Wenía 32:9 - Yové Koĩni Vana

⁹ Askái ano Yavénĩ vanai. “Yavepá, mia ẽ ochtxó Abraãonĩsho, ẽ papa Isaquẽ ravipaóa Yové mia. Ea mĩ aská avai. ‘Arimẽse mĩ maikiri mĩ wetsamavorasĩnamã iokaĩtátso. Ano mĩ nimaĩnõ roakakĩ mia ẽ nitxĩkatsa’, iinã ea mĩ yonovai.

Wenía 32:9 ပူးပေါင်းရင်းမြစ်များ

Wenía 17:7

Askatase naa tanáti tavámakĩnanãimai nõ shokonõ, mia, mĩ revomarasĩ akánĩ. Neská ivo vana mato ẽ ashõa. Ea Yové mináse, mĩ revomarasĩnáse aká ikatsai.

Wenía 28:13

Yavé aa tavásho vanainái. “Earo Yavé, Abraão, Isaque aatiisho ravipaóa ivo Yové ea. Naa, mĩ anõ rakáa ivo mai, mia, mĩ revomarasĩ aatii mato ẽ inãkatsa.

Wenía 28:15

Mĩ niátipakĩse peshót ashõ mia ẽ vesokatsa. Aská avaikĩ, naaivo maĩ arimẽse mia ẽ ewevarãókatsa. Mia enema ikatsai, mia aská akatsai ivo katsése mia ẽ ashõkõvaĩkatsa”, akĩ tanamakĩ.

Wenía 31:13

Ea Yové Betelnamãsho mĩ oĩmta ivonã, ano shasho masõnísho azeite shenĩ mĩ voimtá, aská ashõ tekísma ivo vana mĩ nẽemtá. Ramaro kashma avaí naaivo mai enevaĩi kashõ mĩ anõ vaketi ivo maĩ arimẽse iokaĩta’, ea achĩa”, akĩ ãwẽ aĩvorasĩ yoãshokĩ.

Wenía 31:29

Mato ichná ati roakamẽkĩ, shaváma namáki ẽ oĩa mĩ papã ravia Yové Koĩni ea tanamavai. ‘Oĩtso, Jacóki ichnái vanaroa’, ea avai.

Wenía 31:3

Aská oĩinã Yavepa Jacó tanamakĩ. “Arimẽse mĩ papanĩsho mĩ ewã maĩ, iokaĩta mĩ wetsama niánamã. Mĩ kamaĩnõ mia ẽ vesokatsa”, akĩ.

Wenía 31:42

Ẽ shenirasĩni Yové, Abraão raviti ivo, Isaquẽ rakéshopawa ivo, ea take akámaro, awe yama akĩ ea mĩ yonokeãi. Askámaĩnõ naaro Yové Koĩni ẽ onís awei mee iki ea oĩvaĩvaĩa. Askáshovísi, shaváma yamé mia vatxĩvai”, akĩ.

Wenía 31:53

Nokẽ papavo, mĩ ochtxó Abraão, ẽ ochtxó Naor aatiisho atõ ravipaóa Yové noke meki ashõya ave ninõ”, akĩ. Ãwẽ askámaĩnõ Jacó vanaói. “Ẽ papa Isaquẽ rakéshopawa ivo Yovepa anemẽsho tavámatima ivo mia ẽ ashõvere”, akĩ.

Wenía 32:8

Aská akĩ arí chinãki, “yora shokoa wetsa ẽ takẽ ato pakã amaĩnõro wetsarasĩro ave poshónõvo”, ikĩ chinãki.

Wenía 49:25

Askávaíse Yové Koĩni mia take atikĩra. Yové Weeya ivõ askásevi vana roapa netãtikĩra. Naí shavapa ivorasĩ askásevi, vana roapa netãi, maĩ aaivorasĩ askásevi, vana roapa netãi, anõ revotirasĩ, shoma, vakenãti aatiisho askásevi, netãi, atikĩra.