Wenía 13:7 - Yové Koĩni Vana

⁷ Aská aatiã cananeu yorarasĩ, ferezeu yorarasĩ aatii ano aaivo mai naki shokoóvo. Askáinã anosho Abrãonĩ ãwẽ epashkopa iná vesoyavorasĩ arímamẽ vatxinanãvo.

Wenía 13:7 ပူးပေါင်းရင်းမြစ်များ

Wenía 10:19

Askái atõ anõ peás iki mairo Canaã. Askái ãwẽ kesoketanáro Sidomnamã iaketãi kawãi, Gerarnamã kesoa. Anosho Gazanamã ioketani kawãi, Sodoma, Gomorra, Admá, Zeboim akánamã kesoóa. Anosho kaí Lasanamã kesoa.

Wenía 12:6

Voí, aaivo mai kashke naki Siquémnamã nokóvo, iwi carvalho, Moréna ivo kesó shokokévo. Aatiã aaivo mainamã Cananeu yorarasĩ shokopaóa.

Wenía 21:25

revísmẽinã vamo ikí vanai, vaná wakamẽsho. Awesáma, Abimeleque shokõkenavõ, atonámamẽkĩ atõ viãkévaisho.

Wenía 26:20

Aská akĩ atõ meraómaĩnõ, Gerarnamã txivo vesoyavorasĩni ato vatxĩvo, “wakapasha nokenárvi”, iinã. Atõ askámaĩnõ Isaquẽ ano “Eseque”, akĩ aneki. Awesáma, “anõsho vatxinanãtivo”, ikí keská vana.

Wenía 34:30

Atõ askámaĩnõ atõ papã Simeão Levi aká ato aská akĩ. “Ea mã ichná aka. Ramaro cananeu yorarasĩ, perizeu yorarasĩ aatii ea ato mã ichnamakatsai. Nokero ãtsapamarívi, atovõro õsí õsítãsho ẽ vakerasĩnĩkĩ ea keyokatsavo”, akĩ.

Wenía 46:34

neská akĩ revítsoma. ‘Noke yoini iná akayavo, vakechtashóse nõ shovirívi, nokẽ shenirasĩ ipawatõ ikí’, atsoma. Mã aská akáro, Gósennamã mã shokoa roase ikatsai. Awesáma, Egito yorarasĩ txasho, txivo, cabra aká iná aká roa amísmavo, atõ chinãtõmase nõ imísi iinã”, ato akĩ.

Tiago 3:16

Askáinã ẽ yoãtsikĩ, naíti chinã, yoranĩ tavananãti chinã aká ayashoro, tanatĩpá chinãyai, ichnárasĩ õsi õsipa meráoyarvi.

Tiago 4:1

“Askámaĩnõ wetsaro, marímamẽ mã ichnánanã neskásho mã ikí. Askárasĩro matõ chinã oke chinã ichná tsaósho mã ikítsikĩ, Yové Koĩni chinãrasĩ avé ranokasmananãyanã.