Lukbed Wongkoon 18:9

Kwane, karub yena kuu yimbedmo yorokmodan ande meenimaib kowe, karub korem yena yaa kuu kubuniibbandan ande meenimaib. Kwane, Yesumbed kuruweng kee yi yaa daandoon,

Yesu Ye Weng Amun Lukbed Wongkoon 6:22

Karub Ye Mingki kuu kankubuni ye dowad karub yenambed yiib yaa arud wandenib, yiib yaa yi angkurom korokbendenib damangkanenib, yiib yaa arewadan andaniib kuu, Godbed yiib yaa amun kerundaneen.

Kwamiwen 17:18

Kwane, Epikurien inamen kedmengkandidan yoom Stoik inamen kedmengkandidan yoombed Pool yaa andowe wengbereniwen. Kwane yenambed kaamobiwen, “Karub kee onbed at yob kuu been been kamimaun areb kee kameen kee komo dakmandameen kii!” andiwen. Kumban yenambed yedmiwen, “Kwane ambibkin maa yi god ye weng kee dakmeen.” andiwen. Kee kwane dakmiwen, amborom kuu Pool kuu Yesu ye weng amuniib bobniwendan kuu ika dembaniib andi ye weng dakmeen kowe.

Kwamiwen 17:32

Kwane, bobniwen yirimbed kuu ika dembaniib andi ye weng kuu yi wengamberekorib, ningkirud kameniwen. Kumban yenambed yedmiwen, “Nub dowaken weng kuu aron maa ika dakmebko wengamberem.” andiwen.

Kwamiwen 26:24

Kwane kuyaambed Festusbed Pool ye weng ombedandene emendene yedmoon, “Warudki weng ai! Pool, eb kaadkeri darewoob kumbed nen warudki kerubdoon kii!” andoon.

Kwamiwen 9:16

Ne dowad durud yewed dabab kandaneen kuu nekareb korokbenaniin.” andoon.

1 Korindan 1:21

Kedi, God ye meeni kangdom aom kuu okad yiridan kuu yi meeni kangdom yaambed ye yaa yikaadkerunindo. Kowe, weng amun daandoone anam andiwendan kuu bobni yaa burudande bindi ye weng kuu okad yiridanbed weng inameniibban ande meeniwen kumbed Godbed kuboon.

1 Korindan 1:23

Kumban nub kuu Yuudan o Gurikdan yi dowaken yaambedban God ye dowaken yaambed Keresu at ming arimbed ayiiwe bobnoon ye weng daandimaub. Kuye weng kuu Yuudanbed kuu yiminban andimaiwe yi dowad komborok andi yeman areb keroon. Kwane, kuye weng kuu Gurikdanbed kuu weng inameniibban andimaib.

1 Korindan 1:25

Amborom kuu God ye meeni kuu yenambed inameniibban andimaib kuu nimakarub yi meeni kangdom yaa kuu burudande arimbed keroon. Kwane, God ye aromkono kuu yenambed aromkonoyiibban dowan andimaib kuu nimakarub yi aromkono yaa kuu burudande arimbed keroon.

1 Korindan 10:12

Kwani kowe, eb kuu kangdom doriin ande meenebka, ebka ambarakmi yaambed kombarain ii ande korobe kaadkere!

1 Korindan 2:14

Kumban okad yirimo ye karub kuu God ye Kingkin yaambed inamen menebeen kuu anam andaanban, amborom kuu kuye inamen kuu kingkin kerekmen yaambed kaadkeri yeman kowe, kuyaa kuu kaadkerindeban kerene kuu inameniibban andaneen.

1 Korindan 2:3

Kwane, ne kuu aromkonoyiibban kere uniyiib kiringmiyiibbed yiib yaa manaan.

1 Korindan 3:18

Yiibkareb yiibmeren biranaib. Yiib kuyaa kanembed ye kuu okad kiri ye dobiri kerekmen yaambed ye kuu meeni kangdom ye karub ande meenoka, wabkaddanbed ye yaa inameniibbanman andi dowad God ye inameniib kerok. Kwananeen kumbed God ye kedmengkandi kaadkerene God ye meeni kangdomman keraneen.

1 Korindan 3:2

Yiib kuu animan kamkonomban muk ambodbed kondemoon areb kedmengkandaan, amborom kuu yiib kuu kuye kedmengkandi kamkono dowad ma nekwindo kowe. Anamaa, kibik kangkon yiib kuu mokaid ma nekwindo.

1 Korindan 4:8

Yiib korem kuu yiminmo keriwenkowoo? Yiib korem kuu yiribman yewudmo keriwenkowoo? Nub yaa domondenib yiib korem yiibkareb kuu king keriwenkowoo? Nembed meenaan kuu yiibkareb kuu anam king keriwen, amborom kuu yiib kwaniwen karen nub kangkon yiib yoom ibmo king keruwen karen.

2 Korindan 10:10

Kedi, nimakarub yenambed dakmimaib kuu “Pool ye kerek kuu weng id darewoowiib arudkonoyiib wongkanaboon kumban, ye kuu kwane nub yoom dobirimaan kuu emamo arudkonoyiibban, ye weng dakmi kwangkon ambodiibban dowan.” andimaib.

2 Korindan 11:19

Yiib yiibkareb aromne yena korem yaa burudande meeni kangdom keriwenkowoo? Yiib kuu kwane meeniib kumbed yiibka yiibmeren birandiib kowe, warudki ye karub maa yaa kubimbed wengambaraniib kuu yimin.

2 Korindan 11:29

Kanembed wuud keraneen kuu ne kuu ye areb ibmo keraniin. Kane kuu nen kinban wananiiwe ambarakmaneen kuu mimyob keeneni ambarakmi yaa korondi kuu ne kangkon yiminban andaniin.

2 Korindan 13:9

Kwane, nub kuu wuud keruuwe yiib kuu aromkonoyiib keraniib kuu kubanuub kii. Kwane, nub kurikuri kamuub kuu yiib kuu yiminmo kerundok anduwed.

2 Korindan 4:12

Kwana kowe, bobni ye barang kuu nub kumaom meneboon kumbed wadkeri kuu yiib kumaom monoon.

2 Korindan 6:8

Kwane, nub kuu yenambed karub amun ande benkoobaiwa yenambed karub arewa ande benkubunimaib kumbed doruub. Kwane, nub dowad yenambed dudanabidan andaiwa yenambed yorokmodan andimaib kumbed doruub. Kwane, nub kuu ma aadikmiyiibban doruub kumban yenambed nub dowad aadikmidan andimaib.

1 Tesalonaikadan 4:8

Kwane kowe, karub kanembed kuye weng wunekaraneen kuu, karub yaamban, ye Kingkin Karadmo yiib yaa kondoon ye God yaa wunekaraneen kii.

1 Pita 4:14

Yesu yaa kongeniwen kumbed yiib yaa weng arewambed damangkandaniib kuu Godbed yiib yaa amun kerundoon, amborom kuu God ye Kingkin nambiriyiib yiib yaa ibnendoon kowe.