1 Kódin 9:21 - The New Testament in the Rossel Language also called the Yele Language of Papua New Guinea

²¹ Myenté, dini ghi n꞉ii ngê kn꞉aa yéli yi vy꞉o nîmo kwo yédi, kópuni a d꞉uud꞉uu tumo, myinî d꞉uud꞉uu too, mu kópu u dîy꞉o nmî Lémi Yesu ka paa kêlîmî mbê dniye. Yi yéli y꞉oo Mósisi u dêêpî kópu dyuu daa chââchââ tumo, yi vy꞉o myedînîn꞉aa chââchââ too, mu kópu u dîy꞉o mywene ye daapaa ghê we, a wépi daapaa pwaa y꞉e. (Chóó Lémi u dêêpî kópu dyuu dîpî kéé ngê, nmî Lémi Yesu Kédisu u dêêpî kópu dyuu vyîlo yinî chââchââ ngê.)

1 Kódin 9:21 ပူးပေါင်းရင်းမြစ်များ

Dpodo 15:28

Yepê, Chóó Lémi u Ghê Dmi u k꞉ii nmî nuw꞉o dmi ngmidi ngê dê pyódu, dpodo ndîî nmye daanmo kê, ala kópu pyile njini dmyinê d꞉uud꞉uu.

Dpodo 16:4

P꞉aani p꞉aani lee dniye, kópuni Yesu u dyépi knî y꞉oo Njedusalem a d꞉êê ngópu, yi kópu Yesu u yoo ye dnyimon꞉aa tpapê, yepê, Ala kópu dyuu dmyinê chââchââ dé.

Dpodo 21:25

Kwo, Wu Nju tpémi yi kópu, ngmênê kn꞉aa yélini Yesu u yoo vy꞉o ghê dniye, yi yéli yi kópu alanté. Kwo, Pweepwee pee wunê ye ngmêkînmî dy꞉ââ ngê, ntini n꞉ii k꞉omo yâpwo ka mwiyé dpî y꞉ee ngmê, yi ntini ye kînmî kwódu ngê, ntapî u tpile tp꞉oo n꞉ii p꞉uu wêê d꞉uudpî pwii ye nmî kwódu ngê, pyââ ti mââ ti ye my꞉oo kwódu ngê.

Lóma 2:12

Pini n꞉ii ngê dono wa d꞉uu, Chóó Lémi ngê wa kpada. Yélini daa Nju tpémi, k꞉omo tpile yi yéli yi lama Mósisi u dêêpî kópu dyuu daa kwo, Chóó Lémi ngê yi dono knî yi l꞉êê dîy꞉o amye kpada té. K꞉omo tpile dono mb꞉aamb꞉aa yi chóó a chámêchámê dumo, ngmênê kópu mb꞉aa daa d꞉uud꞉uu tumo, kópu dono ye d꞉uud꞉uu tumo. Nmî lama ka tóó, Chóó Lémi u dêêpî kópu dyuu yi gha vy꞉o a kwo, mu kópu u dîy꞉o dini ghi n꞉ii ngê kópu mb꞉aa a d꞉uud꞉uu tumo, yi gha dmi mb꞉aamb꞉aa ngê a ya nyédi, dini ghi n꞉ii ngê kópu dono a d꞉uud꞉uu tumo, yi gha dmi dono ngê dpî pyódu. Chóó Lémi ngê Nju tpémi amyedê kpada té. K꞉omo tpile Mósisi u dêêpî kópu dyuu yi lama a kwo, ngmênê daa chââchââ tumo. K꞉omo tpile pi u lama Mósisi u dêêpî kópu dyuu a kwo, yi pini ngê yi kwódu yé kópu dé adê d꞉uud꞉uu dé, ye Chóó Lémi ka pi mb꞉aa ngê daawa pyódu, ngmênê n꞉ii ngê yi kwódu yé kópu dé daadî d꞉uud꞉uu dé, yini Chóó Lémi ka pi mb꞉aa ngê wa pyódu.

Lóma 7:22

Chóó Lémi u dêêpî kópu dyuu a nuu u kópu dyuu, ngmênê kn꞉aa lémi ghi a mênê ngma a dpodo yédi, a nuw꞉o p꞉uu a d꞉uu yédi, dono p꞉uu dpodo pyu ngê yinê a pyépi noo.

Lóma 8:4

Yi kópu u l꞉êê dîy꞉o Chóó Lémi u Ghê Dmi ngê u ntââ ngê wunê pyépi nmoo, kópuni Chóó Lémi ngê u yi a kwo, yi kópu yinmo d꞉uud꞉uu too. Daa nmî chóó nmî wêdêwêdê mbêmê nmo m꞉ii té, ngmênê Chóó Lémi u Ghê Dmi mbêmê nmo m꞉ii té, u dêêpî kópu dyuu u ngwo nmo chââchââ too.

Nkalásiya 3:2

Kópu mu ngmidi nmye nînê póópóó. Ló kópu mbêmê Chóó Lémi u Ghê Dmi nmyinê pyw꞉ee ngópu? Dêêpî kópu dyuu chââchââ mbêmê nmyinê pyw꞉ee ngópu, ó Yesu ka kêlîmî mbêmê nmyinê pyw꞉ee ngópu?

Nkalásiya 6:2

Pini n꞉ii ka kópuni dîngîdîngî ngê adî pyodopyodo, dmyinê ngêêpî, Yesu Kédisu u dêêpî kópu u ngwo anmyi chââchââ. Yi kópu ala, nmyi nuu ghi dmi numo nódo dny꞉oo ya.

Hipîlu 8:10

Ngmênê mu dini ghi ngê kamî ngê anî pyódu té, myombó a ka amênê kââdî té. Nmî Lémi ngê apê, Yi yâpwo ngê anî ya, a yoo ngê adnyi kwo. Dini ghi n꞉ii ngê yi kn꞉ââ yoo a ka nê kââdî too, a dêêpî kópu dyuu chêêpî kpââ dê yi p꞉uu nê d꞉êê too, ngmênê dini ghi n꞉ii ngê ala yéli a ka anê kââdî té, a dêêpî kópu dyuu yi mbodo mênê anê yé té, yi gha vy꞉o amyidnyi ya.