1 Korindan 14:25 - Yomgkom

²⁵ ye mimyob aom bikdereboon kuu ben dianmo keraneen. Kowe, ye kuu yiri bumangke God yaningko kankoone yedmaneen, “God kuu yiib yaa anam doreen kii!” andaneen.

1 Korindan 14:25 ပူးပေါင်းရင်းမြစ်များ

Andowoon 44:14

Yosef kuu yambiwoom doreena, Yuda yoom ye aagoroka yoom weneniiwa, Yosef ye arinambo ari okad yiri bumangke kirobiwen.

Yook 72:11

Kingdan korem kuu ye yaa bumangkime, kwane ambibkin korem kuu ye demedan kerime.

Yesu Ye Weng Amun Lukbed Wongkoon 17:16

Kwane wene Yesu ye yon yiri bumangkene ye yaa eso andoon. (Karub kuu Samariaman, Yuumanban kui.)

Yesu Ye Weng Amun Lukbed Wongkoon 8:28

Aron yemoon kuu awad arewayiib kwane ibnenoon kowe, ambiwanbed awinenekorib dingkia yona kuu seinbed yengbe oonimaib kumban, sein kuu buruwadmane awad arewambed nendore amboon angka nenwinimaan. Kwane, Yesu wedmenekore kabangangkene ye yon yiri bumangkene okad yiri korok kankibinoone, Yesumbed awad arewa yaa “Karub ye niindem aom kuu angkadere.” ande yedmendoone, karub kuu naawon komkoon, “Yesu, Korem Burudandoon Arimbed Ye God Ye Mingki, eb kuu ne yaa komo kamandewed? Eb kuu ne yaa yewed kawe monmaruwaab.” andoon.

Yoon 4:19

Kwanandoone, wonongbed yedmeen, “Korok ee, nembed meene wedmaan kuu eb kuu profesiman kii.

Kwamiwen 4:13

Andoone, korok korok kuu Pita yoom Yoon yoom yaa sikuyiibban kambongmo doriibdan kumban korok dareb dareb yaa uniyiibban aromkonomo doriib kuu wedme binangkekoriwa, angkon wedme meenibka yi kuu Yesu yangkodmia kii.

Korokboon 19:4

Kwane, aamkono aamkono wad kaningiib wad doriib ye dingkan kaningiib kuu God yaa ye ooni ye dibirimbon arimbed dibeen kuyaa yiri bumangke korok benkibingke baande yedmiwen, “Anam kwanok. God yaningko kankoonem!” andiwen.

Korokboon 5:8

Kwane kandoone dingkan kaningiib aamkono aamkono wad kaningiib kuu ye murubia ari bumangkiwen. Yi korem mimim kuu yook yeman yaningko haap kuyiib goldbed ongmiwen ye yabad kobukmo aom baeb amun nengke koni yeman dembooniib kuu awingkiwen. Baeb amun nengke koni yeman kukuu God ye karadmodan yi kurikuri kui.