Njon 18:37 - The New Testament in the Rossel Language also called the Yele Language of Papua New Guinea

³⁷ Paléti ngê kwo, Mumdoo nyi king? Kwo, Yi kópu awêde dî ny:oo. Yesu ngê kwo, Ṉ́yóó ṉuw:o ngê chi vyi, nyimo, Nê king. Kwo, Ngmênê ala kópu mu ngmidi u l:êê dîy:o dyámê mbêmê nî pyodo, nê, Pi knî y:oo ndê kópu yintómu knî yi kn:ââ paa m:uu y:e. Kwo, N:ii knî y:oo ndê kópu knî yi maa a kîgha ngmê, a dnye y:oo nyêmî ngmê.

Njon 18:37 ပူးပေါင်းရင်းမြစ်များ

Mátiyu 26:64

Yesu ngê kwo, Ṉ́yóó kîchi vyi. Kwo, Mu dini ghi ngê wanmyi m:uu nê, wanmyi vyi ngmê, anye, Kî Chóó Lémi u Pi Ndêndê. Anye, U pi ndîî ngê dê pyódu, Chóó Lémi u che p:ââ pee ngê dê pyódu, nkalî too pee dmi mbêmê muyedê pwiyé knî.

Mátiyu 27:11

Dini ghi n:ii ngê Yesu Lóma lede yoo yi kada pini Paléti ka ńuw:o ngópu, yi ngwo u pwopwo u nt:u kópu u kwo mye vyi ngópu. Wod:oo Paléti u kwo póó wo, kwo, Mumdoo nyi Nju tpémi yi king? Yesu ngê kwo, Ṉ́yóó kîchi vyi.

Mak 14:62

Yesu ngê kwo, Nyââ. Kwo, Mu dini ghi ngê wanmyi m:uu nê, wanmyi vyi ngmê, anye, Kî Chóó Lémi u Pi Ndêndê. Anye, U pi ndîî ngê dê pyódu, Chóó Lémi u che p:ââ pee ngê dê pyódu, nkalî too pee dmi mbêmê muyedê pwiyé knî.

Mak 15:2

Paléti u kwo póó wo, kwo, Mumdoo nyi Nju tpémi yi king? Yesu ngê kwo, Ṉ́yóó kîchi vyi.

Luukî 22:70

U kwo póó dniye, kwo, Mumdoo nyi Chóó Lémi Tp:oo? Yepê, Nmyi chóó kîdmye vyi ngmê.

Luukî 23:3

Paléti ngê p:oo ngê, kwo, Mumdoo nyi Nju tpémi yi king? Yesu ngê kwo, Ṉ́yóó kîchi vyi.

Njon 1:14

Kêlî Pini pi ngê pyodo, nmî vy:o doo kwo. Ala kópu nmo w:ee ngê, Kî nmî Mî Tp:oo mu ngmidi. Nmî ngêêpî pyu ndîî, u kópu yintómu ndê kópu dé.

Njon 1:17

Mósisi ngê kópu mb:aa ngmê d:uu ngê, Chóó Lémi u dêêpî kópu dyuu nmo a ńuwo, ngmênê Yesu Kédisu ngê daa yintoo kópu yi d:uu ngê, kópu ndîî yi d:uu ngê. Yesu ngê Chóó Lémi u módó yeedeyeede ndîî nmo a kpo, u Mî ka maa njini u ngwo a yó.

Njon 14:6

Yesu ngê kwo, A chóó nê nmyi maa, ndê kópu yintómu knî yi kn:ââ, mye ghê u kn:ââ. Kwo, M:aa ka maa daamo a t:a, nê nmyi maa mu ngmidi.

Njon 3:32

Kópuni a m:uu too, kópuni a ny:ee too, nmo vyîlo ye tpapê té, ngmênê pi knî y:oo yi kópu daa nyêmî ngmê.

Njon 7:17

Yepê, Pini n:ii Chóó Lémi u pono a vyápê, yi pini ngê chóó wa a w:ee, awo, Nê ngê daa chóó u kópu dyuu ye tpapê, ngmênê Chóó Lémi u kópu dyuu ye tpapê.

Njon 8:14

Yesu ngê yepê, K:omo tpile pi ngê daa ngêêpî nê, ngmênê ndê kópu nmye yinî tpapê, mu kópu u dîy:o kwéli nê ndê wo a lama ka tóó, kwéli am:aa diyé, a lama mye tóó. Yepê, Kwéli nê ndê wo nmyi lama daa tóó, kwéli am:aa diyé nmyi lama myedaa tóó.

Njon 8:45

Yepê, Ndê kópu nmye yinî tpapê ngê, yi kópu u l:êê dîy:o a ka dênmyinê kêlîmî nyédi.

Njon 8:46

Yepê, Nmyi vy:o n:uu ngê dono a p:uu ngmêdê m:uu? Yepê, A dono daa tóó. Yepê, A kópu yintómu ndê kópu dé, lukwe dîy:o a ka dp:ee kêlîmî té?

