Wenía 4:1 - Yové Koĩni Vana

¹ Adão, ãwẽ aĩ tasakoĩanamãsho, tooinái. Askái ãwẽ venevake pakémaĩnõ “Caim” akĩ aneki. “Yavepa ea take akatõsho, vake venevake ẽ via”, ikí vanai Eva.

Wenía 4:1 ပူးပေါင်းရင်းမြစ်များ

Wenía 3:15

Askái aĩvonĩ ichnánanãkatsa. Minõsho revoa askásevi, aĩvomẽsho revoa yoranĩ ichnánanãókatsavo. Ãatõ mapoki mia tsewe amaĩnõ, miãro ãwẽ tae txĩtóki mĩ tsewe aokatsa”, akĩ tanamakĩ.

Wenía 3:24

Ato aská avaikĩ, vari oátõ, Eden wai repí “querubim” atõ aká ivo yovérasĩ, txii kewãa aká awetima akaya vimi vesomashõ ato shokõki.

Wenía 4:2

Askásho txipo venevake wetsa meraósho, “Abel” akĩ aneki, Caimni take. Abelro txivo vesoya kanii, askámaĩnõ, Caimro piti merámaiya kanii akávo.

Wenía 4:25

Askávai txipo, Adãonĩ Evã vake venevake wetsa meraósho, ãwẽ pakémaĩnõ “Sete”, akĩ anesho, vanai. “Yové Koĩni vake wetsa ea inãóai. Caimni ea yamamakãchna ivo ẽ vená aoai”, ikí Eva.

Wenía 5:29

Venevake merasho “Noé”, akĩ anevai vanai, “Yavepa mai veí netãti ivonamãsho mee itĩ yomãnai nõ shokomaĩnõ, noke tenemakatsaiya ivo vake merái”, ikí Lameque.