1 Korindan 3:12 - Yomgkom

¹² Karub kanembed dodkono karimbed bot goldbed o bot silvaambed o od darewoob ye botbed o atbed o kereekbed o aroob konokabbed yenbaneen kuu,

1 Korindan 3:12 ပူးပေါင်းရင်းမြစ်များ

Yook 119:72

Eb mongkodkonombed dakmewen yamob kuu miin manimanandeb andaan, od gold tausen yemooniib od silvaa tausen yemooniib arebban. Yod

Yook 19:10

Ye amob yaa kuu bobne kombiri yeman, bod gold arebban, bod gold yankorenmo yemoon yaa kangkon burudandiwen. Ye amob kuu ambod miin amuniib, in ok ambod arebban, in ok ambodmo yaa burudandiwen.

Kwamiwen 20:30

Angkon yiib yoom dabokniwen kumaom kuu yika yaro dembenib anam andiwendan yena kuu birande dudanabi weng daande ben angkananiib kii.

Romdan 16:17

Angkodmia, nangkande yedmaan kuu kei, kane kane yi kuu wengbere yiib ben andokbenib anam andi kiwaan kebeni yeman nongkobimaibdan yaa kuu kaadkerunde wangdandundime. Yi kedmengkandi kuu nubbed yiib yaa kedmengkanduuwe awine kandiwen ye inamen arebban, kuye inamen yaa bon keri yeman. Kowe, yi yaa daboknaib, yeka yeka kerime.

1 Korindan 3:11

Karub maa kanembed dodkono manoon yiri kuu mamaa kanmene manaanban, manoon kuu Yesu Keresu kui.

1 Korindan 3:13

ye deme kuu dianmo korokbaneen, amborom kuu Keresu yaron arimbed ye deme kuu kanmene nambiri ari korokbaneen kowe. Kwane, amotbed nimakarub mimim yi deme amun komarewa kuu nengke komboon darobe korokbaneen.

2 Korindan 2:17

Amborom kuu od embeng yeman bekore wene ari kankoone od darewoobbed kowe berengki ye inamen areb kuu, karub yena yemoonbed God ye weng yaambed od bem ande kanyare dakmimaib kowe. Kumban nub kuu kwamunemban, nub kuu Godbed ben nongkoboondan areb Keresu yaambed God ye arinambo arimbed ma aadikmiyiibban kumbed nimakarub yaa dakmimaub kii.

2 Korindan 4:2

Kuned kuu, nub kuu yemyeb ye demeyiib karak bobni ye demeyiib yaa kuu angkurom korokbenduwen. Kukuu nub kuu birandi ye inameniib God ye weng kan nengkire angkarambed kedmengkandi ye inameniib awinimokban kui. Ma kere, nub kuu God ye weng kuu anammo ande wedangkambed dianmo korokbendimaub kumbed, God ye indob arimbed nimakarub yi niindem aombed nub dowad karub amun ande meenimaib.

Kolosedan 2:8

Kudi wedmime, yenambed okad kiri yi meendobi aombed meneboon ye wengiib dudi idiibban ye wengiib yaambed yiib ben ye dabderem yiri nongkobaib andid. Kuye weng kuu karub ye amowamowiib kingkin yi aningko kankooni ye amowamowiib yaambed menebimaan, Keresu yaambedban.

1 Timoti 6:3

Karub kanembed dudanabi ye kedmengkandi derendarene kanyarenib nub Yariman Yesu Keresu ye weng yorokmoyiib God ye dowaken yaambed dobiri ye kedmengkandiyiib ibmo kerokban keroka,

2 Timoti 2:20

Kuruweng kee, ambib kwaab kuye niindem aom kuu wuune ani ye yiribman maa maa yemoon, goldiib silvaayiibbed ongmiwen ye yiribmanmomban, yena kuu ayiib okadiibbed ongmiwen ye yiribman dangeen. Goldiib silvaayiibbed ongmiwen ye yiribman kuu deme karadmo yeman, ayiib okadiibbed ongmiwen ye yiribman kuu deme arewa yeman.

2 Timoti 3:13

Kwane, arewa kamidan yoom aadikmidan yoom kuu arewa yiri wenenib, yena yaa birandaniiwe neman birandaniib kii.

2 Timoti 3:7

yi yaa kuu kedmengkandembirimaan kumban anam anam ye inamen ma kandindo. Keye nima kee arewamo kamiibdan kee yi yoman winimaib.

2 Timoti 4:3

Kwanandaan amborom kuu nimakarub yemoon kuu ma arewayiibban ye kedmengkandi yaa kuu wunekaraniib yaron mananeen kowe. Yi kuu mamaa kere yika yi dowaken wengambarande dowaken keriwen ye wengmo wengambarandamiib kumbed, weng kwamune arebmo ye kedmengkandi korok korok yemoon kai ben daboknimo kamenib yi weng dakmi yaamo wengambere dobaraniib.

Hibrudan 13:9

Korondaiwe, kedmengkandi norod maa maa yaambed ben angkanaib. Kedi, nub niindem aom kuu Godbed kabamoon kondoon ye mimyob dowaken kumbed aromni kuu amun, amowamob yaambed animan nekwe ani kumbedban, keye yoman winiwendan kuu animan kembed ma awandimokban.

1 Pita 1:7

Kwane meneboon kuu yiib anam andi kuu anam ande korokbi ye dowad. Kwane anam ande awinaniib kuu Yesu Keresu dian keraneen yaron arimbed aningko kankooniyiib nambiriyiib aningko darewoob ariyiib Godbed bangkandaneen. Kedi, yiib anam andi kuu amotbed dene karadmo keroon ye bot gold burudandoon, amborom kuu aron yeenbon arimbed Godbed gold kuu monmaraneen kowe.

Korokboon 2:14

“Kumban ne kuu yiib yaa dowakenban keraan ye weng yedmandamiin. Yiib nimakarub yena kuu Balaambed kedmengkandoon ye yoman yaa winiwen. Kurin kurin kuu Balaambed Balak yaa kedmengkandoone, Balakbed Israeldan yaa dudi god ye kuruwak yaa animan nengke nongkobimaib kuu aniyiib nenem kami karayiib kuu kwane kamime ande dedmobendoone ambangkiwen.

Korokboon 21:18

Kuuk kuu yaspeembed ongmoon, kwane siti kuyaom kuu goldmo ongmoon, ok karadmo yaa dianmo wedmimaub kwamune areb.

Korokboon 3:18

Nembed yiib yaa ke ongkande yedmendaan kee, ne yaambed amotbed dene koroomiibban keroon ye od gold moonime. Kwananiib kumbed biamodiib keraniib. Kwane, ne yaambed ebkad kawanmo moonime. Kwananiib kumbed idmo doriib ye karak kuu kebenaniib. Kwane, ne yaambed indob muramura moone ambime. Kwananiib kumbed indob kuu nandaneene kereknaniib.