Mátiyu 5:4 - The New Testament in the Rossel Language also called the Yele Language of Papua New Guinea

⁴ Yepê, N:ii knî y:oo yi dono knî yi l:êê dîy:o tpéé kópu dpî vyi ngmê, mye mbê nyédi, yi gha dmi dny:oo pywelepywele, Chóó Lémi ngê yi dono yilî u kuwó wa kéé té, yi nuw:o dmi amê l:âmo té.

Mátiyu 5:4 ပူးပေါင်းရင်းမြစ်များ

Luukî 16:25

Yepê, Epîlaham ngê kwo, A kee, dyámê mbêmê munyoo a ya, y:i nuw:o ngî kwéli. Kwo, Tpile mb:aa ṉgópu dêpwo a ghêdê, Lasadas u ya dono, tpile u ngópu dêpwo a ya. Kwo, Ala ngwo ya mb:aa até dumu pyw:oo, ngmênê anyinê wélîlî mgînî vyîmî.

Luukî 6:21

Yepê, K:omo tpile ala ngwo nmye dómudómu té, ngmênê nmyi gha dmi mb:aamb:aa ngê choo ya, mu kópu u dîy:o dîyo wanmy:uu pile dmi. Yepê, K:omo tpile ala ngwo nmye mbê té, ngmênê nmyi gha dmi mb:aamb:aa ngê choo ya, mu kópu u dîy:o dîyo anmyin:aa yumu.

Luukî 6:25

Yepê, N:ii dé u ntââ mbêmê nmye pyede, dmyinê nkîngê, dîyo anmyin:aa dómudómu. Yepê, N:ii dé a yumu té, dmyinê nkîngê, dîyo anmyin:aa mbê.

Luukî 7:38

Saimon u ngomo k:oo kee wo, Yesu u nkîgh:ê mî ghê wo, yu km:ee dyimê wo, y:i doo mbê, Yesu yu kpâpu dê ngimi ngê a ndê doo. Dini ghi n:ii ngê mbê a kêlî ngê, mbodo gh:aa dmi pywálî ngê, Yesu yu dê u ngwo mê pyi doo, mye nt:uu kalê doo, tpileni d:ââ a ńuwo, yu kpâpu dê yi mbêmê a pii ngê.

Luukî 7:50

Ngmênê Yesu ngê yi pyópu ka kwo, A ka che kêlîmî mb:anê, ṉono yilî u ngwo dî chedê té. Kwo, Ṉono yilî mênangê nuw:onuw:o dé, chi lêpî, mb:aamb:aa ngê mêchin:aa ya.

Njems 1:12

Nmî Lémi u l꞉êê dîy꞉o, pi knî y꞉oo dini ghi n꞉ii ngê dono nmye adnyi d꞉uud꞉uu, n꞉ii ngê nmî Lémi daawa kéé, yi pini u gha mb꞉aamb꞉aa ngê a ya yédi. Yi tókótókó têdê n꞉ii daawa dîpî, nmî Lémi ngê ghê kamî dîyo u kwo wa y꞉oo, mu kópu u dîy꞉o ala kópu ló dini a vyu, apê, N꞉ii nódo a nuu ghi adî ya, ghê kamî u kwo wanî y꞉oo.

Tpyuu 21:4

Apê, Yi ngemi pwo dmi yi ngîma wa pyi té. Apê, Mêdaadnyi pwopwo, mêdaadnyi mbê, mêdaadnyi yii, mêdaadnyi wélîlî mgînî vyîmî. Apê, Yi kópu mbwee dé chedê ngê kêdê pyaa dmi.