Luukî 15:18 - The New Testament in the Rossel Language also called the Yele Language of Papua New Guinea

¹⁸ Apê, M:aa ka p:o mênê lêpî, M:aa ka ala kópu an:uu vyi, M:aa, Chóó Lémi ka noo dono, ṉga myenoo dono.

Luukî 15:18 ပူးပေါင်းရင်းမြစ်များ

Mátiyu 3:6

Yi dono yilî yi yuu dmi Njon ka dnyimon:aa a y:emî dé, wod:oo mbwaa ndîî paa Njódan yinê dpîmo kmênêkmênê dé, mbápitisîm ye dpîmo yém, yi dono yilî u ngwo dpîmo ghêêghêê dé.

Mátiyu 6:14

Yepê, Dono kópuni pi knî y:oo nmye a d:uud:uu tumo, nmyi kuwó wanmyi kéé t:oo, ye nmyi Mî ngê nmyi dono kópu dé u kuwó u nkwo wa kéé té, mêdaawa a ngî té.

Mátiyu 6:9

Yepê, Ala ngêpê yidmyina a ng:êênî, apii Munmîkó M:aa, nmî pwo nye tóó. Pi knî y:oo ntênê dny:oo chââchââ ngi.

Mátiyu 7:11

Yepê, K:omo tpile dono nmyi mênê a tóó, ngmênê nmyi tp:ee dmââdîma ye tpile mb:aa vy:ee yémî tumo. Yepê, Pi ka vyuwo têdê nmyi Mî ngê a t:ee kîgha nmyoo. Yepê, Mbóó p:uu wunê tóó, dono u mênê daa tóó. Yepê, N:ii ngê kópu mb:aa dé u kwo wa dmy:ee té, daawa dóó, ndêndê ngê u kwo wa a y:ee té.

Luukî 11:2

Yesu ngê yepê, Ala ngêpê yidmyina a ng:êênî, apii Munmîkó M:aa, pi knî y:oo ntênê dny:oo chââchââ ngi. Nmî y:enê kn:ââ lîmî k:ii a chépi.

Luukî 15:17

Yepê, U nuw:o u kwo yimênê diyé wo, apê, Ng:aanî dómudómu. Apê, M:aa p:uu dpodo pyu knî y:oo dye ghi yintómu u ntââ ntini yiwunê pîpî ngmê.

Luukî 15:19

Doo u ntââ ṉ́m:ee ngê mêdaanî ya, ṉmodo pyu ngê pyódu nédi.

Luukî 15:21

Yepê, Tp:oo ngê kwo, M:aa, Chóó Lémi ka noo dono, ṉga myenoo dono, doo u ntââ ṉ́m:ee ngê mêdaanî ya.

Luukî 18:13

Yesu ngê yepê, Pádisi yinté doo ngêpê, ngmênê tákisi ngêêpî pyu mwada y:i u mo a ghê wo, u dono knî yi l:êê dîy:o k:ame doo kwo, tpéé kópu yilî doo tpapê, mbodo a ny:ii ngê, Chóó Lémi ka kwo, A Lémi, ṉga d:oo ch:anê wo, a dono yilî ṉguwó wanyi kéé té?