1 Korindan 10:11 - Yomgkom

¹¹ Yi yaambed ke kamenaboon kee kuru kingkoon, kuye weng wongkoon kuu nub kaadkeri dowad. Amob minindo yaroniib amobbed oonoon yaroniib aron maa maayiib anam id keri yeman ku monoone wedmuwen kui.

1 Korindan 10:11 ပူးပေါင်းရင်းမြစ်များ

Andowoon 19:35

Anduune, amnoombed wain ok koniiwe anoone awarak ayuune nengkaan yoom dangiwen. Awarakbed ayeen kowe komo kamoon kuu yekaadban.

Yook 102:18

Awoya awoya amaan ari yi dowad wongkibko, yi kuu Yariman yaningko kankoonime andi ye weng kukei.

Matyu 13:39

Kwani kowe, bonman kab arewa arumoon ye karub kuyaamo Seten kui. Kwane, kab wandi aron kuu keye aron yimin wandanuune, id wandidan kuu God ye engyus kui.

Matyu 13:40

“Kwane areb, kab arewa dembe wonoon kuu biangke amot yiri nengkaneen areb kuu, keye aron yimin wandanuun yaambed kwamune keraneen kii.

Romdan 13:11

Kibikee aron kuu yiibkaadkeriwen kowe keyiib kee kamime, yiib unuk dangemoon areb kere amun amun kamindeban yirimbed yaro dembe amun amun kamime andi yaron kereen kii. Amborom kuu yiiwa nuwa bobni yaa burudande bindi yaron kuu nub ibduruk anam anduwen arebban, kuye aron kuu dia doreen kowe.

Romdan 13:12

Kumun amnoom kuu dowan kere wenuun, awawini kerandamuun kii. Kowe, nub kuu amnoom kumun ye kami kuu ben yangmad kerenub, kwane aronki ye ana nangmi ye yiribman ben deebem.

Romdan 15:4

God Ye Weng Karadmo aombed anukbed wongkanabiwen ye weng korem kuu nub yaa kedmengkandi dowadbed wongkiwen. Kowe, kuye weng yaambed ma korondiyiibban kangdommo dobiriyiib God Ye Weng yaambed kube ongkandiyiib awine kandanuub kumbed Godbed kwananeen ande meedme dobaranuub.

Romdan 4:23

“Ye yaa kuu yorokmo ande kine kowoon.” andi ye weng wongkoon kuu yekirimo ye dowadmomban,

1 Korindan 10:6

Yi yaambed ke kamenaboon kee kuru kingkoon, nub meeni yeman, inamen arewa yaambed yimbed kwaniwen areb keraib anded, nub yaa.

1 Korindan 7:29

Angkodmia, nembed meenaan kuu kei, aron kuu dukmen kereen. Kowe, kibikbed ari kuu kane kane awadmiwen kuu awadmi ye kerekmen yaa meeni darewoob keraib, awadmindodan areb kerime,

1 Korindan 9:10

Dowan, anam kuu demedan nub dowad weng ku yedme wongkoon kui. Eyokee, nub dowad wongkoon, amborom kuu yongbon nidke nekwanabi ye karub yoom id beengke ab andokbe idmo bi ye karub yoom kuu yi deme awinimaib kuu animan kuu nuwiib numbaraniib ande meenimaib kowe.

Galasiadan 4:24

Nima ayoob keyiib kee wiim aangke amob weng ongmenaboon ayoob dowad korokboon. Amob weng maa kuu aangko Sainai arimbed ongmoon, kuye amob weng kumbed amowamob ye dabderem yiri dobere no deme awinembiri dana wanabimaun. Kukuu Hagaa kui.

Filipaidan 4:5

Yiib ingmiyiibban nangkemmo dobiribko nimakarub korem kuyaa wedmime. Yariman kuu dia doreen kowe.

Hibrudan 10:25

Nub kuu mimyamo kere daboknenwi kerekmen kuu korondaub, nimakarub yenambed korondiwen yi kerekmen kwane kandimban, kumban kwane neman kube ongkanoon kube ongkanoon kamem. Yesu yaron dia keruko wedmibka inamen kee darewoob kerime.

Hibrudan 10:37

Kedi, God Ye Weng aombed yedmoon kuu, “Aron doboobban ari kuu, mananeenman kuu monokban keraanban, erebnarimban mananeen.

1 Yoon 2:18

Ee, ne danaya, kibireb kee yeen-bon ye aron. Yiib wengambiriwen kuu Keresu ye bonman darewoob kuu mananeen kii. Kedi, kibireb kee bondan yena yemoon menebiwen kii. Kwamune kumbed korokboone nub-kaadkeruwen kuu aron yeenbon kereen.