Lóma 14:1 - The New Testament in the Rossel Language also called the Yele Language of Papua New Guinea

^1-2 A tîdê mbwó yoo, nmyo yintómu Yesu u yoo vy꞉o yéli, ngmênê ala kópu a lama kîyedê tóó, nmyi vy꞉o pi dyêêdî miyó a tóó, dyêêdî ngmê n꞉ii dé Nju tpémi, dyêêdî woni n꞉ii dé daa Nju tpémi. N꞉ii dé Nju tpémi, nté pywupwi têdê tpile tp꞉oo mbyuu d꞉uudpî pwila ngmê, myedaawa ma ngmê, mu kópu u dîy꞉o dpo, N꞉ii ngê kî tpile tp꞉oo dê vy꞉a, chóó u k꞉omo yâpwo ka yi tpile tp꞉oo u ghê dê y꞉oo. Dpo, Kî tpile tp꞉oo mbyuu wanmî ma knomomê, ye Chóó Lémi ka tupwótupwó ngê wanmî pyaa dmi. A tîdê mbwó yoo, yi yéli y꞉oo dêêpî kópu dyuu mwo a chââchââ ngmê, ala kópu ye d꞉ud꞉umbiy꞉e doongê wa wo, Yesu ka kêlîmî mbêmê Chóó Lémi ngê yinêwa a kââdî nmo. Yélini Yesu ka dpodombiy꞉e a kêlîmî té, yi yéli y꞉oo tpile tp꞉oo mbyuu a pywupwi tumo, mye pîpî tumo, mu kópu u dîy꞉o dpo, K꞉omo tpile kî tpile tp꞉oo u ghê k꞉omo yâpwo ka dê y꞉ee ngmê, ngmênê k꞉omo yâpwo k꞉omodanê u tpile, daa yâpwo ndêndê. A tîdê mbwó yoo, k꞉omo tpile nmyi nuw꞉o dmi u mo u mo dé, ngmênê noko mb꞉aamb꞉aa ngê dmyinê ya. Pini n꞉ii Yesu ka dpodombiy꞉e daa kêlîmî, u l꞉êê dîy꞉o tpile tp꞉oo mbyuu daa pîpî too, yi pini nangê mb꞉ii, u nuw꞉o nangê ngmêê.

Lóma 14:1 ပူးပေါင်းရင်းမြစ်များ

Mátiyu 12:20

Yoo kwolo ngmê dé daawa chedê té, ngmênê wa wáti té, n:ii dé yi kêlîmî têdê dé, amî kaa té, u dî, u yoo yintómu kamî ngê amî pyódu té.

Mátiyu 14:31

Yi ngwo Yesu kwulo kele, dpodombiy:e mgîmî ngê, kwo, Ṉgêlîmî têdê. Kwo, Lukwe dîy:o dnyinté a ka nyinê kêlîmî.

Mátiyu 18:10

Yesu ngê yepê, Yélini yi pi dmi daa ndîî, ye mb:aamb:aa ngê dmyina a vyuwo. Yepê, K:omo tpile ngê nmye wa pyaa knomomê, ye Chóó Lémi ngê u nkwo wa kpada nmyo. Yepê, Yi yéli yi enjel yoo yi l:êê dîy:o dye ghi yintómu Chóó Lémi ka a ngêpê nyédi.

Luukî 17:2

Yepê, Pini n:ii u l:êê ghi mbêmê pi kamî knî y:oo maa mb:aa wa kn:aadi ngmê, Chóó Lémi ngê yi pini dnyinté daawa kpada. Yepê, Pi knî y:oo yi pini mwiyé wo mgîmî ngópu, chêêpî pââ ndîî nódo ngmêwo kudu ngópu, mbéli u kwo wumê kalê ngópu, ye yi dono ndîî daapî d:uu ngê, Chóó Lémi ngê dpodombiy:e daapaa kpada.

Njon 13:20

Nmopê, Ala kópu nmye kîdî vyi, Namê lémi lémi, ngmênê ndê kópu nmye m:uu n:aa tpapê, Nmyo a dyede pi yoo. N:ii ngê adî chââchââ nmyo, amyedî chââchââ nê. Nmopê, Ndê kópu m:uu ala, N:ii ngê adî chââchââ nê, M:aa amyedî chââchââ, pini n:ii ngê a dy:ââ noo.

