Pilipay 2:14 - The New Testament in the Rossel Language also called the Yele Language of Papua New Guinea

¹⁴ Mb꞉aamb꞉aa ngê dmyina a ya, kîdmyengê nuu mbumu, myekîdmyengê kwopwepe,

Pilipay 2:14 ပူးပေါင်းရင်းမြစ်များ

Mátiyu 20:11

Yepê, Dini ghi n:ii ngê yi ndapî a ngee ngópu, wain kpê chóó ka nod:e dniye,

Mak 14:5

Apê, Kî pyópu ngê nmo woda kê, ye ndapî pyolo yono y:a pudu kmênê, yi ndapî ndîî pinté knî ye pudu y:oo. Wod:oo yi yéli yi pyópu ka a tpêpwo dniye.

Mak 9:14

Yesu, u dyépi pyile knî yi k:ii, dini ghi n:ii ngê mbu mbêmê a ndê dniye, mbu vyuwo yedê ghêpê dniye, pi yilî m:uu ngópu, Yesu p:uu ndiye pyu woni knî yi k:ii. Dêêpî pyu yoo Yesu p:uu ndiye pyu yoo yi kwo dnye kwopwepe.

Luukî 5:30

Pádisi yoo dêêpî pyu yoo daa yi nuu u kópu ngê pyodo, Yesu p:uu ndiye pyu knî ye yepê, Lukwe dîy:o tákisi ngêêpî pyu yoo kn:aadi te pyu yoo yi k:ii nmye kmaapî té, nmye mbwaa ndanî té.

Dpodo 15:2

Póól pini dê Mbanapas y꞉oo yi yéli yi kópu dpîmo vyee dé, u kuwó dini ghi ngê yi kópu nipi mêdnyimo tpiditpidi pêêdîpêêdî. Yesu u yoo y꞉oo Póól pini dê Mbanapas, kn꞉aa yéli yi k꞉ii Njedusalem dy꞉ââ tumo, yepê, Nmî Lémi u dyépi knî ye, kada pini knî ye dmyinê lêpî, yepê, ala kópu y꞉oo amî l꞉âmo ngmê.

Dpodo 15:39

Wod꞉oo noko nod꞉e knopwo, wod꞉oo adê numo chámê dê. Mbanapas ngê Mak ńuwo, liyé nkéli k꞉oo wo knopwo, Saipîdîs mî tee knopwo.

Dpodo 15:7

Dye ghi daadîî yimî loo, u kuwó dini ghi ngê Pita ghêêdî wo, yepê, A mbwó yoo. Yepê, Nmyi lama ka tóó, wunê dini ghi ngê nmyi vy꞉o Chóó Lémi ngê ka a ngmidi noo, kn꞉aa yéli ye dy꞉ââ noo, Yesu u kópu mb꞉aa ye nîmo nté ngê, u ngwo Yesu ka kêlîmî mbê dniye.

Dpodo 6:1

Dyépi yoo Yesu p꞉uu yélini ye dnyimon꞉aa danêmbum, woni knî Yesu ka kêlîmî mbê dniye. Yi yéli Yesu u yoo vy꞉o ghê dniye, Yesu u yoo yinté ndîî ngê doo pyodopyodo. Yesu u yoo vy꞉o woni knî Kîdiki dnye ngê dnyimo mbumu, woni knî Nju dnye ngê dnyimo mbumu. Yi yéli yi kêlî dîdîpwódu ngmê ghê wo, mu kópu u dîy꞉o n꞉ii dé Kîdiki dnye ngê dnyimo mbumu, yi yéli y꞉oo woni knî ye yepê, Lukwe dîy꞉o nmyi kuknwe yoo mb꞉aamb꞉aa ngê nmyinê wopwe t꞉oo, ngmênê nmî kuknwe yoo dnyinté nmyinê wopwe t꞉oo?

Lóma 12:18

Pi yilî yi k꞉ii mb꞉aamb꞉aa ngê dmyinê ya. Yi kópu p꞉uu dpodombiy꞉e dmyinê dpodo.

Lóma 14:1

A tîdê mbwó yoo, nmyo yintómu Yesu u yoo vy꞉o yéli, ngmênê ala kópu a lama kîyedê tóó, nmyi vy꞉o pi dyêêdî miyó a tóó, dyêêdî ngmê n꞉ii dé Nju tpémi, dyêêdî woni n꞉ii dé daa Nju tpémi. N꞉ii dé Nju tpémi, nté pywupwi têdê tpile tp꞉oo mbyuu d꞉uudpî pwila ngmê, myedaawa ma ngmê, mu kópu u dîy꞉o dpo, N꞉ii ngê kî tpile tp꞉oo dê vy꞉a, chóó u k꞉omo yâpwo ka yi tpile tp꞉oo u ghê dê y꞉oo. Dpo, Kî tpile tp꞉oo mbyuu wanmî ma knomomê, ye Chóó Lémi ka tupwótupwó ngê wanmî pyaa dmi. A tîdê mbwó yoo, yi yéli y꞉oo dêêpî kópu dyuu mwo a chââchââ ngmê, ala kópu ye d꞉ud꞉umbiy꞉e doongê wa wo, Yesu ka kêlîmî mbêmê Chóó Lémi ngê yinêwa a kââdî nmo. Yélini Yesu ka dpodombiy꞉e a kêlîmî té, yi yéli y꞉oo tpile tp꞉oo mbyuu a pywupwi tumo, mye pîpî tumo, mu kópu u dîy꞉o dpo, K꞉omo tpile kî tpile tp꞉oo u ghê k꞉omo yâpwo ka dê y꞉ee ngmê, ngmênê k꞉omo yâpwo k꞉omodanê u tpile, daa yâpwo ndêndê. A tîdê mbwó yoo, k꞉omo tpile nmyi nuw꞉o dmi u mo u mo dé, ngmênê noko mb꞉aamb꞉aa ngê dmyinê ya. Pini n꞉ii Yesu ka dpodombiy꞉e daa kêlîmî, u l꞉êê dîy꞉o tpile tp꞉oo mbyuu daa pîpî too, yi pini nangê mb꞉ii, u nuw꞉o nangê ngmêê.

