1 Korindan 15:57 - Yomgkom

⁵⁷ Godbed nub Yariman Yesu Keresu yaambed bobni yaa burudande doroon, nub dowad. Kowe, God yaa kube eso andem!

1 Korindan 15:57 ပူးပေါင်းရင်းမြစ်များ

Yook 98:1

Yariman yaa yook yeeb wingkime, amborom kuu binangke ye yaa anam andi yeman ongmenaboon kowe. Kwane ye dingki wiwi karadmombed bondan korem nangme burudande doroon.

Yoon 16:33

“Nembed weng kee dakmenabaan kee ne yaambed yiib niindem aom yewenubmo kerok andid. Okad kiri dobiri kuu dabab kandi yeman. Kumban yiib niindem aom aromnime, okad kiri kee nembed burudandaan kowe.” andoon.

Kwamiwen 27:35

Kee kwane dakme dowan kere, om kande yi arinambo arimbed God yaa eso andekore dookbe anoon.

Romdan 7:25

Godbed kuda. Kowe God yaa eso andaan kii, nub Yariman Yesu Keresu yaambed! Kwani kowe, kibikee neka ne inamen aom kuu God ye amob ye dabderem yiri dobere ye deme awinembiri ye karub kereni, ne id ye dowaken aom kuu ambarakmi ye dabderem yiri dobere ye deme awinembiri ye karub keraan.

Romdan 8:37

Kumban, kumkam korem kuyaa kuu nub yaa mimyob dowaken keendimaan ye karub yaambed nub kuu korem burudande arimo doruwen.

1 Korindan 15:51

Wengambirime. Biknimbon kuu nembed ke yedmandamaan kei. Nub kuristendan korem kuu bobnaubban nub yenamo, kumban nub korem kuu ben amonombaneen.

2 Korindan 1:11

Kwane, yiib kangkon nub yaa meenende awandiwen kuu kurikurimbed kamendiwen. Kwanikob, nimakarub yemoon kurikuri kamiiwe Godbed wengambere ee yimin andekore nub yaa munobmo awandoon kowe, nimakarub yemoon kuu nub dowad God yaa kube eso andaniib kii.

2 Korindan 2:14

Kumban nembed God yaa eso andaan, yembed Keresu yaambed korem burudande doroon kumbed nub kubimo ben kinban yaraane, nub yaambed baeb amun areb Keresu yaa kuu kaadkere yimin yimin yaa derendare weneen kii.

2 Korindan 9:15

Kowe, nub kwamune God yaa eso andem, amborom kuu ye munobmo kondoon yeman ye darewoowiib doboowiib ambab ariyiib kuu weng dakminban kowe.

Efesusdan 5:20

aron korem Yariman Yesu Keresu yaningko yaambed Ambe God yaa kumkam korem ye dowad eso andime.

Hibrudan 2:14

Nimakarub kangkon yomiib umkaniib kowe, ye kangkon yi id arebmo kerene bobnoon kumbed bobni yaromkono awinoonman kuu yaromkono monmaroon. Kuu ye aningko kuu awad arewa Seten kui.

Korokboon 12:11

Yi kuu Sibi Mana ye umkaniib weng anam dianmo dakmiweniib kumbed Seten burudanduniwen. Kwane, bobni ye dabab yi yaa meneboon kuu yika yi anam andi koronde yi wadkeri kuu ma amuknindo.

Korokboon 21:4

Yembed yi inok korem yi indob yaa kuu araneen. Kuyaom kuu bobniyiibban mimyob wandiyiibban amengiibban yewediibban aron korem, amborom kuu kurin ye dobiri kerekmen kuu dowan keroon kowe.” andoon.