Dpodo 28:2

Mólîta tpémi mb꞉aamb꞉aa ngê nmo dnya a vyuwo, ndyuw꞉e nmo ngmê kpê ngópu, mu kópu u dîy꞉o tpii vy꞉o, nkuwo ndîî.

Lóma 11:15

Dini ghi n꞉ii ngê Chóó Lémi ngê mb꞉ii too, u ngwo u kwo a kââdî nmyoo. Dini ghi n꞉ii ngê Chóó Lémi ngê u kwo amêdê kââdî té, ń꞉aangê p꞉eeni kópu kpêênî amêdê pyidu té.

Lóma 14:21

Kópuni ngê m̱wó wa a lvêêdî, k꞉omo tpile tpile tp꞉oo mbyuu pîpî ó mbwaa ndanî ó ló kópu ngmê, ngmênê yi kópu kîdmyengmê d꞉uu ngmê.

Lóma 14:3

Yélini y꞉oo tpile tp꞉oo mbyuu a pîpî tumo, yélini y꞉oo daa pîpî tumo, numo p꞉uu danê ngê kêê kîdmyenêngê t꞉ee ngmê, mu kópu u dîy꞉o nmyo yintómu Chóó Lémi ngê u yoo vy꞉o kaa nmyoo.

Lóma 15:1

Yélini yi k꞉ii Yesu ka ndêndê ngê nmo kêlîmî té, nmî pyipe yoo, n꞉ii dé u kwo dnyinté a kêlîmî té, yi yéli yi kwódu yiyé u kópu dé pêdê vyîmî téme. Nmî chóó nmî nuw꞉o u pono daanmî vyápê.

Lóma 15:7

Yesu ngê u kede paa ntee t꞉ee nmyoo, numo u kede paa yinté dmyinê ya. Yi kópu u l꞉êê dîy꞉o pi knî y꞉oo Chóó Lémi u ngwo dny꞉oo chaa kîgha.

Lóma 4:19

K꞉omo tpile daa kêmakêma Epîlaham ngê u m꞉ââ yono y꞉a ngê doo pyépi, u pââ myedê mtiti wo, u kpâm Sela doo u ntââ tp꞉ee daapî tpyó, ngmênê u kêlîmî têdê ngê daa pyodo.

1 Kódin 9:22

Yélini Yesu ka yimi doongê kêlîmî mbê dniye, yi yéli yi vy꞉o kyedekyede n꞉aa m꞉ii yédi, u ya a nga daa kwo, Ngmênî lvêêdî. U ya a nga a kwo, Nmî Lémi Yesu ka dpodombiy꞉e pîdny꞉oo kêlîmî. Yi pi dyêêdî knî yi vy꞉o yinté pini ngê myinê pyodopyodo yédi, mu kópu u dîy꞉o nmî Lémi Yesu ka knî ngmê paa kêlîmî mbê we.

Pilipay 2:29

Dini ghi n꞉ii ngê nmye d꞉uu taa knomomê, mb꞉aamb꞉aa ngê dpo chipé yó, mu kópu u dîy꞉o Lémi mu ngmidi p꞉uu nmye dpodo té. Doo u ntââ nmyi chóó daanmyi ngee nê, mu kópu u dîy꞉o kuughê nmye nînê tóó, ngmênê yinê mî ngee noo, Yesu Kédisu p꞉uu dpodo têdê pwopwo kêpa doon꞉aa kwo. Yinté pini dmyinê chââchââ dé.

1 Tesalonika 5:14

Nmî tîdê mbwó yoo, nmyi vy꞉o yélini a mgeemgee nyédi, yi kuwó dmyinê mbumu. Yélini a nkîngê té, dmyinê wêdêwêdê kîgha dé. N꞉ii knî ye kópuni doo u ntââ ngê adî ya, dmyinê ngêêpî dé. Pi knî ye nmyi mbodo l꞉âmo dmi lîmîlîmî ngê kîdangmê ngêpa.

Hipîlu 5:14

Nté wêdêwêdê pyââwe mââwe knî y꞉oo vyîlo ye pîpî ngópu, yi nuw꞉o dmi ńépwi ngmê dé dono mb꞉aamb꞉aa ntênê dpî mya d꞉oo.

2 Njon 1:10

Pini n꞉ii nmye dê lee knomomê, Yesu Kédisu u kópu dyuu ndêndê nmye daadîn꞉aa tpapê, yi pini nmyi ngomo k꞉oo ngomo k꞉oo kêngên꞉aa koko, kóó myenangê mgîmî,