1 Timoti 5:14 - The New Testament in the Rossel Language also called the Yele Language of Papua New Guinea

¹⁴ Yi kópu u l꞉êê dîy꞉o u ya a nga a kwo, Kuknwe lvulu yoo mêdny꞉oo yééyéé, myedny꞉oo tpetpe, yi chóó yi p꞉aa knî ye mêdny꞉oon꞉aa vyuwo, mu kópu u dîy꞉o yélini nmî p꞉uu a d꞉uu nyédi, kópu dono nmî p꞉uu daapaa vyi y꞉e.

1 Timoti 5:14 ပူးပေါင်းရင်းမြစ်များ

Lóma 14:13

Numo p꞉uu danê mwo yé koo. Nmyi tîdê mbwó knî yi kada lvêê kpî té nangmê yé.

2 Kódin 11:12

Yi lémi ghi daanî ngmêê, mu kópu u dîy꞉o u ya a nga daa kwo, Yélini nmyinê nmye Yesu u dyépi ndîî dé, yi chóó yi pi dmi dny꞉oo kmîmî dé. Doo u ntââ daadnyi tpapê, Nê ngê kópuni a d꞉uud꞉uu, myino d꞉uud꞉uu.

1 Timoti 2:8

Mââ n꞉ii knî y꞉oo yi gha dmi nmî Mî ka y꞉ee tumo, u pono mye vyápê nyédi, p꞉aani p꞉aani yi yéli y꞉oo yi kêê dmi ntênê dny꞉oo kapî dé, nmî Mî ka u ngwo dny꞉oo ngêpê. Yi yéli daa nod꞉enod꞉e pyu ngê dny꞉oo ya, myenté kwopwepe pyu ngê kîdnyingê ya.

1 Timoti 4:3

Pi knî ye yééyéé adnyi kwódukwódu, nté woni ye amyednyi kwódukwódu dé. Ngmênê nmî Mî ngê nté yintómu nmî l꞉êê dîy꞉o yinê l꞉âmo ngê, u ntââ anmî pîpî dé. Nyââ, u kwo nmo kêlîmî té, u ndê kópu dyuu nmî lama a kwo. Yi kópu u l꞉êê dîy꞉o ntini n꞉ii u dîy꞉o nmo kwunokwuno ngê, u kwódu yé u kópu daangma a tóó, u ntââ anmî pîpî dé.

1 Timoti 5:11

Ngmênê kada pini knî y꞉oo kuknwe lvulu yoo kîngê dpodo kalê t꞉oo, mu kópu u dîy꞉o yééyéé u yi y꞉e m꞉uu adî kwo knomomê, nmî Lémi p꞉uu dpodo wa kpîpî ngmê,

1 Timoti 6:1

Nmî Lémi u yoo vy꞉o yélini wop a dpodo té, yi kada pini yoo ntênê dny꞉oo chââchââ dé, mu kópu u dîy꞉o yi l꞉êê dîy꞉o pi ngê nmî Mî u pi daapaa dyênê ngê, nmî Lémi Yesu u pi myedaapaa dyênê ngê.

Taitas 2:5

mb꞉aamb꞉aa ngê ye dny꞉oo vyuwo, nuw꞉o mbêmê dny꞉oo m꞉ii, dono kópu yi p꞉uu daapîchoo ya, yi moo yoo yi dnye dmi dny꞉oo nyêmî dé. Yinté mb꞉aamb꞉aa ngê dny꞉oo ya, mu kópu u dîy꞉o pi knî y꞉oo nmî Mî u kópu dyuu p꞉uu dono kópu daapaa vyi y꞉e.

Taitas 2:8

Dye ghi yintómu ye chi ndê danê, mu kópu u dîy꞉o yélini nmî p꞉uu a d꞉uu té, kópu dono nmî p꞉uu daapaa vyi y꞉e, mywene y꞉e paa ghê we.

Hipîlu 13:4

Yéé yepe yi nuw꞉o dê numo p꞉uu dny꞉oo kwo, yi tumu mââ yi tumu pyââ kîngmê ya. N꞉ii pini n꞉ii u kuwó wa pwiyé, Chóó Lémi ngê wa kpada. Pini n꞉ii adî pyââ ti, pyópuni adî mââ ti, Chóó Lémi ngê amye kpada dê.