Njon 19:19 - The New Testament in the Rossel Language also called the Yele Language of Papua New Guinea

^19-20 Paléti ngê u dpodo pyu ngmê ka kwo, Yesu u nt:u kópu d:êê ngi, apii, Yesu Nasalet pi, Nju tpémi yi king. Yi pini ngê yi kópu dyuu pyolo d:êê ngê, Nju dnye ngê d:êê ngê, Kîdiki dnye ngê d:êê ngê, Lóma dnye ngê mye d:êê ngê. Yi kópu dyuu Yesu u pwo kîdosi ńedê t:ee ngópu. Nju tpémi yilî knî y:oo yi kópu dyuu a kp:aa ngópu, mu kópu u dîy:o Njedusalem u nkîgh:ê Yesu kîdosi ńedê mî t:ee ngópu, daa kuughê.

Njon 19:19 ပူးပေါင်းရင်းမြစ်များ

Mátiyu 2:23

Wod:oo Nkálili Wee u kwo lee dniye, p:aa ngmê y:i dnyen:aa ya, u pi Nasalet. Kópuni Chóó Lémi u komo kapî pyu ngmê ngê wunê a d:êê ngê u ngwo ntiye ngê. Yi kópu ala, Pi knî y:oo u pi wa ntaa ngmê, Nasalet pi.

Mátiyu 27:37

U pwopwo u nt:u kópu kîdosi ńedê u pwo t:ee ngópu, apê, Yesu, Nju tpémi yi king.

Mak 15:26

U pwopwo u nt:u kópu kîdosi ńedê u pwo mye t:ee ngópu, apê, Nju tpémi yi king.

Luukî 18:37

Kwo, Yesu Nasalet pi kîyedê pwiyé knî.

Luukî 23:38

U pwopwo u nt:u kópu kîdosi ńedê u pwo t:ee ngópu, apê, Nju tpémi yi king.

Njon 1:49

Nêtániyel ngê kwo, A Lémi. Kwo, Nyi Chóó Lémi Tp:oo, Yisîléli tpémi yi k:ii nyi nmî king.

Njon 18:33

Paléti u ngomo k:oo mê diyé wo, lede knî ye yepê, Yesu al:ii a ńuw:o yó, wod:oo u kwo ńuw:o ngópu. Yesu ka kwo, Mumdoo nyi Nju tpémi yi king?

Njon 19:12

Paléti ngê yi kópu dini ghi n:ii ngê nyongo, d:ud:umbiy:e u yi u ngwo doo kwo, Yesu nî pw:ii, ngmênê Nju tpémi dpodombiy:e u kwo mbwó dniye, kwo, Ye pini ngê apu, Nê king. Kwo, U yi u ngwo a kwo, Pini n:ii nmî king ndîî ngê wunê tóó, Lóma, u d:aa nê kââdî. Kwo, Yinté pini king ndîî p:uu a d:uu yédi. Kwo, Ye pini nye pw:iipw:ii knomomê, ye king ndîî ngê yi kópu wa a ny:oo, doo u nuu u pi ngê anyi pyódu.

Njon 19:14

Wéni n:ii ngê Tp:ee Kaa W:êêw:êê u Naa u l:êê dîy:o tpile yilî dnye wiyewiye, yi wéni ngê yi kópu yilî u ngwo pyodo. Kââdî mââ kêlî dini ghi ghêlî daa yó, Paléti ngê Yesu kuwa ye a pw:ii ngê, Nju tpémi ye yepê, Ala nmyi king.

Njon 19:21

Kpêê yiyé pyu yoo yi kada pini knî y:oo Paléti ka kwo, Lukwe dîy:o chi d:êê, Nju tpémi yi king. Kwo, Alanté wochi d:êê, Kî pini ngê apu, Nê Nju tpémi yi king.

Njon 19:3

U kuwó dini ghi ngê u kwo dnye lêpî, k:omodanê ngê dnya a chipéchipé, kópu, Munmîkó nmî mââwe ndîî, Nju tpémi yi king, u nkwo dnye vyee.

Dpodo 26:9

Kwo, Mwiyé u ya a nga doo kwo, Yesu u yoo chedêchedê nî chedê.

Dpodo 3:6

Pita ngê kwo, Ndapî a ngópu daa tóó, ngmênê kópuni a mênê a tóó, vyîlo ṉga yinînê kuwo. Kwo, Yesu Kédisu Nasalet pi u pi ngê n꞉aa ghêêmî kapî ngi.