1 Timoti 6:3 - The New Testament in the Rossel Language also called the Yele Language of Papua New Guinea

³ Pini n꞉ii ngê yoo kn꞉aa kópu p꞉uu adî ndiye kîgha dé, nmî Lémi Yesu Kédisu u ndê kópu dyuu u wépi wa puwâ, yi pini k꞉omodanê pyu. Kópuni nmî Mî p꞉uu nmo tpapê too, yinté pini ngê yi kópu u wépi myoo puwâ.

1 Timoti 6:3 ပူးပေါင်းရင်းမြစ်များ

Mátiyu 22:21

Kwo, Lóma tpémi yi king ndîî u kââ u pi ye tóó mo. Wod:oo Yesu ngê yepê, Tpileni Lóma tpémi yi king ndîî ngmênêni, u kwo mêdmyinê yémî. Yepê, Tpileni Chóó Lémi ngmênêni, Chóó Lémi ka mêdmyinê yémî.

Mátiyu 28:20

Yepê, Dêêpî kópu n:ii nmye nî vyi too, yi nuwo dp:uu kalê tóó, mb:aamb:aa ngê dny:oo chââchââ dé. Yepê, Nkîngê ngê kêê nangê t:oo. Yepê, Dye ghi yintómu nmyi p:uu anî ya, u dî, kuwókuwó wéni amî d:ii. Wu u dî.

Lóma 16:17

A tîdê mbwó yoo, ala kópu a ny꞉ee yó. Pi ngê chóó u nuw꞉o ghi mbêmê kîngî chámê nmyo, nmyi kêlîmî myekîngî dyênê. Pini n꞉ii ngê yinté kópu nmye choo d꞉uud꞉uu, yi pini dmyina a kuwokuwo. Yesu u kópu dyuu mb꞉aamb꞉aa ngê nmyi ndê ngópu. Pini n꞉ii ngê u yi adî kwo, Yi kópu nî ngmêê té, yi pini mêdmyina a kuwokuwo.

1 Tesalonika 4:8

Pini n꞉ii ngê yi kópu dyuu u wépi wa puwâ, daa pi ntee pi u kópu u wépi yuu puwâ, ngmênê nmî Mî u kópu u wépi yuu puwâ, pini n꞉ii ngê u Ghê Dmi nmye a kpo.

1 Timoti 1:10

ó a pyââ ti nyédi, ó a numo kpêêpî nyédi, ó yoo dpî t꞉âmo t꞉oo, wop dpodo pyu ngê dpî pyódu t꞉oo, ó a k꞉omodanê nyédi, ó k꞉omodanê mbêmê pi dpî ndyîko t꞉oo. Nyââ, yinté yéli yi l꞉êê dîy꞉o dêêpî kópu dyuu nmo a kpo, mu kópu u dîy꞉o ndêndê kópu dyuu daa yi nuu u kópu ngê a tóó.

1 Timoti 1:3

Dini ghi n꞉ii ngê Epeso nê kuwo nyoo, ala Másîdóniya Wee u kwo nê loo, yi ngwo kópuni ṉga nê vyu, chi d꞉uud꞉uu, Epeso chi ya, yélini y꞉oo k꞉omodanê kópu knî yi mbêmê yoo a ndiye kîgha tumo, yi kópu ye chi kwódukwódu.

1 Timoti 1:6

Pi ngmê knî y꞉oo yi l꞉êê ghi dmi mb꞉aa a kuwo tumo, maa ndêndê kn꞉aadi ngópu, módó a danêmbum nyédi.

2 Timoti 1:13

Kópuni dyuu a kwo nyinê ny꞉ee too, ṉ́uw꞉o ńedê ntênê dny꞉oo ya. Ntee noo a dpodo, yinté myecha a dpodo. Yesu Kédisu ngê u kwo a kââdî nyoo, u kwo chi kêlîmî, u nuu ghi ṉódo choo ya.

2 Timoti 4:3

Ala ngwo dpodombiy꞉e chi dpodo, mu kópu u dîy꞉o mu dini ghi ngê yoo ndê kópu dyuu ka daadnyin꞉aa ng꞉aa, u yi y꞉e adî kwo, Kn꞉aa kópu knî m꞉uu nmî nyêmî. Yi ngwo n꞉ii knî y꞉oo yi nuu u kópu dé ye adnyi tpapê dé, vyîlo yi yéli ye adnyi ng꞉aa.

Taitas 1:1

Mw꞉ââkó Taitas, nê Póól, Chóó Lémi p꞉uu n꞉aa dpodo, myenté Yesu Kédisu ngê u dyépi ngê a pyódu noo. Yinê a ngmidi noo, a ka pê, Yélini nê ngmidi ngê, a Tp꞉ee u pi ye chin꞉aa tpapê, a kópu dyuu ndêndê ye chin꞉aa tpapê,

Taitas 1:9

Ndêndê kópu dyuu n꞉ii nmye n꞉uu vyu, yi kópu p꞉uu u nuw꞉o ntênê choo kwo, yoo yi ndiye kîgha u l꞉êê dîy꞉o u ntââ mbêmê u ngwo wa yââ, n꞉ii knî y꞉oo u yi y꞉e adî kwo, Yi kópu dyuu nmî ngmêê, yi pini yi pwo paa lee we.

Taitas 3:8

Ndê kópu yila. Yi kópu dyuu pi knî ye ntênê chi tpapê dé, ntênê yi lama paa yaa dniye. Yélini Chóó Lémi ka a kêlîmî té, u ya a nga a kwo, Kópu mb꞉aa dny꞉oo d꞉uud꞉uu dé. Yi kópu dyuu ye chi tpapê dé, yoo mb꞉aa ngê u ngwo wa pyaa dmi.