Luukî 7:41 - The New Testament in the Rossel Language also called the Yele Language of Papua New Guinea

⁴¹ Yesu ngê kwo, Pi miyó dê y:oo ndáápi ngmê ka ndapî knî ngmê dmy:ee ngópu, kwo, Dîyo am:ii wumo té. Yesu ngê kwo, Woni ngê limoy:a dmy:ee ngê, woni ngê limo yono y:a dmy:ee ngê.

Luukî 7:41 ပူးပေါင်းရင်းမြစ်များ

Mátiyu 18:28

Kwo, Dini ghi n:ii ngê yi pini kuwa pwii wo, dpodo pyu ngmê módu, pini n:ii u tp:uu têdê. Kwo, Dpodombiy:e u kwo mbwolo, kwo, A piy:e chi wumwe.

Mátiyu 6:12

Pi knî yi dono kópu ntee nmî kuwó nmî kéé too, nmî dono kópu yinté ṉguwó myoo kéé té, mêdaanyi nuw:onuw:o dé.

Mak 6:37

Yesu ngê yepê, Nmyi chóó nté pee knî ye ngmê y:ee yó. Kwo, Doo u ntââ. Kwo, Yi ntoo ndapî nmî ngópu daa tóó.

Luukî 11:4

Pi knî yi dono kópu ntee nmî kuwó nmî kéé too, nmî dono kópu yinté ṉguwó myoo kéé té, mêdaanyi nuw:onuw:o dé. Nmî tókótókó ndîî têdê nangê ńuw:o nmo.

Luukî 12:48

Yepê, Ngmênê n:ii u lama dnyinté a ya yédi, ngmêdpî kn:aadi, u lémi ngê dpodombiy:e d:uudpî kpada. Yepê, N:ii u lama a kópu dyuu dnyinté a kwo, dnyinté adî chââchââ. Yepê, N:ii u lama a kópu dyuu mb:aamb:aa ngê a kwo, d:ud:umbiy:e mb:aamb:aa ngê choo chââchââ.

Luukî 13:4

Yepê, Dini ghi n:ii ngê ngomo daadîî pwaa wo, Sailówam, pi y:a mê wááli vyâ, yepê, lukwe, yi yéli yi dono ndîî, wo yéli yi dono daa ndîî?

Luukî 7:40

Yesu ngê Pádisi ka kwo, Saimon. Kwo, Kópu ṉga ngmên:aa tpapê. Saimon ngê kwo, Mââwe. Kwo, Vyi ngi.

Luukî 7:47

Kwo, Ndê kópu ṉga ngmên:aa tpapê. Kwo, Ala pyópu ngê kópu mb:aa n:ii yilî a nga dê d:uu, u ngwo d:a w:ee, d:ê, Ala pyópu nódo a nuu ghi dnyinté daa tóó, mu kópu u dîy:o u tp:uu ndîî kîd:a kêlî, u dono yilî dî chedê té. Kwo, N:ii u tp:uu daa ndîî yed:a kêlî, a nuu ghi ṉódo dnyinté a tóó.

Lóma 3:23

Dp꞉oo u mo u mo dé, pi yintómu nmo dono dé, dp꞉oo Chóó Lémi u pee dé, ngmênê Chóó Lémi ngê nmî módó yeedeyeede nmo a kpo, Yesu Kédisu nmo a dy꞉ââ ngê, dono vy꞉o yinê wunê pw꞉iipw꞉ii nmoo, u l꞉êê dîy꞉o Chóó Lémi ka pi mb꞉aa ngê nmî pyaa dniye.

Lóma 5:20

Chóó Lémi ngê u dêêpî kópu dyuu nmo a kpo, mu kópu u dîy꞉o apê, Yi lama paa yaa we, Ala nmo dono dé. Pini n꞉ii ngê ala kópu wa vyi, A dono ndîî, ala kópu amye vyi, Chóó Lémi u módó yeedeyeede a ka mye ndîî, a dono u kuwó myaa kéé té.