1 Korindan 14:3 - Yomgkom

³ Kumban kane kanembed profesi weng dakmimaib kuu, nimakarub yi niindem aom aromni ye dowadiib kube ongkandi ye dowadiib mimyob wandi kankubuni ye dowadiib kui.

1 Korindan 14:3 ပူးပေါင်းရင်းမြစ်များ

Yesu Ye Weng Amun Lukbed Wongkoon 3:18

Andekore, kwane yembed yi yaa weng amun kedmengkandene weng yenayiib daandene ongkandoon.

Kwamiwen 13:15

kwane Moses ye amowiib Yuu profesidan yi wengiib God Ye Weng aombed kimingkiwen. Kwane kurikuri ooniwendanbed yedmiwen, yi yaa, “Angkodmia, yiib kuu ma ongkandi amun ye wengiib keroka, dakmime.” andiwen.

Kwamiwen 14:22

Ika winiwen ye dowad kuu anam andiwendan taun keyaom doriib yaa ambobandenib anam andi kuu kwane awine dobirime ande ongkandiwen, “Yobdood yemoon kuu burudandekoruwed, Godbed korok kere oonimbon aom kuu aomnanuub.” andiwen.

Kwamiwen 15:32

Yudas yoom Sailas yoom kuu yi kuu profesidan kowe, kuristen angkodmia yaa weng yemoon ongkandenib aromkono arudkonoyiib kondiwen.

Kwamiwen 4:36

Kuye niindem aom kuu angkon karub maa yaningko Yosef, ye amyenimbon kuu Livai, ye kambong kuu Saipurus aom, kukuu apasodanbed ye yaa Baanabas ande yedmimaib, amborom kuu yena yaa kube ongkandimaan kowe.

Kwamiwen 9:31

Kwane kuyaambed ari kuu, anam andiwendan korem Yudea ambibkin aomiib Galeli ambibkin aomiib Samaria ambibkin aomiib doriib kuu yewenubmo dobiriwen. Kwane, Kingkin Karadmombed awandene weng amuniib kube ongkandoona, Yariman yaamo une bumangki kiwaan yaambed dobiriwen kowe, yemoon kuu anam andenib yi yoom dabokniwen.

Romdan 12:8

Kane yaa kuu yena yaa kube ongkandi deme munob konoon kuu kwane kube ongkandok. Kane yaa kuu yena yaa komo dowan keroon awandi deme munob konoon kuu embeng embengban koowad koowadmo kwane awandok. Kane yaa kuu korok kere ooni deme munob konoon kuu ma korondiyiibban kwane oonok. Kane yaa kuu mimyob keende kakman are nonondandi deme munob konoon kuu kubi dowakeniibbed kwane kamok.

Romdan 14:19

Kwani kowe, kiwaan korem yaambed yena yoom yewenubmo dobiri ye kiwaan ongmem. Kwane, kiwaan korem yaambed yiib anam andi darewoob keri dowad marin marin ambib areb yenbenmo daanemoon areb kerem.

Romdan 15:2

Nub korem kuu nub dia doriibdan yaa amun amun kamende yi anam andi darewoob keri dowadbed kube awandem.

1 Korindan 10:23

Yenambed “Inamen korem kuu amobban.” ande yedmimaib kumban, anam kuu inamen yenamo kuu nub awandi yeman. Yenambed “Inamen korem kuu amobban.” ande yedmimaib kumban, anam kuu inamen yenamo kuu nub niindem aom aromni yeman.

1 Korindan 14:12

Kwamune areb kuu yiib kangkon kwanimaib. Yiib kuu kingkin kerekmen yaambed Yariman ye deme yaromkono munob bangkandi yeman yaa dowakeniib kere nindorokiibbed kawok ande kamimaib. Yiib kwanimaib kowe, munob bangkandi yeman kuyaom kuu komo komo kuu anam andiwendan yi niindem aom aromni yeman keroka kuyaambed meeni darewoob kere kwane ambangkime.

1 Korindan 14:17

Eb eso andi kuu yiminmo kumban, id kandindodan yi niindem aom kuu ma aromnimokban.

