Lóma 4:15 - The New Testament in the Rossel Language also called the Yele Language of Papua New Guinea

¹⁵ U yi nmo adî kwo, Chóó Lémi u dêêpî kópu dyuu d꞉ud꞉umbiy꞉e nmî châpu, ya mb꞉aa u ngwo u kwo nmî pwila, ngmênê wanmî dêê dmi, nmî kpadakpada anmo pyw꞉oo, mu kópu u dîy꞉o doo u ntââ pi ngê Chóó Lémi u dêêpî kópu dyuu d꞉ud꞉umbiy꞉e d꞉uudpî châpu. Dêêpî kópu dyuu wodaa kwo, ye pi ngê daapê vyi, Dono kópu ngmêchi d꞉uu.

Lóma 4:15 ပူးပေါင်းရင်းမြစ်များ

Njon 15:22

Nmopê, Yi yéli ye danêmbum têdê wodîp:a loo, ye daapî mb:ii noo, yi dono ndîî ngê daapî pyodo, ngmênê dono ndîî ngmê d:uu ngópu, kî mb:ii noo, M:aa ngê dpodombiy:e u ngwo wa kpada té.

Njon 3:36

Yélini Tp:oo ka a kêlîmî nyédi, yi nuw:o dmi kamî ngê dpî pyódu, ghê kamî dpo pyw:ee ngmê, ghéni n:ii chedê ngê daawa pyódu. Yélini Tp:oo ka daa kêlîmî té, u dnye daa nyêmî ngmê, yi yéli yi nuw:o dmi kamî ngê daawa pyaa dmi, ngmênê Chóó Lémi ngê adî kpadakpada dé. Yi kpadakpada chedê ngê daawa pyódu.

Lóma 1:17

Yesu p꞉uu kópu mb꞉aa mbêmê ala kópu nmo w꞉ee ngê, Chóó Lémi ngê dnyinté daawa kóté kalê nmo, módó nmo daawa vyi, Dyââpe nmyi p꞉uu daa t꞉a, ngmênê Yesu ka kêlîmî mbêmê nmî dyââpe wa pwaa té. Yesu ka dye ghi yintómu dmyinê kêlîmî, mu kópu u dîy꞉o puku yedê alanté a tóó, apê, Pini n꞉ii adî kêlîmî, Chóó Lémi ka pi mb꞉aa ngê u ngwo wa pyódu.

Lóma 5:13

Kn꞉ââ Adam u dye ghi ngê, nkoo Mósisi ngê Chóó Lémi u dêêpî kópu dyuu mî d꞉êê ngê, yi ngwo dyámê mbêmê dono modoo ya. Doo u ntââ pwopwo u wépi daapî pwaa ngópu. Chóó Lémi ngê Adam ka kópuni a vyu, yi kópu Adam ngê daa nyongo, dono d꞉uu ngê, u kuwó dini ghi ngê yed꞉oo pwene. Chóó Lémi ngê yélini ye kópu daa vyu, mye pw꞉oo dniye. Yi dini ghi ngê Chóó Lémi ngê u dêêpî kópu dyuu pi ka ghêlî daa vyu, yi kópu u l꞉êê dîy꞉o Chóó Lémi ngê yi dono dêdpîmo a kpââ. Adam ntee doo a ya, Yesu yinté myedoo a ya, mu kópu u dîy꞉o pi ngmidi u wââ pi yilî yi p꞉uu kee wo. Adam mu ngmidi ngê knâpwo kalê nmoo, Yesu mu ngmidi nmî Mbwámê ngê mê pyodo.

1 Kódin 15:56

N꞉ii ngê Chóó Lémi u dêêpî kópu dyuu d꞉uudpî châpu, dono dpî d꞉uu, d꞉ud꞉umbiy꞉e dpî pw꞉onu.

Nkalásiya 3:10

N꞉ii knî y꞉oo u yi a kwo, Dêêpî kópu dyuu chââchââ mbêmê Chóó Lémi ka pi mb꞉aa ngê nmî pyaa dmi, yi yéli wa dêê dmi, Chóó Lémi ngê dîyo wa dyênê té. Yi kópu nmî lama a tóó, mu kópu u dîy꞉o puku yedê alanté a tóó, N꞉ii ngê dêêpî kópu yintómu daadî chââchââ, Chóó Lémi ngê dîyo wa kpada.

Nkalásiya 3:19

A ka anmyinê póó dmi, a ka nye, Lukwe dîy꞉o Chóó Lémi ngê dêêpî kópu dyuu Mósisi ka a y꞉ângo? U nt꞉u kópu nmye nînê tpapê, pi knî y꞉oo dono kópu daamupaa d꞉uu y꞉e, u dî Yesu Kédisu paan꞉aa taa we, pini n꞉ii p꞉uu Chóó Lémi Epîlaham ka doo a ndê danê. Myenté Chóó Lémi ngê u dêêpî kópu dyuu pi knî ye chóó dêpê vyu, Mósisi ngê enjel knî yi kwo a ny꞉ee too, pi knî ye u nkwo mî vyi too.

Epeso 5:6

Pi ngê k꞉omodanê kópu knî yi mbêmê kîngê dóó nmyo. Yélini nmî Mî ka daa ng꞉aa nyédi, yinté kópu a d꞉uud꞉uu tumo, vyîlo yi kópu knî yi l꞉êê dîy꞉o wa kpada té.

Kîlosa 3:6

Yélini nmî Mî ka daa ng꞉aa nyédi, yinté kópu a d꞉uud꞉uu tumo, vyîlo yi kópu knî yi l꞉êê dîy꞉o nmî Mî ngê wa kpada té.

1 Njon 3:4

N꞉ii a dono yédi, yi pini nmî Mî p꞉uu a d꞉uu yédi, u dêêpî kópu dyuu daa chââchââ ngê.

Tpyuu 19:15

Yoo dyêêdî dono yi vyee u l꞉êê dîy꞉o taa ńepwi ngmê u kwo ngma a pwii wo. Nkichi pee kiyé ngê adî vyee dé. Yoo dono wain kîgha mtyé ntee tpile ngê wa pyódu té, adî vyilêvyilê dé, yi wêê adî pywuwopywuwo, mu kópu u dîy꞉o Chóó Lémi dpodombiy꞉e ye nod꞉e wo.