Hipîlu 8:10 - The New Testament in the Rossel Language also called the Yele Language of Papua New Guinea

¹⁰ Ngmênê mu dini ghi ngê kamî ngê anî pyódu té, myombó a ka amênê kââdî té. Nmî Lémi ngê apê, Yi yâpwo ngê anî ya, a yoo ngê adnyi kwo. Dini ghi n꞉ii ngê yi kn꞉ââ yoo a ka nê kââdî too, a dêêpî kópu dyuu chêêpî kpââ dê yi p꞉uu nê d꞉êê too, ngmênê dini ghi n꞉ii ngê ala yéli a ka anê kââdî té, a dêêpî kópu dyuu yi mbodo mênê anê yé té, yi gha vy꞉o amyidnyi ya.

Hipîlu 8:10 ပူးပေါင်းရင်းမြစ်များ

Mátiyu 22:32

Nê, ṉg:ââ Epîlaham u yâpwo, myenté tp:oo Yisak u yâpwo, myenté Yisak tp:oo Njakóp u yâpwo. Yepê, Chóó Lémi yi tpóknî yi yâpwo, yi kópu u l:êê dîy:o, k:omo tpile a pw:oo dniye, ngmênê yi ghê a pyede. Yepê, Chóó Lémi daa ntóó knî yi yâpwo, ngmênê n:ii dé yi ghê a pyede, vyîlo yi yéli yi yâpwo.

Lóma 11:27

Chóó Lémi ngê ala kópu mye vyu, apê, Dini ghi n꞉ii ngê yi dono anî chedê té, a ka u ngwo anê kââdî té.

1 Kódin 6:16

Mumdoo nmyi lama daa tóó, n꞉ii téli pyââ ka dpî lê, u k꞉ii ngmidi ngê dpî pyaa knî. Yi kópu puku yedê mye tóó.

2 Kódin 3:3

Yesu Kédisu ngê kópu dyuu n꞉ii vyu, nmyi gha vy꞉o a chóó n꞉uu d꞉êê ngê, pi yintómu yi pweepwee pee u kpââ ngê u ntââ mbêmê a pyede. Daa d꞉êê u tpile ngê yi kópu dyuu n꞉uu d꞉êê ngê, ngmênê Chóó Lémi u Ghê Dmi mbêmê ghê kamî nmyinê pyw꞉ee ngópu. Mósisi ngê u dêêpî kópu dyuu chêêpî kpââ p꞉uu wunê a d꞉êê too, ngmênê Yesu Kédisu u kópu dyuu a komo ngê nmye n꞉uu vyu, nmyi gha vy꞉o u ngwo n꞉uu d꞉êê too.

Taitas 2:14

Nmî l꞉êê dîy꞉o chóóchóó a y꞉ângo, dono kwulo a pwaa nmoo, tupwóni nmî p꞉uu doo ya, a ghêê ngê, chóó u yoo ngê u ngwo pyódu nmoo. Ala ngwo u yi nmo a kwo, Kópu mb꞉aa yilî nmî d꞉uu.

Hipîlu 11:16

U yi y꞉e doo kwo, Dyámê pee mb꞉aa mbêmê nmî lee dmi, Chóó Lémi kwéli wunê tóó. Yi kópu u l꞉êê dîy꞉o yi wépi dmi daa puwâ, p꞉aa ndêndê yi l꞉êê dîy꞉o ngmê l꞉âmo ngê.

Njems 1:18

Dini ghi n꞉ii ngê nmî nuw꞉o dono dpî tpamê, dono u ngwo nmo d꞉uud꞉uu ngê, ngmênê Chóó Lémi daa yinté. Dini ghi n꞉ii ngê Chóó Lémi u nuw꞉o mb꞉aa tpamê wo, Yesu p꞉uu ndêndê kópu mbêmê kamî ngê yinê pyódu nmoo. U yi u ngwo a kwo, Nmî tîdê mbwó mê yilî ngê paa pyaa we.

Njems 1:21

Dononi nmyi mênê a pyede, dpî kéé tóó. Chóó Lémi ka dmyinê ng꞉aa, p꞉uu dmyinê ndiye. Nmî Mbwámê Yesu p꞉uu kópuni nmyi ny꞉ee ngópu, nmyi gha vy꞉o mb꞉aamb꞉aa ngê choo ya. Yinê wa ngee nmyo.

1 Pita 1:23

mu kópu u dîy꞉o myombó m꞉ii pyaa dniye, nmyi ghê kamî chedê ngê daawa pyódu. Daa nmyi pye mî knî y꞉oo kamî ngê a pyódu nmyoo, ngmênê Chóó Lémi u kópu ngê kamî ngê yinê pyódu nmyoo. Yi kópu chedê ngê daawa pyódu,

1 Pita 2:9

Nmî Lémi kéé ngópu, p꞉uu a lvêêdî dniye, ngmênê dp꞉ee yinté yéli. Chóó Lémi ngê kópu mb꞉aa yilî yi p꞉uu ló dini a vyi too, ngmênê dêê dniye, yi kópu knî nmyi chóó dmyi ntiye t꞉oo. Chóó Lémi ngê a ngmidi nmyoo, u nuu u yoo ngê pyódu nmyoo. Dyámê pê u king ndêndê, Chóó Lémi, p꞉uu nmye dpodo té. Chóó Lémi, kuwa yéli yi kêlî ghê nmye wee. U yoo vy꞉o kaa nmyoo, mu kópu u dîy꞉o kuwa yéli yi ngîma Chóó Lémi pênmyi chaa kîgha. Nmye chaa kîgha ngópu, mu kópu u dîy꞉o mgîdî u yoo vy꞉o nmyee a kwo, ngmênê a danê nmyoo, chóó u wo mî kaa nmyoo.