1 Korindan 14:26

Kwane kowe, angkodmia, komo andanuub? Kwane, mimyamo menebe nedbibka, yiib korem mimim kuu maa kuu yook yeman keroko, maa kuu kedmengkandi yeman keroko, maa kuu Godbed korokbenoon ye wengiib keroko, maa kuu God yaromkono ibnenoona weng maambed dakmi ye wengiib keroko, maa kuu weng maambed dakmi ye weng ye id kedmengkandi ye wengiib keroko kamime. Korem ke ambangkaniib kei, anam andiwendan yi niindem aom aromni dowad kumbed kwane ambangkime.

1 Korindan 14:31

Kedi, profesidan korem kuu mimim dakmaniib kumbed nimakarub korem kedmengkandene kube ongkandaneen.

1 Korindan 8:1

Yenambed onabaya aye kuruwak god yaa kurikuri kame ebman kee ande eso andenib ari berengkiwed yom ani ye dowad dakmandamaan. Nubkaad, nub korem kuu kaadkeri yaambed doruub. Kaadkeri yaambed kerengkan inamen menebimaan kumban, mimyob dowaken yaambed yena yi niindem aom aromni ye inamen menebimaan.

2 Korindan 1:4

Ye kuu dabab maa maa nub yaa menebimaan kumbed mimyob wandimaub korem kuu kankubunimaan. Kowe, kane kane dabab kandaniib kuu Godbed nub mimyob wandi kuu kankubunoon kumbed yi mimyob wandi yiminmo kankubunanuub kii.

2 Korindan 2:7

Kowe, kibikee yiib kuu ye ambarakmi are nonondandenib ye mimyob wandi kuu kankubunime. Kwananiib kuu ye mimyob wandi kuu miin darewoob kere korem yiminban keraanban.

Efesusdan 4:29

Yiib mongkodkono aombed weng arewayiib dembaane dakmaib. Kwane, yena yaa dowan kuyaa awandi ye kerekmen yaambed wengambiridan yi inamen aromni dowad dakmimamime.

Efesusdan 6:22

Keye dowad kembed ye kuu yiib yaa nenkowaane monoon kuu, nubbed komarewa doruub kuyaa kuu yiibkaadkerenib, kwane yembed yiib yaa kubiyiibbed ongkandi yeman.

Kolosedan 4:8

Ye kuu nenkowaana yiiwiib yaa ku monoon kui, menene nub yaa komarewa keroon ye weng dakmi dowadiiwa, angkon yiib niindem aom kuu aromne kubi dowakeniib kondi dowadiiwa, kumbedmo.

1 Tesalonaikadan 2:11

Yiibkaadkeriwen, nubbed yiib yaa kedmengkanduwen kuu awodkimbed ye dana meed yaa kedmengkandemoon areb kedmengkanduwen.

1 Tesalonaikadan 2:3

Nubbed yiib yaa amonombime ande dakmimaub kuu, ambarakmi yaambedban o inamen arewa yaambedban o yiib yaa birandi ye dowadban.

1 Tesalonaikadan 3:2

kowe, nubbed Timoti, nub angkodmi, God ye deme karub Keresu ye weng amun dakmimaan ye karub kuu, yedmenuuwe ku monoon kuu yiib anam andi yaa kube ongkandene aromkono kondanded.

1 Tesalonaikadan 4:1

Weng yeenbon kei, angkodmia, Godbed yiib yaa kubendaneen ye kiwaan ari dobirime ye weng kuu kedmengkanduwen. Anamaa, yiib kuu kwamunemo doriib. Kibikee Yariman Yesu yaningko yaambed nangkande yedmuub kuu inamen kee darewoob keroka kwane kamembirime,

1 Tesalonaikadan 4:18

Kwane kowe, weng kee man kube ongkane man kube ongkane kamime.

2 Tesalonaikadan 3:12

Kwamenabidan kuu Yariman Yesu Keresu yaningko yaambed ongkandenub kwanime ande yedmendubko yikareb nangkemmo kere deme ambangkenib yika yi yongbon animanbed anime.

1 Timoti 1:4

Yi kangkon yi awoya yi moo dakmenabembiriyiib kurin kurin yi awoya kumbed ari doroon doroon miniwen ande yi aningko dakmenabembiriyiib kuu kamaib ande kebende. Kwane, weng keyaambed wengberenabi yeman kerimaib, kukuu God ye deme aromne awini yemanban. Kedi, God ye deme aromne awini kuu anam andi yaambed.

