Hipîlu 5:11 - The New Testament in the Rossel Language also called the Yele Language of Papua New Guinea

¹¹ A tîdê mbwó yoo, u ya a nga a kwo, Yi kópu p꞉uu kópu yilî nmye nî vyi, ngmênê u kakêmê chámêchámê nmye dpodo ndîî, mu kópu u dîy꞉o nmyi mbodo dmi dîngîdîngî dé.

Hipîlu 5:11 ပူးပေါင်းရင်းမြစ်များ

Mátiyu 13:15

Kwo, Yi kópu kî yéli ye dpî vyi ngi, mu kópu u dîy:o, yi ngwolo dmi my:oo a tóó, nkê kpeme a pyede, yi mbodo podo dé. Wo daa yinté, u mumu ngê pê mumu ngmê, u nyêmî ngê pê nyêmî ngmê, u wopwe ngê pêdê wopwe ngmê, a ka pêdê diyé dmi, pîdî pyi té.

Mak 8:21

Yepê, Mudmyongê w:ee ngópu? Yepê, Dómu ngê daawa ngee nmo. Yepê, Daa mbîdédi p:uu nmye n:aa mgongo. Yepê, Pádisi yoo yi l:êê ghi dé kîdmyongê d:uu t:oo, Helodi u l:êê ghi myekîdmyongê d:uu ngmê.

Luukî 24:25

Wod:oo Yesu ngê yepê, Lukwe dîy:o dpî mbodo dê dîngîdîngî dê. Yepê, Kópuni yilî Chóó Lémi u komo kapî pyu knî y:oo a d:êê tumo, lukwe dîy:o yi kópu knî ye dêdpîdê kêlîmî mo.

Njon 16:12

Yesu ngê nmopê, Kópu ndîî yilî a mênê ka tóó. Nmopê, U ya a nga ka kwo, Nmye nî vyi té, ngmênê u nyêmî ngê dp:ee ntââ dé ala ngwo.

Njon 6:6

Pilipi doo a tókótókó, yi kópu u ngwo u kwo vyu. Yesu u lama doo ya, Kî yéli yi ngópu mbwudu ngmên:aa chap, u ngwo n:aa mbonombono té.

Dpodo 28:27

Kwo, Yi kópu kî yéli ye dpî vyi ngi, mu kópu u dîy꞉o, yi ngwolo dmi my꞉oo a tóó, nkê kpeme a pyede, yi mbodo podo dé. Wodaa yinté, u mumu ngê pê mumu ngmê, u nyêmî ngê pê nyêmî ngmê, u wopwe ngê pêdê wopwe ngmê, a ka pêdê diyé dmi, pîdî pyi té.

Hipîlu 5:10

Chóó Lémi ngê kpêê yiyé pyu ngê mye pyódu ngê, kwo, Mélkisadek ntee pini ngê anyi ya.

Hipîlu 5:12

Yesu u yoo vy꞉o ló dini munmyinê ghê dniye, lukwe dîy꞉o ndiye kîgha pyu ngê dmyongê pyaa dniye. Chóó Lémi u kópu n꞉ii nmyi ndê tumo, lukwe dîy꞉o dnyinté nmyi ndê tumo, woni dmyongê ndê tumo. Lukwe dîy꞉o nmye ngmo ndanî nyédi, nté wêdêwêdê dp꞉ee pîpî ngmê. Nmyi nuw꞉o pwiipwii dé.

2 Pita 3:16

U pweepwee pee yedê yi kópu knî yi p꞉uu u mo kópu nmye dêpê d꞉êê ngê. U pweepwee pee knî yi yedê kópu woni knî yi wopwe dpodo ndîî ngê nmye dpî pyaa dmi, ngmênê pi ngê kîngê dóó nmyo. Yélini yi ndiye daa ndîî, n꞉ii knî y꞉oo maa dpî kn꞉aadi ngmê, Póól u kópu dé dpo kp꞉aa t꞉oo, ngmênê yi kakêmê chámêchámê têdê kn꞉aa kópu knî y꞉i ngmêdpî kaa ngmê. Chóó Lémi u Puku yedê kópu dyuu yinté u mo ngê myoo pyódu t꞉oo, yoo kn꞉aa máádi p꞉uu u ngwo dpî kaa t꞉oo. Yi kópu u l꞉êê dîy꞉o Chóó Lémi ngê wa dyênê té.