1 Korindan 2:6 - Yomgkom

⁶ Kumban, nub kuu kingkin yaambed kainiwendan yaa meeni kangdom weng daandimaub. Kumban kuye weng kuu okad kiri kibik ye meeni kangdom ye wengban o kibik okad kiri korok kere ooniwendan yi wengban. Kuye korok korok kuu dowan keraniib.

1 Korindan 2:6 ပူးပေါင်းရင်းမြစ်များ

Yook 146:4

Yi kingkin doombere wananiib kuu yi id koronde okad keraneen, kwane kuye aronki kwari yi inamen ongmiwen kuu dawangmo keraneen.

Yook 33:10

Okaddan yi inamen nekwimaib kuu Yarimanbed kebenendimaan, kwane yi inamen nekwi kiwaan kuu yembed monmarimaan.

Yook 37:37

Ambarakmiwen kii ande kadwondiyiibban yimo doriibdan yi dobiri yaa kuu ongme meene wedmendime, kwane kangdommo doriibdan yi dobiri yaa andangke meene wedmime. Amborom kuu kane kanembed yewenubmo dobiri ye kiwaan arimbed doriib kuu ari danayayiib awoyayiib keraniib.

Matyu 13:22

“Kwane, nimakarub yena kuu okad yik kawiib ari areb, kane kanembed God Ye Weng wengambiriwen kumban, okad yiri dobiri ye meeni darewoowiib yiribman yemoon baniin kuu nekareb yimin keraniin andi ye dobiriyiib kumbed God Ye Weng dabuknandoon kowe, God Ye Weng kuu idiibban keraneen.

Matyu 19:21

Kwane, Yesumbed inandoon, “Eb dowaken eb inamen aom demkoronmo kerande kamebka, wene eb yiribman korem kuu ben ari berengke od bekorewa, od kuu kamboknondan yaa bangkandekoreb, eb kakman kuu Ewen aombed angkimbaraneen. Kwananeeb ye yoman ari kuu ne yoman mene.” andoon.

Matyu 5:48

“Kwani kowe, yiib Ambe Ewen ari doreen ye God kuu demkoronmo, kwamune areb kuu yiib kuu demkoronmo dobirime.” andoon.

Yesu Ye Weng Amun Lukbed Wongkoon 16:8

“Kwanoone, ye korokbed aadidmi ye karub yaa kubenoon, amborom kuu inamen bangbangiib kwane ambangkoon kowe. Eyokee, okad yiri ye nimakarub kuu yikanmo yaa inamen bangbang darewoob keriwen, anam andiwendan arebban.

1 Korindan 1:28

Yembed okad kiri aningkoyiibbandan yoom akmendandiwendan yoom karubban andiwendan yoom kuu kingkoone anam andiwen kuu okad kirimo ari keriwendan benkubuni dowad.

1 Korindan 12:8

Kedi, karub mim kuu Kingkin kumbed meeni kangdom ye weng konaane dakmaane, kwane maa kuu Kingkin mimo kumbed kaadkeri inamen weng konaane dakmaane,

1 Korindan 14:20

Angkodmia, dana yi inamen areb kuu korondime. Arewa yaa bongwanaib, kuyaa kuu dana embeng areb kere nonoon areb kerime. Kumban yiib inamen aom kuu amnime.

1 Korindan 2:1

Angkodmia, ne kuu yiib yaa mene God ye weng yedme korokbi dowad dakmaan kuu, weng idiib o meeni kangdom arimbediib daandindo.

1 Korindan 2:13

Kwanikob, kuye weng kuu dakmuub kii, karub yi meeni kangdom yaambed meneboon ye wengban, Kingkin Karadmombed kedmengkandoon ye weng, kingkin ye kerekmen wengbed kingkin ye kerekmen anam anamiib kuu kwane ambemonduub.

1 Korindan 2:8

Kuye weng kuu okad kiri korok kere ooni ye karub kanembed ma id kandindo, amborom kuu id kandiwen karen Yariman nambiriyiib kuu at ming ari aye kinindo karen.

1 Korindan 3:1

Angkodmia, ne kuu Kingkin Karadmo kerekmen yaambed kainiwendan yaa areb yiib yaa daandindeban, okad yiridan areb daandimain, yiib kuu Keresu yaambed no dana mana areb keriwendan kumbed kwane daandimain.