Lóma 16:17

A tîdê mbwó yoo, ala kópu a ny꞉ee yó. Pi ngê chóó u nuw꞉o ghi mbêmê kîngî chámê nmyo, nmyi kêlîmî myekîngî dyênê. Pini n꞉ii ngê yinté kópu nmye choo d꞉uud꞉uu, yi pini dmyina a kuwokuwo. Yesu u kópu dyuu mb꞉aamb꞉aa ngê nmyi ndê ngópu. Pini n꞉ii ngê u yi adî kwo, Yi kópu nî ngmêê té, yi pini mêdmyina a kuwokuwo.

1 Kódin 10:10

Nmî Lémi p꞉uu nuu mbumu ngê kêê nangê t꞉oo. Dini ghi n꞉ii ngê nmî kn꞉ââ yoo nmî Lémi p꞉uu dnya a nuu mbumu, yi ngwo enjel ngmê dy꞉ââ ngê, yinê vya too.

2 Kódin 12:20

Anînê nuw꞉onuw꞉o nmyo, ndoo apê dini ghi n꞉ii ngê nmye anê lê, dnyinté an꞉uu m꞉uu nmyo, daa nmyi nuu u pi ngê wan꞉uu pyódu, wan꞉uu kóté kalê nmyo. Angênté an꞉uu m꞉uu nmyo? Ndoo apê dnyepéli têdê wan꞉uu m꞉uu nmyo, apê noko nmye ń꞉ee kapî nyédi, nmyinê numo mbodo l꞉âmo ngêêpî nyédi, nmye numo nod꞉enod꞉e kîgha nyédi. Ndoo apê pi p꞉uu danê têdê an꞉uu m꞉uu nmyo, apê numo u pi nmyo dyede tumo, apê pi woni knî y꞉oo yi pi yi chóó a kmîmî tumo, ndoo apê d꞉ud꞉umbiy꞉e noko dnyinté nmyinê pyede.

Nkalásiya 5:15

Numo ka namê dnyepéli, numo ka myenamê peede tpapê, kminté d꞉ud꞉umbiy꞉e wanmyi numo dyênê té.

Nkalásiya 5:26

Doo u ntââ nmî chóó nmî pi dmi daanmî kmîmî dé, doo u ntââ yoo daanmî nod꞉enod꞉e kîgha dé, doo u ntââ numo ka daanmî ń꞉ee kapî.

Pilipay 2:3

Nmyi chóó nmyi pi dmi kîdmyengê km꞉êê ngmê, kîdmyengê kadakada, nmyi tîdê mbwó yoo dmyinê chââchââ dé.

1 Tesalonika 5:13

Nyââ, ntênê dmyinê chââchââ dé, yi nuu ghi dmi nmyi nódo choo ya, mu kópu u dîy꞉o y꞉oo a ngêêpî nmyo. Mb꞉aamb꞉aa ngê noko dmyinê ya.

1 Tesalonika 5:15

Ntââ vyîmî ngê kêê nangê t꞉oo, ngmênê numo ka dmyinê mb꞉aamb꞉aa, pi knî ye myedmyinê mb꞉aamb꞉aa.

Hipîlu 12:14

Pi yintómu knî yi k꞉ii mb꞉aamb꞉aa ngê noko dmyinê ya. Kópu mb꞉aa dmyinê d꞉uud꞉uu dé. N꞉ii ngê kópu mb꞉aa daadî d꞉uud꞉uu dé, nmî Lémi daawa m꞉uu.

Njems 1:20

mu kópu u dîy꞉o doo u ntââ Chóó Lémi u nuu u kópu nod꞉enod꞉e mbêmê daangmanyi d꞉uu.

Njems 3:14

N꞉ii ngê u yi adî kwo, Yoo nî chámê, kn꞉aa yoo dyêêdî vy꞉o n꞉ii a wee, yi nuw꞉o dmi dpodombiy꞉e nî ngmêê té, yi yoo dyêêdî nê pwaa té, a yoo vy꞉o nî kaa té, yi pini kîngê k꞉omodanê, kîngê vyi, Nê dêêpî pyu ndêndê.

Njems 5:9

Noko namê nuu mbumu, awêde nmî Lémi ngê wa kpada nmyo. Nmyi kóté kîgha pyu daa kêmakêma a taataa, keńe t꞉âmo wunê ka kwo.

1 Pita 3:11

Dono u wépi choo pwapî, choo mb꞉aamb꞉aa, u yi u ngwo choo kwo, Noko mb꞉aamb꞉aa ngê nmî ya.

1 Pita 4:9

Yesu u yoo yélini nmye adnya a lêpî, nmyi ngomo knî yi k꞉oo dny꞉oo dpî, nmyi ntépînâ knî yi k꞉oo dny꞉oo kmaapî, yi p꞉uu nuu mbumu ngê kêê nangê t꞉oo.

Njuda 1:16

Pi dódó pyu yoo a nuu mbumu nyédi, kada pini yoo yi p꞉uu a danê nyédi. Yi chóó yi pono a vyápê nyédi, yi chóó yi pi dmi mye kmîmî tumo. Ndáápi yoo k꞉omo ngê a chaa kîgha tumo, dpo, Tpile knî nmo ngmêpêdê kê y꞉e.