1 Timoti 4:13

Eb kuu kidangkambonbed God Ye Weng Karadmo kimingkaneb God Ye Weng Karadmo ambobande wengambirime andeneb kedmengkande ningmone kuyaamo doberemberebka, ne kuu mana.

1 Timoti 6:2

Kumban, yi kangkodan kuu kuristen keroka, yi kuu kamune meendobaib, “Ye kuu ne kuristen angkodmi kowe, ye weng wengambereni ye aningko kuu darewoob arimbed konainban.” andaib. Kumban kwane kamime ye weng kee andaan kuu yi deme kuu amun yemanmo awinime. Kangkoman kuristenban ye deme awini arebban awinime, burudande miin amun awinime, amborom kuu kangkoman kuu kuristenman, yi angkodmi kowe. Weng kee yi yaa kedmengkande kwane kamime ande.

2 Timoti 4:2

Yesu ye weng amun kuu dakme korokbende. Aron amun keraneen o arewa keraneen korem kuu weng daandi dowad nekwe dobere. Inamen arewa yaa kuu kedmengkande ben yorokmo ongme. Kami arewa yaa kuu dedmone yedmende. Inamen o kami amun yaa kuu weng amunbed ongkande. Korem kee yodbirimban iwarimombed dobiriyiib ongme kedmengkandiyiib kwame.

Taitus 1:9

Yiminmo kuu ye kuu God ye weng anam kedmengkandiwen korem kamkonomo awine doreenman. Kwane kuye karub kuu kiwaan kee yekaad kei, nimakarub yena yaa Yesu ye weng anam yaambed awande ongkandaneena yi aromne kaadkeraniib, kuned yenambed Yesu ye weng manmo keraniib kuu kiwaan anam ongme korokbendaneen.

Taitus 2:15

Kee kwane kedmengkandewed yimin. Yesumbed deme kabdoon ye aromkono yaambed, inamen amun yaa kube ongkandeneb inamen arewa yaa weng kamkonombed ongkande. Kwane kerendobaraawa eb yiminban ande oronde daabdi yeman keraib.

Taitus 2:6

Kwamune areb kumbed, kewed yaa kwangkon yikareb kangkadmime ye weng kedmengkande.

Taitus 2:9

Kwane, yena yi dabderem yiri dobere no deme awinembiridan yaa kwangkon kedmengkande, yi kangkodan yi dabderem yiri dobirime, yi kangkodan kubaniib andi ye kerekmen yaambed amun amun kamime, wengberenabiyiibban kerime,

Hibrudan 10:25

Nub kuu mimyamo kere daboknenwi kerekmen kuu korondaub, nimakarub yenambed korondiwen yi kerekmen kwane kandimban, kumban kwane neman kube ongkanoon kube ongkanoon kamem. Yesu yaron dia keruko wedmibka inamen kee darewoob kerime.

Hibrudan 13:22

Angkodmia, nembed yiib yaa nangkande yedmaan kuu, ne ongkandi weng kee awine kandime, nembed kerek wongkaan kee dukmenmo kowe.

Hibrudan 3:13

Kumban kibikbed wene yimin wandaneen yaron kuu derekmana kowe, aron korem neman kube ongkanoon ongkanoon kamime. Kwamaniib kumbed ambarakmi ye birandimbed yiib niindem aom kebendaanban.

1 Pita 5:12

Ma korondiyiibban ye kuristen angkodmi Sailas, kuu kwamunemo wedmenaan kui, ye kuu awawoonkob kerek dukmen kee yiib yaa wongkane keendaan. Yiib yaa kube ongkandeni weng keyaambed Godbed kabamoon kondoon ye mimyob dowaken anam kuu korokbendaan. Keyaa kangdommo kere dobirime.

Kerek Judbed Wongkoon 1:20

Kumban yiib kuu mamaa. Angkodmia, yiib anam andi miin karadmo kuyaambed ambib areb yenbenmo daanime. Kwane, Kingkin Karadmo yaambed kurikuri kamime.