Luukî 6:45 - The New Testament in the Rossel Language also called the Yele Language of Papua New Guinea

⁴⁵ Yepê, Yoo myenté. Yepê, Kópuni ngê pi u gha dpo nt:ono, yi kópu vyîlo ye tpapê ngê. Yepê, N:ii mb:aamb:aa, kópu mb:aa knî y:oo u gha dpo nt:ee ngmê, kópu mb:aa ye tpapê too. Yepê, N:ii dono, kópu dono knî y:oo u gha dpo nt:ee ngmê, kópu dono ye tpapê too.

Luukî 6:45 ပူးပေါင်းရင်းမြစ်များ

Njon 7:38

Yepê, Puku yedê alanté a tóó, Mbu ngê mbwaa ntee dpî yeede té, yi pini ngê pi yilî mbwaa njini ngê yinté wa yeede té.

Dpodo 5:3

Pita ngê kwo, Ananayas. Kwo, Lukwe dîy꞉o Setan ngê ṉga dê nt꞉ono, ṉga yinê dê vyi, Chóó Lémi u Ghê Dmi u ngwo chi dóó. Kwo, Lukwe dîy꞉o ṉ́êpê ghi u pywuu knî m꞉uu chi mgîpa kwolo.

Epeso 3:8

K꞉omo tpile nmî Lémi u yoo vy꞉o dênoo a kwo, ngmênê yinê a ngmidi noo, dpodoni u pi ndîî, yi dpodo ńedê a kaa noo, a ka pê, Yélini daa Nju tpémi, a pi ye chin꞉aa tpapê. Ala ngwo yi dpodo ńedê anî kwo, pi knî ye yenîmo, Yesu Kédisu ka nmî ch꞉anê dniye, ntênê nmo wunê vyuwo yédi, doo u ntââ yi kópu mb꞉aa yilî daanmî chedê.

Epeso 4:29

Danêmbum têdê dono kópu nmyi kwo kîdangmê pwii. Kópu mb꞉aa yidmyinê tpapê dé, yoo u ngwo dmyinê ngêêpî dé, yi kêlîmî wêdêwêdê ngê u ngwo paa pyaa dniye.

Epeso 5:19

Wéti n꞉ii nmyi lama a kîgha too, myenté wéti n꞉ii nmî Mî u puku yedê a pyede, myenté wéti n꞉ii Yesu u yoo knî y꞉oo ala ngwo dê vyi t꞉oo, yi wéti knî y꞉e nmî Lémi nmyi gha knî yi vy꞉o yinté dmyinê chaa kîgha.

Kîlosa 3:16

Nmî Lémi Yesu Kédisu u kópu dyuu ndêndê ngê nmyi gha vy꞉o dny꞉oo kwo, u nuw꞉o ndîî mbêmê dmyinê numo ndiye kîgha, numo kuwó myedmyinê mbumu. U Ghê Dmi ngê wéti n꞉ii nmyi lama a kîgha too, myenté wéti n꞉ii nmî Mî u puku yedê a pyede, myenté wéti n꞉ii Yesu u yoo knî y꞉oo ala ngwo dê vyi t꞉oo, yi wéti knî y꞉e nmî Lémi nmyi gha knî yi vy꞉o dmyinê kwunokwuno.

Kîlosa 4:6

Nmyi kópu dé pwópwó ngê kîngmê pyódu. Pini n꞉ii nmî Lémi p꞉uu nmye adî póó, u kakêmê ntênê u kwo dpî chámê yó.

Hipîlu 8:10

Ngmênê mu dini ghi ngê kamî ngê anî pyódu té, myombó a ka amênê kââdî té. Nmî Lémi ngê apê, Yi yâpwo ngê anî ya, a yoo ngê adnyi kwo. Dini ghi n꞉ii ngê yi kn꞉ââ yoo a ka nê kââdî too, a dêêpî kópu dyuu chêêpî kpââ dê yi p꞉uu nê d꞉êê too, ngmênê dini ghi n꞉ii ngê ala yéli a ka anê kââdî té, a dêêpî kópu dyuu yi mbodo mênê anê yé té, yi gha vy꞉o amyidnyi ya.

Njuda 1:15

pi yintómu amî kóté kalê t꞉oo. Yélini yintómu nmî Lémi pono daa vyápê nyédi, yi kpadakpada têdê wa dy꞉ââ t꞉oo, mu kópu u dîy꞉o a dono nyédi, nmî Lémi p꞉uu a peede tpapê nyédi.