2 Korindan 1:12

Kwane, nubbed kerengkande dakmuub kuu kei, nub komo kamuwen ye kiwaan korokbendoon kuu, okad kiri doburuweniib yiib yoom doburuweniib kuu inamen karadmoyiib aadidmiyiibban ye inameniib God yaambed meneboon kumbed ambangke doburuwen, anamaa, yiib yoom doburuwen kuu kwamunemo kuda. Kwanuwen kuu okad kiri ye meeni kangdom ye kerekmen yaambedban, Godbed kabamoon kondoon ye mimyob dowaken ye kerekmen yaambed kui.

2 Korindan 13:11

Angkodmia, yeenbon weng kuu kei. Kubime. Demkoronmo kerundoka kwamunemo doberembirime. Ne ongkandi weng awine kandime. Inamen mimo kerime. Yewenubmo dobirime. Kwamibka, mimyob dowaken keendiyiib yewenubmo kerundiyiib ye God kuu yiib yoom doborok.

2 Korindan 4:3

Kowe, weng amun kedmengkanduub kuu dianbonmo kerindo keraneen kuu, monmaraneene duknaniibdan kuu yi yaamo kwane keraneen.

2 Korindan 4:4

Kwane kuu awad arewa kibikee okad kiri dorone oonoonman kumbed anam andindodan yi meeni inamen kebengkoon. Kwanoonkob yi kuu God yoom miin ibmo ye karub Yesu Keresu ye weng amun nambiriyiib yuroon kuu wedminban.

Efesusdan 2:2

Kuyaron kuu yiib kuu okad kiri ye inamen arewa yaayiib ambid wedya ye oonimbon ye korok Seteniib ye yoman wenenib dobirimaib. Kuye awad arewambed kibikee wabkaddan yaa yi korok keroon kui.

Kolosedan 1:28

Kwane, nub kuu Keresu ye dowad dakme korokbendimaub. Nub kuu meeni kangdom korembed nimakarub korem yaa ongkandenub kedmengkandimaub, nimakarub korem kuu Keresu yaambed demkoronmo keribka God ye kerebiri ari benmene bangkanem andi ye dowad.

Kolosedan 4:12

Epafras, ye kwangkon Koloseman, yiib mimo yiibkanmo, kwane ye kuu Yesu Keresu ye dememan, ye kuu kubendi weng yiib yaa keendoon. Ye kuu yiib dowad naawonmo kurikuri kamembirimaan, kingkin kerekmen yaambed amnekorib ma karekmiyiibban kerekorib God ye inamen dowaken korem yaambed kangdommo doberembirime anded.

Hibrudan 5:14

Kumban animan kamkono kuu kaine amniwendan yiman, yi kuu kedmengkandi kuyaambed korondiyiibban kwane ambangkimaib kowe, amun yaambed andokbe arewa kuna kuu yikaadkeriwen.

Hibrudan 6:1

Kwani kowe, nub kuu Godbed Kinoona Monoonman Keresu ye weng dana yaa areb kedmengkandembiri yaa kuu koronde kaine amne aamkono areb kerem. Ibduruk kedmengkandimaib kee, bobni ye kiwaan ye ambangki yaa amonombi ye wengiib God yaa anam andi ye wengiib baptais kerundi ye kedmengkandiyiib korok ari dingki kowi ye wengiib bobni yirimbed dembi ye wengiib aron korem ye dabab koni dowad wengyundi ye wengiib kuu ika daandi yemanban, yiibkaadkeriwen kowe, kuristen inamen kaine amni ye weng kedmengkande awinem.

Yems 3:15

Kwamune ye meeni kuu Ewen arimbed minimban, kukuu okad yiri yeman, id ye dowaken yeman, awad arewa ye meeni kui.

Yems 3:2

Nub korem kuu kiwaan yemoon yaambed ambarakmi yaa kombirimaub. Karub kanembed weng arewa ambong ma yedmindo keraneen kuu, ye kuu demkoronmo ye karub, yeka yemeren kangkadme korobe oonimaan ye karub kui.

1 Pita 5:10

Kabamoon kondoon ye mimyob dowaken korem ye God, Yesu yaambed dowan kerindeban ye nambiri dabokni dowad yiib yaa baande kinoon ye God kui, yiib durud yewed kandiiwe kibikbed nare ari aron dukmen keraneen kuu yembed yiib yaa demkoronmo ongmene anam andi kangdommoyiib aromkonoyiib kiringmindeban ye anam andiyiib kondaneen.