1 Njon 4:8 - The New Testament in the Rossel Language also called the Yele Language of Papua New Guinea

⁸ Pini n꞉ii nódo yoo yi nuu ghi dmi daa ya yédi, yi pini u lama nmî Mî daa tóó, nmî Mî dêwunê nj꞉ii ngê, mu kópu u dîy꞉o nmî Mî nódo nmî nuu ghi dmi ntênê a tóó.

1 Njon 4:8 ပူးပေါင်းရင်းမြစ်များ

2 Kódin 13:11

Mw꞉ââkó a tîdê mbwó yoo, nmyi nuw꞉o dmi moo l꞉âmo tóó, mb꞉aamb꞉aa ngê dpî pyaa dniye. Nmyi l꞉êê ghi dmi moo wáti tóó, dmyinê mb꞉aamb꞉aa. A kópu dyuu dpî ny꞉ee yó, nmyi nuw꞉o dmi ngmidi ngê dny꞉oo ya, numo p꞉uu namê d꞉uu. Yinté anmyi ya knomomê, ye pini n꞉ii nódo nmî nuu ghi dmi a tóó, Chóó Lémi, daawa a kuwo nmyo, kóó k꞉oo ntênê wa kaa nmyo.

Epeso 2:4

Ngmênê Chóó Lémi ka ntênê nmî ch꞉anê dniye, nmî nuu ghi dmi nódo a tóó.

Hipîlu 12:29

mu kópu u dîy꞉o nmî yâpwo, yoo dono ndiya yinê dpî kéé.

1 Njon 1:5

Ala kópu dyuu nmî Lémi u kwo nmo ny꞉ee too, nmye vyîlo yinmo tpapê too, Chóó Lémi kââdî ntee tpile ye tóó, mgîdî knî p꞉uu daangma a t꞉a.

1 Njon 2:4

N꞉ii ngê dpî vyi, Nmî Mî a lama pini ngê a tóó, u yoo vy꞉o n꞉aa kwo, ngmênê yi pini u kwo daa ng꞉aa yédi, yi pini k꞉omodanê pyu, ndê kópu dyuu u mênê daa ya nyédi.

1 Njon 2:9

N꞉ii ngê dpo, Pywápê u wuu n꞉aa m꞉ii, ngmênê u mbwó u kwo a diya yédi, yi pini mgîdî vy꞉o mo m꞉ii.

1 Njon 3:10

Chóó Lémi u yoo, Setan u yoo, yi myeme alanté. Pini n꞉ii nódo u tîdê mbwó yoo yi nuu ghi dmi daa tóó, myenté kópu mb꞉aa daa d꞉uud꞉uu too, yi pini daa Chóó Lémi u yoo vy꞉o pini ngmê.

1 Njon 3:6

Yélini yi k꞉ii Yesu u k꞉ii ngmidi ngê nmo pyede, dpîno dono nyédi, ngmênê n꞉ii a dono yédi, yi pini ngê nmî Lémi doongê módu, u lama myedaa tóó.

1 Njon 4:16

Nmî lama a tóó, Nmî nuu ghi dmi nmî Mî nódo a tóó. Yi kópu p꞉uu nmî nuw꞉o dmi a kwo. Pini n꞉ii nódo yoo yi nuu ghi dmi adî ya, yi pini nmî Mî p꞉uu a ya yédi, myenté yi pini p꞉uu nmî Mî a ya yédi.

1 Njon 4:7

A tîdê mbwó yoo, nmî nuu ghi dmi numo nódo dny꞉oo ya, mu kópu u dîy꞉o nmî Mî ngê vyîlo yi kópu u yi u ngwo ye kwo. Pini n꞉ii nódo yoo yi nuu ghi dmi a tóó, nmî Mî tp꞉oo ngê dpî pyódu, nmî Mî u lama a ya yédi, nmî Mî wunê nj꞉ii ngê.