2 Tesalonika 1:12 - The New Testament in the Rossel Language also called the Yele Language of Papua New Guinea

¹² Yi kópu knî yi mbêmê nmî Lémi Yesu u pi ndîî ngê anmyi pyódu ngmê, amye chaa kalê nmyo, mu kópu u dîy꞉o nmî Mî, nmî Lémi Yesu Kédisu k꞉ii mb꞉aamb꞉aa ngê nmye wunê vyuwo nódó.

2 Tesalonika 1:12 ပူးပေါင်းရင်းမြစ်များ

Njon 17:10

Kwo, Yélini a yoo, myenté ṉyoo, yélini ṉyoo, myenté a yoo. Kwo, Yi l:êê dîy:o pi knî y:oo a pi wa km:êê ngmê.

1 Kódin 1:4

Dye ghi yintómu nmyi l꞉êê dîy꞉o Chóó Lémi n꞉aa kwunokwuno ngê, mu kópu u dîy꞉o Yesu Kédisu ka a kââdî nmyoo, kópu mb꞉aa yilî nmye wunê d꞉uud꞉uu too.

2 Kódin 13:4

K꞉omo tpile Yesu Kédisu ngê u wêdêwêdê a kuwo ngê, kîdosi ńedê u ngwo t꞉ee ngópu, ngmênê Chóó Lémi u wêdêwêdê mbêmê kpêênî mêdê pii wo. Nê my꞉aa yinté. A chóó a wêdêwêdê myinê kuwo ngê, ngmênê Chóó Lémi u wêdêwêdê ndîî mbêmê nmyi vy꞉o anîn꞉aa dpodo.

2 Kódin 8:9

Nmî Lémi Yesu Kédisu ngê kópuni nmî l꞉êê dîy꞉o d꞉uu ngê, nmyi lama ka tóó. Tpile yilî yintómu yi kada pini ngê wunê doo a ya, ngmênê nmî l꞉êê dîy꞉o dyámê mbêmê a loo, ngópuch꞉anê ngê mîmê pyodo, mu kópu u dîy꞉o u yi u ngwo doo kwo, A yoo yi l꞉êê dîy꞉o kópu ndîî yilî nî d꞉uu. Nyââ, kópu yilî nmyi l꞉êê dîy꞉o a d꞉uud꞉uu too, ngópuch꞉anê yoo yinté myedmyinê ngêêpî dé.

Pilipay 3:9

Dini ghi n꞉ii ngê dêêpî kópu dyuu chââchââ ndîî kópu ngê a ka doo a ya, alanté noo a nuw꞉o, Yi kópu knî yi mbêmê Chóó Lémi ka pi mb꞉aa ngê wanî pyódu, ngmênê ala ngwo yinté mêdînê nuw꞉o, mu kópu u dîy꞉o Yesu Kédisu ka n꞉aa kêlîmî, a dono yinê chedê too, Chóó Lémi ka pi mb꞉aa ngê yinê pyódu noo, chóó u kwo myedê kââdî noo.

2 Tesalonika 1:10

Yi ngwo u yoo knî y꞉oo adnyi chaa kîgha, n꞉ii yoo u kwo a kêlîmî té, u pi ndîî ngê wa pyódu ngmê. Nmyo myentee dé, amyenmyin꞉aa chaa kîgha, mu kópu u dîy꞉o Yesu p꞉uu kópuni nmye nm꞉uu vyi too, yi kópu knî ye nmyi kêlîmî mbê dniye.

Taitas 2:11

Nmî Mî ngê kópu ndîî nmî l꞉êê dîy꞉o ngmê d꞉uu ngê, u yi u ngwo a kwo, Pi yintómu nê diyédiyé kalê té, a kêê k꞉oo nî kaa té.

1 Pita 4:14

Yesu Kédisu u l꞉êê dîy꞉o nmye adnyi peede tpapê knomomê, ye nmyi gha dmi mb꞉aamb꞉aa ngê dny꞉oo ya, mu kópu u dîy꞉o nmyi lama ka tóó, Chóó Lémi u Ghê Dmi nmyi p꞉uu a t꞉a.

Tpyuu 1:4

Nê Njon, Yesu u yoo knî ye nînê d꞉êê, yélini p꞉aa pyudu knî yi kwo a pyede, Esiya Wee u kwo. Nmî Mî nmye choo a vyuwo, nmyi nuw꞉o dmi ngmidi ngê myechoo a pyépi. Yi pini ala ngwo a tóó, dye ghi yintómu doo a ya, chedê ngê daawa pyódu. U Ghê Dmi nmye myechoo a vyuwo, ghéni dmi n꞉ii u ngîma wunê kwo, myenté dpodo pyudu a dódó ngê.