Njon 8:47

Yepê, Yélini Chóó Lémi u yoo, Chóó Lémi u dnye a nyêmî ngmê. Yepê, W:ee Chóó Lémi u yoo, a dnye p:ee nyêmî ngmê.

1 Timoti 6:13

Nmî Mî ngîma ṉga nînê danê, u dnye mb꞉aamb꞉aa ngê chi nyêmî. Wodaa tóó, tpile yintómu yi ghê dmi daapê t꞉a, ṉgê myedaapê t꞉a. Tp꞉oo Yesu Kédisu ngîma ṉga myenînê danê, p꞉uu ntênê chi dpodo, nangê mywenemywene kwolo. Dini ghi n꞉ii ngê Pontiyas Paléti ngê doo a kóté kîgha, u kwo ntee doo a ndê danê, yinté myecha a ya. Nyââ, nmî Lémi Yesu Kédisu p꞉uu ntênê chi dpodo, u dî wéni n꞉ii ngê wa a diyé.

1 Pita 1:22

Kópu ndêndê nmyi ny꞉ee ngópu, u kwo nmyi kêlîmî mbê dniye, nmyi dono yilî chedê ngê u ngwo pyaa dniye. Yi kópu u l꞉êê dîy꞉o nmyi tîdê mbwó yoo yi nuu ghi dmi nmyi nódo ntênê dny꞉oo ya. Yi kópu ntênê dmyinê d꞉uud꞉uu, ye mb꞉aamb꞉aa ngê dmyina a vyuwo,

1 Njon 2:21

Nangê vyi, Nê nmo wunê d꞉êê, mu kópu u dîy꞉o ndê kópu dyuu nmî lama daa kwo. Kêle, ndê kópu dyuu nmyi lama wunê kwo, myenté ala kópu nmyi lama kîyedê tóó, k꞉omodanê kópu u kn꞉ââ ndê kópu dyuu p꞉uu dêdêngmê kwo.

1 Njon 3:14

Pwopwo u maa nmo kuwo ngê, ghê kamî u maa p꞉uu nmî ghê dniye. Yi kópu nmî lama a tóó, mu kópu u dîy꞉o nmî tîdê mbwó yoo yi nuu ghi dmi nmî nódo a tóó. Pini n꞉ii nódo yoo yi nuu ghi dmi daa tóó, pwopwo u maa p꞉uu mo kwo.

1 Njon 3:19

Pi knî ye mb꞉aamb꞉aa ngê anmî vyuwo knomomê, ye nmî lama u ngwo wa yââ, Pini n꞉ii Pi Ndêndê, u pono nmo vyápê té. Yi kópu u l꞉êê dîy꞉o nmî Mî u ngîma daanmîn꞉aa nkîngê.

1 Njon 4:6

Ngmênê nmo nmî Mî u yoo. N꞉ii u lama nmî Mî a tóó, nmo wunê ng꞉aa yédi. N꞉ii u lama nmî Mî daa tóó, nmo dêwunê ng꞉aa yédi. Yi kópu knî yi mbêmê ghê dmi dê nmo myeme doo, woni ndê kópu dé yi ghéni dmi, woni k꞉omodanê kópu dé yi ghéni dmi.

1 Njon 5:20

Nmî lama ka tóó, Chóó Lémi Tp꞉oo nmo a loo, u Mî nmî nuwo yinê mî kwólu, pini n꞉ii Yâpwo Ndêndê. Nyââ, Yâpwo Ndêndê p꞉uu nmo pyede, myenté Tp꞉oo Yesu Kédisu p꞉uu myino pyede. Yi pini Yâpwo Ndêndê, mye ghê kamî u kn꞉ââ.

Tpyuu 1:4

Nê Njon, Yesu u yoo knî ye nînê d꞉êê, yélini p꞉aa pyudu knî yi kwo a pyede, Esiya Wee u kwo. Nmî Mî nmye choo a vyuwo, nmyi nuw꞉o dmi ngmidi ngê myechoo a pyépi. Yi pini ala ngwo a tóó, dye ghi yintómu doo a ya, chedê ngê daawa pyódu. U Ghê Dmi nmye myechoo a vyuwo, ghéni dmi n꞉ii u ngîma wunê kwo, myenté dpodo pyudu a dódó ngê.

Tpyuu 3:14

Nmî Lémi ngê a ka pê, A yoo yélini Leyodisiya wunê pyede, ala kópu dyuu dpî d꞉êê ngi, ye dpî dy꞉ââ ngi. Yipi, Pini n꞉ii p꞉uu k꞉omodanê kópu d꞉ud꞉umbiy꞉e daa t꞉a, ala u kópu dyuu. Yipi, Yi pini ngê u Mî u kópu dyuu ntênê nmye a ńuwo, daangmê kn꞉aadi ngê. Yipi, U Mî ngê tpile yintómu l꞉âmo ngê, yi kada pini ngê pyódu ngê.